ಕೃಷಿ ಇಲಾಖೆ ರಾಯಭಾರಿಯಾಗಿ ದರ್ಶನ್​ ಮುಂದುವರಿಕೆ ಸಾಧ್ಯವಿಲ್ಲ; ಎಂ.ಬಿ.ಪಾಟೀಲ್​​​

ಹುಬ್ಬಳ್ಳಿ: ಬೆಂಗಳೂರಿನಲ್ಲಿ ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಭಾಗಿಯಾಗಿದ್ದ ಆರೋಪದ ಮೇಲೆ ದರ್ಶನ್ ತೂಗುದೀಪ, ಪವಿತ್ರಾಗೌಡ ಸೇರಿ 14 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ನಟ ದರ್ಶನ್​​ ಎಸಗಿರುವ ಕೌರ್ಯಕ್ಕೆ ಶಿಕ್ಷೆ ಆಗಬೇಕು ಎಂಬ ಕೂಗಿನ ಜತೆಗೆ ಸಿನಿಮಾದಿಂದ ಆತನನ್ನು ಬ್ಯಾನ್​ ಮಾಡಬೇಕು ಎಂಬ ಮಾತುಗಳು ಕೇಳಿಬರುತ್ತಿವೆ.​

ಇದನ್ನು ಓದಿ: ಅಧಿಕಾರ ವಹಿಸಿಕೊಳ್ಳುವ ಮುನ್ನ ಶ್ರೀರಾಮನನ್ನು ಸ್ಮರಿಸಿದ ಕೇಂದ್ರ ಸಚಿವ; ವಿಡಿಯೋ ವೈರಲ್​

ಜೈಲುವಾಸದಲ್ಲಿರುವ ದರ್ಶನ್​​ಗೆ ಪೊಲೀಸ್​ ಠಾಣೆಯಲ್ಲಿ ರಾಜಾತಿಥ್ಯ ನಡೆಯುತ್ತಿದೆ ಎಂಬುದನ್ನು ಸಚಿವ ಎಂ.ಬಿ.ಪಾಟೀಲ್​​ ತಿರಸ್ಕರಿಸಿದರು. ಆ ರೀತಿ ಏನು ಇಲ್ಲ, ಅವರು ಆರೋಪಿಯಾಗಿದ್ದಾರೆ. ಆರೋಪದಿಂದ ಮುಕ್ತರಾಗದಿದ್ದರೆ ಅಥವಾ ಆರೋಪ ಸಾಬೀತಾದರೆ ಅವರಿಗೆ ಖಂಡಿತ ಶಿಕ್ಷೆಯಾಗುತ್ತದೆ ಎಂದು ಅವರು ಹೇಳಿದ್ದಾರೆ.

ಇನ್ನೂ ಬಿಜೆಪಿ ಆಡಳಿತಾವಧಿಯಲ್ಲಿ ಅಂದ್ರೆ ಫೆಬ್ರವರಿ 2021ರಿಂದ ದರ್ಶನ್​ ಕೃಷಿ ಇಲಾಖೆಯ ರಾಯಭಾರಿಯಾಗಿದ್ದರು. ರೈತರ ಹಿತಕ್ಕಾಗಿ ಕೈಗೊಂಡಿರುವ ಕಾರ್ಯಕ್ರಮಗಳ ಪ್ರಚಾರಕ್ಕಾಗಿ ಮತ್ತು ಕೃಷಿಕರಲ್ಲಿ ತುಂಬುವ ಸಲುವಾಗಿ ಕೃಷಿ ಇಲಾಖೆ ರಾಯಭಾರಿಯನ್ನು ನೇಮಿಸಿತ್ತು. ಆದರೆ ಪ್ರಸ್ತುತ ಆರೋಪಗಳನ್ನು ಒತ್ತಿರುವ ದರ್ಶನ್​ ಅವರನ್ನು ಕೃಷಿ ಇಲಾಖೆ ರಾಯಭಾರಿಯಾಗಿ ಮುಂದುವರಿಸಲು ಸಾಧ್ಯವಿಲ್ಲ ಎಂದು ಸಚಿವ ಎಂ.ಬಿ.ಪಾಟೀಲ್​ ಹೇಳಿದ್ದಾರೆ.