ಇವುಗಳ ಬದಲಿಗೆ ಬೇರೆ ಕಾರಣ ನೀಡಿ ಪಿಎಫ್​ ಹಣ ಡ್ರಾ ಮಾಡ್ಬೇಡಿ! ದಂಡ, ಬಡ್ಡಿ ಸಮೇತ ಆಗುತ್ತೆ ವಸೂಲಿ | PF Money

PF Money: ಉದ್ಯೋಗಿಗಳ ಭವಿಷ್ಯ ನಿಧಿ ನಿವೃತ್ತಿ ಪಡೆದ ಬಳಿಕ ಮತ್ತು ಕರ್ತವ್ಯದ ಸಮಯದಲ್ಲಿ ಆರ್ಥಿಕ ಸಹಾಯ ಒದಗಿಸುತ್ತದೆ. ಅದು ಅನಾರೋಗ್ಯ, ತುರ್ತು ಪರಿಸ್ಥಿತಿ, ಮನೆ ಕಟ್ಟಲು ಸೇರಿದಂತೆ ಇನ್ನಿತರ ಬಹುಮುಖ್ಯ ಕಾರಣಗಳಿಗೆ ಒಳಪಡುತ್ತದೆ. ಆದರೆ, ಕೆಲವರು ಮಾತ್ರ ಈ ಹಣವನ್ನು ಸುಖಾಸುಮ್ಮನೆ ಡ್ರಾ ಮಾಡಿಕೊಳ್ಳುತ್ತಾರೆ. ಅದರಲ್ಲೂ ಸುಳ್ಳು ಕಾರಣಗಳನ್ನು ನೀಡಿ. ಆದರೆ, ಹೀಗೆ ಮಾಡುವುದರಿಂದ ಹೆಚ್ಚುವರಿ ದಂಡ, ಬಡ್ಡಿಯನ್ನು ಕಟ್ಟುತ್ತಿದ್ದೇವೆ ಎಂಬ ವಿಚಾರ ನಿಮಗೆ ಗೊತ್ತಿದೆಯೇ?

ಇದನ್ನೂ ಓದಿ: ಮೈದಾನದಲ್ಲಿ ಹುಚ್ಚುಚ್ಚು ವರ್ತನೆ… ಭಾರತ-ಪಾಕಿಸ್ತಾನ ಸಂಬಂಧಕ್ಕೆ ಮತ್ತಷ್ಟು ಎಳ್ಳು ನೀರು ಬಿಟ್ಟ ಪಾಕ್​ ಕ್ರಿಕೆಟಿಗರು! Asia Cup 2025

ಅನೇಕರು ತುರ್ತು ಪರಿಸ್ಥಿತಿ ಇಲ್ಲದಿದ್ದರೂ ತಪ್ಪು ಕಾರಣವನ್ನು ನೀಡಿ ತಮ್ಮ ಪಿಎಫ್​ ಹಣವನ್ನು ಡ್ರಾ ಮಾಡಿಕೊಳ್ಳುತ್ತಿದ್ದಾರೆ. ಕೆಲವರು ಊಟಿಗೆ ಪ್ರವಾಸಕ್ಕೆಂದು ಹಣ ಪಡೆದರೆ, ಇನ್ನೂ ಕೆಲವರು ಐಷಾರಾಮಿ ಗಾಡಿಯನ್ನು ಖರೀದಿಸಲು ಬಳಿಸಿಕೊಳ್ಳುತ್ತಾರೆ. ಅಸಲಿಗೆ, ಇದಕ್ಕೆಲ್ಲ ಬ್ರೇಕ್​ ಹಾಕಲು ಇಪಿಎಫ್​ಓ ಮುಂದಾಗಿದೆ. ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ಅಂತಹ ಜನರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುತ್ತಿದೆ. 2025ರಲ್ಲಿ, ತಪ್ಪು ಕಾರಣವನ್ನು ಉಲ್ಲೇಖಿಸಿ ಪಿಎಫ್​ ನಿಧಿಯಿಂದ ಹಣವನ್ನು ಹಿಂಪಡೆಯುವವರಿಗೆ ಭಾರೀ ದಂಡವನ್ನು ವಿಧಿಸುತ್ತಿದೆ. ಇದಲ್ಲದೆ, ಡ್ರಾ ಆದ ಮೊತ್ತದ ಮೇಲೆ ಬಡ್ಡಿಯೊಂದಿಗೆ ದಂಡವನ್ನು ಸಹ ಸಂಗ್ರಹಿಸುತ್ತಿದೆ. ಈ ನಿಟ್ಟಿನಲ್ಲಿ, EPFO ​​ತನ್ನ ಪಿಎಫ್​ ಸದಸ್ಯರಿಗೆ ಎಚ್ಚರಿಕೆ ನೀಡಿದೆ.

ಯಾವುದೇ ಸದಸ್ಯರು ತಮ್ಮ ಪಿಎಫ್​ ಹಣವನ್ನು ಹಿಂಪಡೆಯಲು ಸುಳ್ಳು ಕಾರಣವನ್ನು ನೀಡಿದರೆ, ಉದಾಹರಣೆಗೆ, ಅದು ಮನೆ ಖರೀದಿಸಲು ಮತ್ತು ನಂತರದಲ್ಲಿ ಹಣವನ್ನು ಬೇರೆ ಉದ್ದೇಶಕ್ಕಾಗಿ ಬಳಸುವುದಾಗಿ ಹೇಳಿದರೆ, ಇಪಿಎಫ್​ಓ ​​ಈ ಹಣವನ್ನು ಬಡ್ಡಿಯೊಂದಿಗೆ ಸಂಗ್ರಹಿಸುವ ಹಕ್ಕನ್ನು ಹೊಂದಿದೆ ಮತ್ತು ದಂಡವನ್ನು ವಿಧಿಸಲಿದೆ.

ನಿಯಮಗಳ ಪ್ರಕಾರ PF ಹಣ ಹಿಂಪಡೆಯಬಹುದು ಯಾವಾಗ?

• 1952ರ ಇಪಿಎಫ್​ ಯೋಜನೆಯ ಪ್ರಕಾರ, ಕೆಲವು ಸಂದರ್ಭಗಳಲ್ಲಿ ಮಾತ್ರ ಹಣವನ್ನು ಹಿಂಪಡೆಯಲು ಅನುಮತಿಸಲಾಗಿದೆ.
• ಮದುವೆ
• ಮಕ್ಕಳ ಶಿಕ್ಷಣ
• ಗಂಭೀರ ಅನಾರೋಗ್ಯ
• ಮನೆ ಖರೀದಿ ಅಥವಾ ಕಟ್ಟುವುದು
• ನಿವೃತ್ತಿ ಈ ಮೇಲ್ಕಂಡ ಕಾರಣಗಳಿಗಾಗಿ, ಪಿಎಫ್‌ನ ಭಾಗಶಃ ಹಿಂಪಡೆಯುವಿಕೆಯನ್ನು ಅನುಮತಿಸಲಾಗಿದೆ. ಆದಾಗ್ಯೂ, ಸಾಮಾನ್ಯವಾಗಿ ನಿವೃತ್ತಿಯ ಸಮಯದಲ್ಲಿ ಮಾತ್ರ ಪೂರ್ಣ ಹಿಂಪಡೆಯುವಿಕೆಗೆ ಅನುಮತಿ ನೀಡಲಾಗಿದೆ.

ಸೆಕ್ಷನ್ 68 ಬಿ (11) ನಿಯಮ: ದುರುಪಯೋಗಕ್ಕೆ ದಂಡ

ಇಪಿಎಫ್ ಯೋಜನೆಯು ಸೆಕ್ಷನ್ 68ಬಿ (11) ಅಡಿಯಲ್ಲಿ ಕಠಿಣ ನಿಯಮಗಳನ್ನು ವಿಧಿಸಲಾಗುತ್ತದೆ. ಯಾವುದೇ ಸದಸ್ಯರು ಹಿಂಪಡೆಯಲಾದ ಹಣವನ್ನು ದುರುಪಯೋಗಪಡಿಸಿಕೊಳ್ಳುತ್ತಿರುವುದು ಕಂಡುಬಂದರೆ, ಅಂತವರಿಗೆ ಮುಂದಿನ 3 ವರ್ಷಗಳವರೆಗೂ ಪಿಎಫ್​ ಹಣವನ್ನು ಡ್ರಾ ಮಾಡಲು ಅನುಮತಿ ರದ್ದುಗೊಳಿಸಲಾಗುತ್ತದೆ. ಅದರಲ್ಲೂ ಹಿಂಪಡೆಯಲಾದ ಹಣವನ್ನು ಬಡ್ಡಿಯೊಂದಿಗೆ ಸಂಪೂರ್ಣವಾಗಿ ಮರುಪಾವತಿಸುವವರೆಗೆ ಹೊಸ ಮುಂಗಡಗಳನ್ನು ಅನುಮೋದಿಸಲಾಗುವುದಿಲ್ಲ.

ಆನ್‌ಲೈನ್ ಪಿಎಫ್ ಪಡೆಯಲು ಪ್ರಮುಖ ದಾಖಲೆಗಳು

• ಪಿಎಫ್ ಸದಸ್ಯರು ವಿವಿಧ ರೂಪಗಳನ್ನು ಬಳಸಿಕೊಂಡು ಯುಎಎನ್ ಪೋರ್ಟಲ್ ಮೂಲಕ ಆನ್‌ಲೈನ್‌ನಲ್ಲಿ ಕ್ಲೈಮ್‌ಗಳನ್ನು ಸಲ್ಲಿಸಬಹುದು.
• ಫಾರ್ಮ್ 19: ಪಿಎಫ್ ಅಂತಿಮ ಇತ್ಯರ್ಥ
• ಫಾರ್ಮ್ 10-ಸಿ: ಪಿಂಚಣಿ ಹಿಂಪಡೆಯುವಿಕೆ ಪ್ರಯೋಜನ
• ಫಾರ್ಮ್ 31: ಭಾಗಶಃ ಹಿಂಪಡೆಯುವಿಕೆ

ಆನ್‌ಲೈನ್ ಕ್ಲೈಮ್ ಸಲ್ಲಿಸಲು ಈ ಕೆಳಗಿನ ಷರತ್ತುಗಳನ್ನು ಪೂರೈಸಬೇಕು

• ರಿಜಿಸ್ಟರ್​ ಮಾಡಿಕೊಂಡ ಮೊಬೈಲ್ ಸಂಖ್ಯೆಗೆ ಸಕ್ರಿಯ ಯುಎಎನ್ ಸಂಖ್ಯೆಯನ್ನು ಲಿಂಕ್ ಮಾಡಿರಬೇಕು.
• ಇಪಿಎಫ್‌ಒ ಡೇಟಾಬೇಸ್‌ನೊಂದಿಗೆ ಆಧಾರ್ ಲಿಂಕ್, ಇಕೆವೈಸಿ ಜೊತೆಗೆ ಪರಿಶೀಲನೆಯನ್ನು ಪೂರ್ಣಗೊಳಿಸಬೇಕು.
• ಬ್ಯಾಂಕ್ ಖಾತೆ ಮತ್ತು ಐಎಫ್‌ಎಸ್‌ಸಿ ಕೋಡ್ ಅನ್ನು ದಾಖಲೆಗಳಲ್ಲಿ ನವೀಕರಿಸಬೇಕು.
• ಸೇವೆಯು 5 ವರ್ಷಗಳಿಗಿಂತ ಕಡಿಮೆಯಿದ್ದರೆ, ಅಂತಿಮ ಇತ್ಯರ್ಥಕ್ಕಾಗಿ ಪ್ಯಾನ್ ಕಾರ್ಡ್ ಅನ್ನು ಲಿಂಕ್ ಮಾಡಬೇಕು,(ಏಜೆನ್ಸೀಸ್).

https://www.vijayavani.net/ind-vs-pak-final-lose-captain-salman-ali-speaks