45 ವರ್ಷದ ಹಿಂದಿನ ಮಾತು. ಲೋಕೇಶಪ್ಪ, ಕೃಷಿ ಪದವಿ ಪಡೆದು ಕೃಷಿಯಲ್ಲಿ ತೊಡಗಿಸಿಕೊಳ್ಳಬೇಕೆಂದು ಬಯಸಿದ್ದರು. ಪಿಯುಸಿ ನಂತರ ಓದು ಮುಂದುವರಿಸಲು ಆಗಲಿಲ್ಲ. ತಂದೆಯೊಂದಿಗೆ ವ್ಯವಸಾಯ ಆರಂಭಿಸಿಯೇ ಬಿಟ್ಟರು. ಚಿಕ್ಕಮಗಳೂರು ಜಿಲ್ಲೆ ಸಖರಾಯಪಟ್ಟಣ ಸಮೀಪ ಪಿತ್ರಾರ್ಜಿತ ಜಮೀನು ಹೊಂದಿದ್ದ ಲೋಕೇಶಪ್ಪ, ಆ ಭಾಗದಲ್ಲಿ ಮೊದಲ ಬಾರಿಗೆ ಬೀಜ ನಿಗಮಕ್ಕೆ ಬೀಜ ಪೂರೈಕೆ ಮಾಡಿದ ಹೆಗ್ಗಳಿಕೆ ಹೊಂದಿದ್ದಾರೆ. ಕಬ್ಬು, ಸೂರ್ಯಕಾಂತಿ, ಬಾಳೆ, ರೇಷ್ಮೆ ಮುಂತಾದ ಬೆಳೆ ಬೆಳೆಯುವ ಮೂಲಕ ಅಂತರ ಬೆಳೆ, ಸಮಗ್ರ ಕೃಷಿಯನ್ನು ಆ ಭಾಗದಲ್ಲಿ ಪರಿಚಯಿಸಿದರು. ಕ್ರಮೇಣ ಅಲ್ಲಿನ ರೈತರೂ ಇವರನ್ನು ಅನುಕರಣೆ ಮಾಡಿದ್ದು ವಿಶೇಷ. ಕೆಲ ವರ್ಷಗಳ ಹಿಂದೆ ಕಡೂರು ತಾಲೂಕು ಹಿರೇಅಂಗಳಕ್ಕೆ ಬಂದ ಲೋಕೇಶಪ್ಪ. ಅಲ್ಲಿ 9 ಎಕರೆ ಜಮೀನು ಖರೀದಿಸಿದರು. ದೊಡ್ಡ ಮೊತ್ತದ ಸಾಲ ಬೆನ್ನೇರಿತ್ತು. ಒಂದೇ ಹಸು ಇಟ್ಟುಕೊಂಡು ಅತ್ಯಂತ ಕಷ್ಟದೊಂದಿಗೆ ಅಡಕೆ, ತೆಂಗು, ಬಾಳೆ, ಕಾಳು ಮೆಣಸು ಬೆಳೆದರು. ನಿಧಾನವಾಗಿ ಹೈನುಗಾರಿಕೆ ಅಭಿವೃದ್ಧಿಪಡಿಸಿಕೊಂಡರು. ಇಂದು ಲೋಕೇಶಪ್ಪ ವಾರ್ಷಿಕ ಆದಾಯ 30-35 ಲಕ್ಷ ರೂ.
