ಈಗ ಇದನ್ನು ಸಾಮಾನ್ಯವಾಗಿ ಮನೆಮದ್ದಾಗಿ ಹೇಗೆ ಬಳಕೆ ಮಾಡಿಕೊಳ್ಳಬಹುದು ಎಂಬುದನ್ನು ತಿಳಿದುಕೊಳ್ಳೋಣ. ಇದಕ್ಕೆ ಒಗರು ರುಚಿ ಇರುವುದರಿಂದ ಮತ್ತು ರೂ ಗುಣ ಅಂದರೆ ಒಣಗಿಸುವಿಕೆಯ ಗುಣ ಹೆಚ್ಚಿರುವುದರಿಂದ ಇದನ್ನು ಹೆಚ್ಚಾಗಿ ಸೇವಿಸಿದಾಗ ವಾತ ದೋಷದ ವೃದ್ಧಿಯಾಗುತ್ತದೆ. ಇದನ್ನು ತಡೆಯುವ ಉದ್ದೇಶದಿಂದ ಅರ್ಜುನ ಮರದ ತೊಗಟೆಯ ರಪಾಕ ಸೇವಿಸಲು ಆಯುರ್ವೇದ ವೈದ್ಯರು ತಿಳಿಸುತ್ತಾರೆ. 5 ಗ್ರಾಂನಷ್ಟು ಅರ್ಜುನ ಮರದ ತೊಗಟೆಯ ಚಿಕ್ಕ ಚಿಕ್ಕ ತುಂಡುಗಳನ್ನು ತೆಗೆದುಕೊಂಡು ಅದಕ್ಕೆ ಒಂದು ಲೋಟ ಹಾಲು ಮತ್ತು 4 ಲೋಟ ನೀರು ಹಾಕಿ ಸಣ್ಣ ಉರಿಯಲ್ಲಿ ಕುದಿಸಿ ಒಂದು ಲೋಟಕ್ಕೆ ಬತ್ತಿಸಿ ಸೋಸಿದರೆ ಅದು ಅರ್ಜುನ ರಪಾಕ ಆಗುತ್ತದೆ. ಇದನ್ನು ದಿನಕ್ಕೊಮ್ಮೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಉತ್ತಮ ಪರಿಣಾಮ ಸಿಗುತ್ತದೆ. ಈ ರೀತಿಯಾಗಿ ರಪಾಕ ಮಾಡಿ ಸೇವಿಸುವುದರಿಂದ ಅರ್ಜುನ ಅಡ್ಡ ಪರಿಣಾಮಗಳು ಉಂಟಾಗುವುದಿಲ್ಲ. ಇಷ್ಟು ಒಳ್ಳೆಯ ಗುಣಗಳನ್ನು ಹೊಂದಿದ್ದರೂ ಅರ್ಜುನ ಔಷಧವೇ ಹೊರತು ಆಹಾರ ದ್ರವ್ಯವಲ್ಲ. ಹಾಗಾಗಿ ಇದನ್ನು ಬಳಸುವ ಮೊದಲು ಒಮ್ಮೆ ನಿಮ್ಮ ವೈದ್ಯರ ಸಲಹೆಯನ್ನು ಪಡೆದುಕೊಳ್ಳಬೇಕು. ಒಟ್ಟಿನಲ್ಲಿ ಅರ್ಜುನವು ರಕ್ತದೊತ್ತಡ, ಕೊಲೆಸ್ಟರಾಲ್, ಮೂಳೆ ಸಾಂದ್ರತೆಯ ಕೊರತೆ ಮತ್ತು ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಅನುಭವಿಸುತ್ತಿರುವವರಿಗೆ ಒಂದು ವರದಾನವೇ ಸರಿ.
