ಫೇಸ್​ಬುಕ್​ ಪೋಸ್ಟ್​ನಿಂದಾಗಿ ಜೈಲು ಸೇರಿದ ನಟಿ!

ಥಾಣೆ: ರಾಜಕೀಯ ಮುಖಂಡನ ವಿರುದ್ಧ ಹೇಳಿಕೆಯೊಂದನ್ನು ನೀಡಿ,ಮರಾಠಿ ನಟಿ ಪೇಚಿಗೆ ಸಿಲುಕಿದ್ದು, ಬಂಧನಕ್ಕೊಳಗಾಗಿದ್ದಾರೆ. ಬೇರೊಬ್ಬರು ಬರೆದ ಪೋಸ್ಟನ್ನು ಶೇರ್ ಮಾಡಿ ನಟಿ ಈಗ ಜೈಲುವಾಸ ಅನುಭವಿಸುವಂತಾಗಿದೆ.

ಎನ್​ಸಿಪಿ ನಾಯಕ ಶರದ್​ ಪವಾರ್​ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಅವಹೇಳನಕಾರಿ ಹೇಳಿಕೆ ನೀಡಿದ್ದಾರೆ ಎಂದು ಮರಾಠಿ ನಟಿ ಕೇತ್ಕಿ ಚಿತಲೆ ಅವರನ್ನು ಭಾನುವಾರ ಪೊಲೀಸರು ಬಂಧಿಸಿದ್ದಾರೆ. ಮೇ 18 ರವರೆಗೆ ಪೊಲೀಸ್​ ಕಸ್ಟಡಿಗೆ ನೀಡಲಾಗಿದೆ.

ಬೇರೊಬ್ಬರು ಬರೆದ ಕಾಮೆಂಟ್ಸ್​ಅನ್ನು ಈ ನಟಿ ಹಂಚಿಕೊಂಡಿದ್ದಷ್ಟೇ, ಇದೇ ಕಾರಣಕ್ಕೆ ಆಕೆಯನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ಇನ್ನೂ ಕೆಲವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

23 ವರ್ಷದ ವೈದ್ಯಕೀಯ ವಿದ್ಯಾರ್ಥಿಯನ್ನು ಕೂಡ ಬಂಧಿಸಲಾಗಿದೆ. ಈ ಪ್ರಕರಣ ಇಷ್ಟೊಂದು ಗಂಭೀರತೆ ಪಡೆಯಲು ಅಂತಹ ಹೇಳಿಕೆ ಏನಿತ್ತು ಎಂಬುದಕ್ಕೆ ಇಲ್ಲಿದೆ ಉತ್ತರ.

ಮಹಾರಾಷ್ಟ್ರದಲ್ಲಿ ಶಿವಸೇನೆ ಮತ್ತು ಕಾಂಗ್ರೆಸ್​ನೊಂದಿಗೆ ಅಧಿಕಾರಿವನ್ನು ಹಂಚಿಕೊಂಡಿರುವ ಪವಾರ್​ ವಿರುದ್ಧ ಟ್ವಿಟ್ಟರ್​ನಲ್ಲಿ ಆಕ್ಷೇಪಾರ್ಹ ಕಾಮೆಂಟ್​ ಮಾಡಲಾಗಿತ್ತು. ಮುಂದೆ ನರಕ ಕಾಯುತ್ತಿದೆ, ಬ್ರಾಹ್ಮರಣದನ್ನು ನೀವು ದ್ವೇಷಿಸುತ್ತೀರಿ ಎಂಬ ಹೇಳಿಕೆಯನ್ನು ಶೇರ್​ ಮಾಡಿರುವುದೇ ನಟಿಗೆ ಸಂಕಷ್ಟಕ್ಕೆ ಕಾರಣವಾಗಿದೆ. (ಏಜೆನ್ಸೀಸ್​)

https://www.vijayavani.net/youth-dies-after-torn-chariot-wheel/

https://www.vijayavani.net/central-minister-talks-about-dalith-cm/