ನೆಲ್ಲಿಕಾರು ಗ್ರಾಪಂ ವ್ಯಾಪ್ತಿಯ ಮಾಂಟ್ರಾಡಿ ಗ್ರಾಮದ ಕೊಟ್ಟಿಬೆಟ್ಟು ನಿವಾಸಿ ವಿಜಯ ಎಂಬುವರ ಮನೆಯ ಮೇಲ್ಛಾವಣಿಯ ಶೀಟ್ ಗಾಳಿಗೆ ಹಾರಿಹೋಗಿದ್ದು, ಮನೆಗೆ ಭಾಗಶಃ ಹಾನಿಯಾಗಿದೆ. ನೆಲ್ಲಿಕಾರು ಗ್ರಾಮದ ಅನ್ನು ಕೊರಗ ಅವರ ಮನೆ ಮೇಲೆ ಮರ ಬಿದ್ದ ಪರಿಣಾಮ ಮನೆ ಹಾಗೂ ಶೌಚಗೃಹ ಜಖಂಗೊಂಡಿದೆ. ನೆಲ್ಲಿಕಾರು ನಿವಾಸಿ ನಜೀರ್ ಎಂಬುವರ ಮನೆ ಮೇಲೆ ಬೃಹತ್ ಮರ ಬಿದ್ದ ಪರಿಣಾಮ ಮನೆಗೆ ಹಾನಿಯಾಗಿದೆ. ಮಾಂಟ್ರಾಡಿ ನಿವಾಸಿ ಸಂತೋಷ್ ಕೋಟ್ಯಾನ್ ಅವರ ಮನೆಗೂ ಹಾನಿಯಾಗಿದೆ. ಬೋರುಗುಡ್ಡೆ ಬಳಿಯ ಪಿಡಬ್ಲುೃಡಿ ರಸ್ತೆಗೆ ಬೃಹತ್ ಬೋಗಿ ಮರ ಬಿದ್ದು ಸಂಚಾರಕ್ಕೆ ಅಡಚಣೆ ಉಂಟಾಗಿದೆ. ಪಂಚಾಯಿತಿ ಕಚೇರಿ ಬಳಿಯ ನೆಡುತೋಪಿನಲ್ಲಿ 7 ಅಕೇಶಿಯಾ ಮರಗಳು ಬುಡಮೇಲಾಗಿ ಬಿದ್ದಿವೆ.
