Video | ಏನಾಶ್ಚರ್ಯ.. ದೇವಿಯ ಮುಖದಲ್ಲಿ ಶಿವನ ಸ್ವರೂಪ!

ಬೆಂಗಳೂರು: ಅರ್ಧನಾರೀಶ್ವರ ಎಂಬುದನ್ನು ಬಹುತೇಕ ಎಲ್ಲರೂ ಕೇಳಿರುತ್ತಾರೆ. ಅರ್ಧ ಶಿವನಂತೆಯೂ ಇನ್ನರ್ಧ ಪಾರ್ವತಿಯಂತೆಯೂ ಕಾಣುವ ಅರ್ಧನಾರೀಶ್ವರ ವಿಗ್ರಹಗಳು ಸಾಕಷ್ಟಿವೆ, ಭಕ್ತರೂ ಬೇಕಾದಷ್ಟು ಸಲ ನೋಡಿರುತ್ತಾರೆ. ಆದರೆ ಇಲ್ಲೊಂದು ವಿಶೇಷವಿದೆ. ಇದನ್ನು ಅರ್ಧನಾರೀಶ್ವರ ಎನ್ನಲಾಗದಿದ್ದರೂ ಈಶ್ವರ-ಪಾರ್ವತಿ ಇಬ್ಬರ ದರ್ಶನವೂ ಒಂದೇ ವಿಗ್ರಹದಲ್ಲಾಗುತ್ತಿರುವುದು ವಿಶೇಷ. ದೇವಿಯ ವಿಗ್ರಹವೊಂದಕ್ಕೆ ಅಭಿಷೇಕ ನಡೆಯುವಾಗ ಆ ದೇವಿಯ ಮುಖ ಶಿವನ ಸ್ವರೂಪದಂತೆ ಭಾಸವಾಗುತ್ತದೆ. ಇಂಥದ್ದೊಂದು ವಿಶೇಷವಾದ ವಿಗ್ರಹಕ್ಕೆ ಅಭಿಷೇಕ ನಡೆಯುತ್ತಿರುವ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಬಹಳಷ್ಟು ಜನರ ಮನ ಸೆಳೆಯುತ್ತಿದೆ.