ಈ ರಾಶಿಯವರಿಗೆ ಪದೋನ್ನತಿ ಲಭ್ಯವಾಗಲಿದೆ...

ಮೇಷ:ಆರಂಭಿಸಿದ ಕೆಲಸವನ್ನು ಮುಗಿಸಲು ಅವಸರ ಇರಲಿ. ಇದೇ ವೇಳೆ ಕೆಲವರು ತೊಂದರೆಯನ್ನು ತಂದೊಡ್ಡಿಯಾರು. ಜಾಣರಾಗಿರಿ. ಶುಭಸಂಖ್ಯೆ: 1

ವೃಷಭ:ಯಾರ ಬಗ್ಗೆಯೂ ಅತಿಯಾದ ನಂಬಿಕೆ ಬೇಡ. ಇದರಿಂದಾಗಿ ನಿಮ್ಮ ಪಾಲಿಗೆ ನೋವುಗಳ ಅನುಭವವೇ ಹೆಚ್ಚಾಗಬಹುದು. ಶುಭಸಂಖ್ಯೆ: 3

ಮಿಥುನ: ನಿಮ್ಮ ಭೇಟಿಗೆ ಬರುವ ಬಂಧುಬಾಂಧವರು ತಲೆನೋವನ್ನು ತರುವಂತಹ ಸಾಧ್ಯತೆಗಳಿವೆ. ಮೌನವಾಗಿರುವುದೇ ಉತ್ತಮ. ಶುಭಸಂಖ್ಯೆ: 2

ಕಟಕ: ಲಕ್ಷ್ಮೀನರಸಿಂಹನ ಸ್ಮರಣೆ ಮಾಡಿಯೇ ಕಾರ್ಯಾರಂಭ ಮಾಡಿ. ಇಚ್ಛಿಸಿದ ಕಾರ್ಯಗಳೆಲ್ಲ ಬಹು ಬೇಗನೆ ಸಿದ್ಧಿಯಾಗಲಿವೆ. ಶುಭಸಂಖ್ಯೆ: 9

ಸಿಂಹ: ಉದ್ವೇಗದಿಂದಾಗಿ ತೊಳಲಾಟಗಳೇ ಜಾಸ್ತಿ ಆಗಬಹುದು. ದಾರಿ ತಪ್ಪದಿರಿ. ಸಂಜೆಯ ವೇಳೆಗೆ ನಿರಾಳತೆ ಹೊಂದುವಿರಿ. ಶುಭಸಂಖ್ಯೆ: 4

ಕನ್ಯಾ: ಅಮೂಲ್ಯ ವಸ್ತ್ರಾಭರಣಗಳ ಬಗ್ಗೆ ಎಚ್ಚರ ಇರಲಿ. ನಿರ್ಲಕ್ಷ್ಯಂದ ಕೆಲವು ಬಗೆಯ ಹಾನಿಗಳು ಸಂಭವಿಸುವ ಸಾಧ್ಯತೆಗಳಿವೆ. ಶುಭಸಂಖ್ಯೆ: 7

ತುಲಾ: ಹಳೆಯ ನೋವುಗಳನ್ನೇ ಮತ್ತೆ ಮತ್ತೆ ನೆನಪಿಸಿಕೊಳ್ಳಬೇಡಿ. ಆ ಅನುಭವಗಳೇ ಜೀವನದ ಪಾಠಗಳಾಗಲಿವೆ. ಶುಭಸಂಖ್ಯೆ: 6

ವೃಶ್ಚಿಕ: ಮಾತ್ಸರ್ಯದಿಂದ ತುಂಬಿರುವ ಜನ ನಿಮ್ಮ ಮನಃಶಾಂತಿಯನ್ನು ಕಲಕಲು ಪ್ರಯತ್ನಿಸುತ್ತಾರೆ. ಮನಸ್ಸು ದೃಢವಾಗಿರಲಿ. ಶುಭಸಂಖ್ಯೆ: 8

ಧನಸ್ಸು: ಬೆಳ್ಳಗಿರುವುದೆಲ್ಲ ಹಾಲಲ್ಲ ಎಂಬುದನ್ನು ತಿಳಿದೂ ಮತ್ತೆ ಹಳೆಯ ತಪ್ಪನ್ನೇ ಮಾಡಬೇಡಿ. ಜಾಗ್ರತೆಯಿಂದ ಇದ್ದರೆ ಕ್ಷೇಮ. ಶುಭಸಂಖ್ಯೆ: 5

ಮಕರ: ಹೊಸ ಹೊಸ ಆಲೋಚನೆಗಳು ರೋಮಾಂಚನ ಉಂಟುಮಾಡಬಹುದು. ಆದರೆ  ತಾರ್ಕಿಕವಾಗಿ ಚಿಂತಿಸಿ ಮುನ್ನಡೆದರೆ ಉತ್ತಮ. ಶುಭಸಂಖ್ಯೆ: 1

ಕುಂಭ: ಪರಿಶ್ರಮ ಹಾಗೂ ಕಾರ್ಯದಕ್ಷತೆಗಳಿಂದಾಗಿ ಕಚೇರಿಯಲ್ಲಿ ಹಿರಿಯರ ಪ್ರಶಂಸೆ ಪಡೆಯುವಿರಿ. ಪದೋನ್ನತಿ ಲಭ್ಯವಾಗಲಿದೆ. ಶುಭಸಂಖ್ಯೆ: 3

ಮೀನ: ಆಧ್ಯಾತ್ಮಿಕ ವಿಷಯಗಳಲ್ಲಿ ಹೆಚ್ಚಿನ ಆಸಕ್ತಿ ಮೂಡಲಿದೆ. ಲೌಕಿಕ ಜೀವನವನ್ನು ಮರೆಯದಿರಿ. ಏಕೆಂದರೆ ಸಮರಸವೇ ಜೀವನ. ಶುಭಸಂಖ್ಯೆ: 2