ಆಧುನಿಕ ತಂತ್ರಜ್ಞಾನದ ಕೊರತೆ ಅಥವಾ ಮುದ್ರಣದ ಭಾರೀ ವೆಚ್ಚ ತಪ್ಪಿಸುವ ಸಲುವಾಗಿ ಇಂದಿಗೂ ವಿಶ್ವದಲ್ಲಿರುವ ಅನೇಕ ದೇಶಗಳು ನೋಟುಗಳನ್ನು ಇತರ ದೇಶಗಳಲ್ಲಿ ಮುದ್ರಿಸುತ್ತವೆ. ಅನೇಕ ದೇಶಗಳು ನೋಟುಗಳನ್ನು ವಿಶೇಷವಾಗಿ ಚೀನಾದಲ್ಲಿಯೇ ಮುದ್ರಿಸುತ್ತಿದ್ದು, ಆ ದೇಶಗಳ ಪಟ್ಟಿ ಬಹಳ ಉದ್ದವಾಗಿದೆ. ಥೈಲ್ಯಾಂಡ್, ನೇಪಾಳ, ಶ್ರೀಲಂಕಾ, ಪೋಲೆಂಡ್ ಮತ್ತು ಬಾಂಗ್ಲಾದೇಶ ಸೇರಿದಂತೆ ಹಲವು ದೇಶಗಳು ಚೀನಾದಲ್ಲಿ ತಮ್ಮ ದೇಶದ ನೋಟುಗಳನ್ನು ಮುದ್ರಿಸುತ್ತವೆ. ಈ ಕಾರಣಕ್ಕೂ ಚೀನಾದ ಜಾಗತಿಕ ಆರ್ಥಿಕತೆ ದೊಡ್ಡ ಮಟ್ಟದಲ್ಲಿದೆ. ಜತೆಗೆ ಇತರ ದೇಶಗಳ ಆರ್ಥಿಕ ನೀತಿಯಲ್ಲಿ ಚೀನಾದ ಪ್ರಾಬಲ್ಯ ಮತ್ತು ಪ್ರಭಾವ ಹಂತ ಹಂತವಾಗಿ ಹೆಚ್ಚುತ್ತಿದೆ. ಹಾಗೆಯೇ ಚೀನಾ ಈ ರೀತಿ ನೋಟುಗಳನ್ನು ಮುದ್ರಿಸುವ ಮೂಲಕ ಸಾಕಷ್ಟು ಹಣ ಗಳಿಸಿದೆ.
