ಸಿರಿಮನೆ ಪ್ರತಿಷ್ಠಾನದ 'ಡಾ.ಸಿ.ವಿ.ವತ್ಸಲಾ ದೇವಿ ಸ್ಮಾರಕ ಪ್ರಶಸ್ತಿ'ಗೆ ಅನಾಥ ಮಕ್ಕಳ ಸೇವಾಸಂಸ್ಥೆ 'ದೀನಬಂಧು ಟ್ರಸ್ಟ್' ಆಯ್ಕೆ

ಬೆಂಗಳೂರು: 'ಸಿರಿಮನೆ ಪ್ರತಿಷ್ಠಾನ' ವರ್ಷಂಪ್ರತಿ ನೀಡುವ 'ಡಾ.ಸಿ.ವಿ.ವತ್ಸಲಾ ದೇವಿ ಸ್ಮಾರಕ ಪ್ರಶಸ್ತಿ' ಯನ್ನು ಈ ಬಾರಿ ಚಾಮರಾಜನಗರದ ಅನಾಥ ಮಕ್ಕಳ ಸೇವಾಸಂಸ್ಥೆ 'ದೀನಬಂಧು ಟ್ರಸ್ಟ್'ಗೆ ನೀಡಿ ಗೌರವಿಸಲು ನಿರ್ಧರಿಸಿದೆ. ಮಾ.12 ರಂದು ವಿಜಯನಗರದ ಡಾ.ಚಿದಾನಂದಮೂರ್ತಿ ಸಭಾಂಗಣದಲ್ಲಿ ಸಮಾರಂಭ ನಡೆಯಲಿದ್ದು, ಡಾ. ದೊಡ್ಡರಂಗೇಗೌಡ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಎಲ್.ಎನ್ ಮುಕುಂದರಾಜು ಮುಖ್ಯಅತಿಥಿಯಾಗಿ ಭಾಗವಹಿಸಲಿದ್ದಾರೆ.

ಇದನ್ನೂ ಓದಿ: ಹುಬ್ಬಳ್ಳಿ | ಸಿಸಿಬಿ ಪೊಲೀಸರ ಕಾರ್ಯಾಚರಣೆ; ಪತ್ತೆಯಾಯ್ತು ಬರೋಬ್ಬರಿ 3 ಕೋಟಿ ರೂ. ಕಪ್ಪು ಹಣ

ಕನ್ನಡದ ಲೇಖಕಿ ಮತ್ತು ಎಸ್.ಎಲ್.ಎನ್ ಕಾಲೇಜಿನ ನಿವೃತ್ತ ಪ್ರಾಂಶುಪಾಲರಾಗಿದ್ದ ದಿವಂಗತ ಡಾ. ಸಿ.ವಿ. ವತ್ಸಲಾದೇವಿ ಅವರ ಸ್ಮರಣೆಯಲ್ಲಿ ಸಮಾಜ ಸೇವೆಯಲ್ಲಿ ನಿರತರಾದ ವ್ಯಕ್ತಿಗಳು ಮತ್ತು ಸಂಸ್ಥೆಗಳನ್ನು ಆಯ್ಕೆ ಮಾಡಿ ಪ್ರತಿವರ್ಷ ಈ ಪ್ರಶಸ್ತಿ ನೀಡಲಾಗುತ್ತಿದೆ.

ಕರೊನಾ ಪಿಡುಗಿನ ಕಾರಣ ನೀಡಲಾಗದಿದ್ದ ಕಳೆದ ಮೂರು ವರ್ಷಗಳ ಮೊತ್ತದ ಜತೆಗೆ 2023ರ ಮೊತ್ತವನ್ನೂ ಸೇರಿಸಿ ಒಟ್ಟು 1 ಲಕ್ಷ ರೂ. ನಗದು ಮತ್ತು ಸ್ಮರಣ ಫಲಕವನ್ನು ದೀನಬಂಧು ಸೇವಾಸಂಸ್ಥೆಗೆ ನೀಡಲಾಗುತ್ತಿದೆ. ಸಂಸ್ಥೆಯ ಸಂಸ್ಥಾಪಕ ಟ್ರಸ್ಟಿ ಜಿ.ಎಸ್. ಜಯದೇವ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ.

ಇದನ್ನೂ ಓದಿ:  ಮುಖ್ಯೋಪಾಧ್ಯಾಯ ಹಾಗೂ ಸಹ ಶಿಕ್ಷಕಿಯರಿಂದ ಕಿರುಕುಳ! ರೈಲಿಗೆ ತಲೆ ಕೊಟ್ಟು ಪ್ರಾಣ ಬಿಟ್ಟ ಶಿಕ್ಷಕಿ

https://www.vijayavani.net/five-people-have-been-arrested-for-allegedly-duping-banks/

https://www.vijayavani.net/nalin-kumar-kateel-says-bjp-will-win-assembly-elections/