ಹಿಂದು ಶಾಹಿ ಅಥವಾ ಕಾಬೂಲ್ ಶಾಹಿ ಎಂಬುದು ಕ್ರಿಸ್ತ ಶಕ 850 ರಿಂದ 1,026ರವರೆಗೆ ಕಾಬೂಲ್ ಕಣಿವೆ (ಪೂರ್ವ ಅಪಘಾನಿಸ್ತಾನ), ಗಾಂಧಾರ (ಪ್ರಸ್ತುತ ಪಾಕಿಸ್ತಾನ) ಹಾಗೂ ಇಂದಿನ ವಾಯವ್ಯ ಭಾರತವನ್ನು ಆಳ್ವಿಕೆ ನಡೆಸಿದ ರಾಜಮನೆತನದ ಹೆಸರಾಗಿದೆ. ಉತ್ಖನನ ವೇಳೆ ದೇವಾಲಯದ ಗಾಳಿ ಗೋಪುರ, ಸ್ನಾನಕ್ಕಾಗಿ ಬಳಸುತ್ತಿದ್ದ ನೀರಿನ ಹೊಂಡ ಮತ್ತು ಇತರ ಅಂಶಗಳೂ ಪತ್ತೆಯಾಗಿವೆ. ಪಾಕಿಸ್ತಾನದ ಸ್ವಾತ್ ಜಿಲ್ಲೆ ಸಾವಿರಾರು ವರ್ಷಗಳ ಹಳೆಯದಾದ ಪುರಾತತ್ವ ಸ್ಥಳಗಳಲ್ಲಿ ಒಂದಾಗಿದೆ. ಇದೇ ಮೊದಲ ಬಾರಿ ಹಿಂದು ಶಾಹಿ ಆಳ್ವಿಕೆಯ ಕಾಲದ ಕುರುಹುಗಳು ಈ ಪ್ರದೇಶದಲ್ಲಿ ಕಂಡು ಬಂದಿವೆ. ಸ್ವಾತ್ನಲ್ಲಿ ಪತ್ತೆಯಾದ ಗಾಂಧಾರ ನಾಗರಿಕತೆಯ ಮೊದಲ ದೇವಾಲಯ ಇದಾಗಿದೆ ಎಂದು ಇಟಲಿಯ ಪುರಾತತ್ವ ತಜ್ಞರ ತಂಡದ ಮುಖ್ಯಸ್ಥ ಡಾ. ಲುಕಾ ಹೇಳಿದ್ದಾರೆ. ಪಾಕಿಸ್ತಾನದಲ್ಲಿ ನೈಸರ್ಗಿಕ ಸೌಂದರ್ಯ, ಧಾರ್ವಿುಕ ಪ್ರವಾಸೋದ್ಯಮ, ಪುರಾತತ್ವ ಕುರುಹುಗಳನ್ನು ಹೊಂದಿರುವ ಪ್ರಮುಖ 20 ಪ್ರದೇಶಗಳಲ್ಲಿ ಸ್ವಾತ್ ಜಿಲ್ಲೆ ಕೂಡ ಒಂದಾಗಿದೆ. ಇಲ್ಲಿ ಬೌದ್ಧ ಧರ್ಮದ ಹಲವು ಪೂಜಾ ಸ್ಥಳಗಳೂ ಇವೆ.
