ಐಟಿ ರಿಟರ್ನ್ಸ್ ಸಲ್ಲಿಕೆ ಗಡುವು ಮತ್ತೆ ವಿಸ್ತರಣೆ

ನವದೆಹಲಿ: ಆದಾಯ ತೆರಿಗೆ ಪಾವತಿ ಮಾಡುವ ಗಡುವನ್ನು ಕೇಂದ್ರ ಸರ್ಕಾರ ಮೂರನೇ ಬಾರಿಗೆ ವಿಸ್ತರಣೆ ಮಾಡಿದ್ದು, 2019-20ನೇ ಸಾಲಿನ ವೈಯಕ್ತಿಕ ಆದಾಯ ತೆರಿಗೆ ಪಾವತಿ ಗಡುವನ್ನು ಜನವರಿ 10ರವರೆಗೂ ವಿಸ್ತರಿಸಿದೆ.

ಖಾತೆಗಳ ಆಡಿಟ್ ಪಡೆಯಬೇಕಾದ ವೈಯಕ್ತಿಕ ಮತ್ತು ಕಂಪನಿಗಳಿಗೆ ಐಟಿ ರಿಟರ್ನ್ಸ್​ ಸಲ್ಲಿಸುವ ಗಡುವನ್ನು ಫೆಬ್ರವರಿ 15ರವರೆಗೆ 15 ದಿನಗಳು ವಿಸ್ತರಿಸಲಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಲಾಯ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ವಿಷ್ಣು ಪುತ್ಥಳಿ ಧ್ವಂಸ ಅವಮಾನವಲ್ಲ, ಆಶೀರ್ವಾದ ಎಂದ ಭಾರತಿ ವಿಷ್ಣುವರ್ಧನ್​

ವೈಯಕ್ತಿಕ ಮತ್ತು ಕಂಪೆನಿಗಳು ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಸಲ್ಲಿಸಲು ಅಂತಿಮ ದಿನಾಂಕ ಕ್ರಮವಾಗಿ ಡಿಸೆಂಬರ್ 31, 2020 ಮತ್ತು ಜನವರಿ 31, 2021 ಆಗಿದೆ. ಡಿಸೆಂಬರ್​ 28ರವರೆಗೂ 4.54 ಕೋಟಿಗೂ ಅಧಿಕ ಐಟಿ ರಿಟರ್ನ್ಸ್​ ಸಲ್ಲಿಕೆಯಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 4.77 ಕೋಟಿ ಸಲ್ಲಿಕೆಯಾಗಿತ್ತು.

ಕರೊನಾ ವೈರಸ್​ ಸ್ಪೋಟಗೊಂಡ ಬಳಿಕ ಶಾಸನಬದ್ಧ ಅನುಸರಣೆಗಳನ್ನು ಪೂರೈಸುವಲ್ಲಿ ತೆರಿಗೆದಾರರು ಎದುರಿಸುತ್ತಿರುವ ಸವಾಲುಗಳನ್ನು ಗಮನದಲ್ಲಿಟ್ಟುಕೊಂಡು ವಿವಿಧ ಗಡುವನ್ನು ವಿಸ್ತರಿಸಲಾಗಿದೆ ಎಂದು ಆದಾಯ ತೆರಿಗೆ ಇಲಾಖೆ ಟ್ವೀಟ್ ಮಾಡಿದೆ. (ಏಜೆನ್ಸೀಸ್​)

ಇದನ್ನೂ ಓದಿ: ಪತ್ನಿ ಫೋಟೋಗಳನ್ನು ಜಾಲತಾಣದಲ್ಲಿ ಹರಿಬಿಟ್ಟು ಕಾಲ್​ಗರ್ಲ್​ ಎಂದು ಪ್ರಚಾರ ಮಾಡಿದ ಪತಿ..!

https://www.vijayavani.net/s-not-able-to-meet-dec-31-due-date-for-income-tax-return-january-1-2021-then-you-would-have-to-pay-a-late-fee-of-up-to-rs-10000/

https://www.vijayavani.net/gram-panachayat-election-congress-siddaramaiah-bjp/

https://www.vijayavani.net/shyam-rajak-claimed-that-17-mlas-from-nitish-kumars-party-were-willing-to-switch-over/