ಸೋಷಿಯಲ್ ಮೀಡಿಯಾ ಈ ಅಭ್ಯಾಸವನ್ನು ಹೇಗೆ ಹೆಚ್ಚಿಸುತ್ತದೆ?
ಒಂದು ಸುದ್ದಿ ನೋಡಿದ ಮೇಲೆ ಅದಕ್ಕೆ ಸಂಬಂಧಿಸಿದ ವಿಡಿಯೊ, ಕಾಮೆಂಟ್‌, ಚರ್ಚೆಗಳನ್ನ ನೋಡ್ತಾ ಹೋದ್ರೆ ಸಮಯ ಹೋಗಿದ್ದೇ ಗೊತ್ತಾಗಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಒಂದರ ಹಿಂದೆ ಒಂದರಂತೆ ಹೊಸ ವಿಷಯಗಳು ಬರೋದ್ರಿಂದ ಸ್ಕ್ರೋಲಿಂಗ್ ನಿಲ್ಲಿಸೋದು ಕಷ್ಟವಾಗುತ್ತೆ. ಇದರಿಂದ ಟೆನ್ಷನ್, ಕಿರಿಕಿರಿ, ಮಾನಸಿಕ ದಣಿವು ಉಂಟಾಗಬಹುದು. ರಾತ್ರಿ ಮಲಗೋ ಮುನ್ನ ಮೊಬೈಲ್ ನೋಡ್ತಾ ಇದ್ರೆ ನಿದ್ದೆ ತಡವಾಗಬಹುದು, ಓದಿದ ಸುದ್ದಿಗಳ ಬಗ್ಗೆಯೇ ಯೋಚನೆ ಮಾಡ್ತಾ ನಿದ್ದೆ ಕೂಡ ಹಾಳಾಗಬಹುದು.
ಸುದ್ದಿ ಓದುವ ಅಭ್ಯಾಸ ಯಾವಾಗ ಸಮಸ್ಯೆ?
ಸುದ್ದಿ ಓದೋದು ತಪ್ಪಲ್ಲ. ಆದ್ರೆ ಬೇಸರವಾದಾಗ, ಆತಂಕವಾದಾಗಲೆಲ್ಲ ಮೊಬೈಲ್ ತೆಗೆದು ಸುದ್ದಿ ನೋಡೋ ಅಭ್ಯಾಸ ಬೆಳೆದರೆ ಎಚ್ಚರ ವಹಿಸಬೇಕು. ಸುದ್ದಿ ಓದಿದ ಮೇಲೆ ಮನಸ್ಸು ನಿರಾಳವಾಗುತ್ತಿದೆಯಾ ಅಥವಾ ಟೆನ್ಷನ್ ಹೆಚ್ಚಾಗುತ್ತಿದೆಯಾ ಅಂತ ಗಮನಿಸಿ. ಇದರಿಂದ ನಿದ್ದೆ ಹಾಳಾಗ್ತಿದ್ರೆ, ಕೆಲಸದ ಮೇಲೆ ಗಮನ ಕೊಡೋಕೆ ಆಗ್ತಿಲ್ಲ ಅಂದ್ರೆ ಮೊಬೈಲ್ ಬಳಕೆಯ ಅಭ್ಯಾಸ ಬದಲಾಯಿಸೋದು ಒಳ್ಳೆಯದು.
ಡೂಮ್‌ಸ್ಕ್ರೋಲಿಂಗ್‌ನಿಂದ ಹೊರಬರೋದು ಹೇಗೆ?
- ಸುದ್ದಿಗೆ ಸಮಯ ಫಿಕ್ಸ್ ಮಾಡಿ: ದಿನವಿಡೀ ಮೊಬೈಲ್ ನೋಡೋ ಬದಲು, ಸುದ್ದಿ ಓದಲು ನಿರ್ದಿಷ್ಟ ಸಮಯ ಇಟ್ಕೊಳ್ಳಿ.
- ಒಳ್ಳೆಯ ಸುದ್ದಿ ಮೂಲ ಆಯ್ಕೆ ಮಾಡಿ: ಒಂದೇ ಸುದ್ದಿಯನ್ನ ಮತ್ತೆ ಮತ್ತೆ ಓದೋ ಬದಲು, ಮುಖ್ಯ ಮಾಹಿತಿಗೆ ಗಮನ ಕೊಡಿ.
- ಅನಗತ್ಯ ನೋಟಿಫಿಕೇಶನ್ ಆಫ್ ಮಾಡಿ: ಪ್ರತಿ ಅಲರ್ಟ್‌ಗೂ ತಕ್ಷಣ ಮೊಬೈಲ್ ನೋಡಬೇಕಿಲ್ಲ.
- ಮಲಗೋ ಮುನ್ನ ಮೊಬೈಲ್ ದೂರವಿಡಿ: ರಾತ್ರಿ ಸ್ಕ್ರೋಲ್ ಮಾಡೋ ಬದಲು ಆರಾಮವಾಗಿ ನಿದ್ದೆ ಮಾಡಲು ಸಮಯ ಕೊಡಿ.
- ನಿಮ್ಮ ಮನಸ್ಥಿತಿ ಗಮನಿಸಿ: ಟೆನ್ಷನ್ ಅಥವಾ ಒಂಟಿತನದಿಂದ ಮೊಬೈಲ್ ನೋಡ್ತಿದ್ದರೆ, ಸ್ವಲ್ಪ ಬ್ರೇಕ್ ತಗೊಂಡು ವಾಕ್ ಮಾಡೋದು ಅಥವಾ ಆಪ್ತರ ಜೊತೆ ಮಾತಾಡೋದು ಒಳ್ಳೆಯದು.
ಇದನ್ನೂ ಓದಿ: ರಿಷಬ್ ಶೆಟ್ಟಿ ಜತೆ ಮಮಿತಾ ಬೈಜು ನಟನೆ; ‘ಜೈ ಹನುಮಾನ್’ಗೆ ಮಲಯಾಳಂ ಬೆಡಗಿ ಎಂಟ್ರಿ? | Mamitha Baiju in Jai Hanuman
ಸುದ್ದಿ ತಿಳ್ಕೊಳ್ಳಿ, ಆದ್ರೆ ನೆಮ್ಮದಿ ಕಳೆದುಕೊಳ್ಳಬೇಡಿ
ಜಗತ್ತಿನಲ್ಲಿ ಏನಾಗ್ತಿದೆ ಅಂತ ತಿಳ್ಕೊಳ್ಳೋದು ಮುಖ್ಯ. ಆದ್ರೆ ಪ್ರತಿ ಸುದ್ದಿಯನ್ನೂ ತಕ್ಷಣ ತಿಳ್ಕೊಳ್ಳಲೇಬೇಕು ಅನ್ನೋ ಒತ್ತಡ ಬೇಡ. ಕೆಟ್ಟ ಸುದ್ದಿಗಳನ್ನ ಪದೇಪದೆ ಓದೋದ್ರಿಂದ ಸಿದ್ಧತೆ ಹೆಚ್ಚಾಗೋ ಬದಲು ಟೆನ್ಷನ್ ಹೆಚ್ಚಾಗಬಹುದು. ಹಾಗಾಗಿ, ಎಷ್ಟು ಸುದ್ದಿ ಓದಬೇಕು, ಎಲ್ಲಿ ನಿಲ್ಲಿಸಬೇಕು ಅನ್ನೋದು ಗೊತ್ತಿರಲಿ. ಜಗತ್ತಿನ ಆಗುಹೋಗುಗಳ ಬಗ್ಗೆ ತಿಳ್ಕೊಳ್ಳಿ, ಜೊತೆಗೆ ನಿಮ್ಮ ಮನಸ್ಸಿನ ನೆಮ್ಮದಿಗೂ ಆದ್ಯತೆ ಕೊಡಿ.
