ಸೈಫ್ ಅಲಿ ಖಾನ್ ಹೋಟೆಲ್ ಜಗಳ ಪ್ರಕರಣ; ಮಲೈಕಾ ಅರೋರಾ ವಿರುದ್ಧ ಮತ್ತೊಮ್ಮೆ ವಾರಂಟ್ ಜಾರಿ | Malaika Arora

ಮುಂಬೈ: ನಟಿ ಮಲೈಕಾ ಅರೋರಾ(Malaika Arora) ವಿರುದ್ಧ ಮುಂಬೈ ನ್ಯಾಯಾಲಯ ಮತ್ತೆ ಜಾಮೀನು ನೀಡಬಹುದಾದ ವಾರಂಟ್ ಹೊರಡಿಸಿದೆ. ಈ ಪ್ರಕರಣ 2012 ರದ್ದಾಗಿದ್ದು, ಸೈಫ್ ಅಲಿ ಖಾನ್ ವಿರುದ್ಧ ಅನಿವಾಸಿ ಭಾರತೀಯ ಉದ್ಯಮಿಯ ಮೇಲೆ ಹಲ್ಲೆ ನಡೆಸಿದ ಆರೋಪ ಹೊರಿಸಲಾಗಿತ್ತು. ಆ ಸಮಯದಲ್ಲಿ ಮಲೈಕಾ ಸೈಫ್ ಜತೆ ಹಾಜರಿದ್ದರು, ಆದರೆ ಅವರು ಸಾಕ್ಷಿಯಾಗಿ ನ್ಯಾಯಾಲಯಕ್ಕೆ ಹಾಜರಾಗಲಿಲ್ಲ.

ಇದನ್ನು ಓದಿ: ‘ಎಮರ್ಜೆನ್ಸಿ’ ನೋಡಿ ಕಂಗನಾಗೆ ಉಡುಗೊರೆ ಕೊಟ್ಟ ಅಭಿಮಾನಿ; ಅನುಪಯುಕ್ತ ಟ್ರೋಫಿಗಳಿಗಿಂತ ಇದು ಉತ್ತಮ ಎಂದ ಕಂಗನಾ | Emergency

ವಿಷಯ ಏನು?

ಈ ಘಟನೆ 2012 ಫೆಬ್ರವರಿ 22ರಂದು ನಡೆದಿತ್ತು. ಸೈಫ್ ಅಲಿ ಖಾನ್ ತಮ್ಮ ಪತ್ನಿ ಕರೀನಾ ಕಪೂರ್, ಕರಿಷ್ಮಾ ಕಪೂರ್, ಮಲೈಕಾ ಅರೋರಾ, ಅಮೃತಾ ಅರೋರಾ ಮತ್ತು ಕೆಲವು ಸ್ನೇಹಿತರೊಂದಿಗೆ ಮುಂಬೈನ ಪಂಚತಾರಾ ಹೋಟೆಲ್‌ಗೆ ಊಟಕ್ಕೆ ಹೋಗಿದ್ದರು. ಏತನ್ಮಧ್ಯೆ ಸೈಫ್ ಮತ್ತು ಅವರ ಗುಂಪು ಸೃಷ್ಟಿಸಿದ ದೊಡ್ಡ ಶಬ್ದ ಮತ್ತು ಗದ್ದಲಕ್ಕೆ ಅನಿವಾಸಿ ಭಾರತೀಯ ಉದ್ಯಮಿ ಇಕ್ಬಾಲ್ ಮೀರ್ ಶರ್ಮಾ ಆಕ್ಷೇಪ ವ್ಯಕ್ತಪಡಿಸಿದರು.

ಪೊಲೀಸರ ಪ್ರಕಾರ, ಸೈಫ್ ನಂತರ ಇಕ್ಬಾಲ್ ಮೀರ್ ಶರ್ಮಾ ಅವರನ್ನು ಬೆದರಿಸಿ ಅವರ ಮೂಗಿಗೆ ಹೊಡೆದು, ಮೂಗು ಮುರಿದರು. ಸೈಫ್ ಮತ್ತು ಆತನ ಸ್ನೇಹಿತರು ಆತನ ಮಾವ ರಾಮನ್ ಪಟೇಲ್ ಅವರನ್ನೂ ಥಳಿಸಿದ್ದಾರೆ ಎಂದು ಇಕ್ಬಾಲ್ ಆರೋಪಿಸಿದ್ದಾರೆ. ಆದರೆ, ಶರ್ಮಾ ತನ್ನ ಜತೆ ಇದ್ದ ಮಹಿಳೆಯರ ವಿರುದ್ಧ ಅಶ್ಲೀಲ ಕಾಮೆಂಟ್‌ಗಳನ್ನು ಮಾಡಿದ್ದರು, ನಂತರ ಜಗಳ ನಡೆಯಿತು ಎಂದು ಸೈಫ್ ಹೇಳುತ್ತಾರೆ. ಈ ಪ್ರಕರಣದಲ್ಲಿ ಸೈಫ್ ಮತ್ತು ಅವರ ಇಬ್ಬರು ಸ್ನೇಹಿತರಾದ ಶಕೀಲ್ ಲಡಾಖ್ ಮತ್ತು ಬಿಲಾಲ್ ಅಮ್ರೋಹಿ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 325 (ದಾಳಿ) ಅಡಿಯಲ್ಲಿ ಚಾರ್ಜ್‌ಶೀಟ್ ಸಲ್ಲಿಸಲಾಗಿದೆ. ಬಂಧನದ ನಂತರ ಮೂವರಿಗೂ ಜಾಮೀನು ಸಿಕ್ಕಿತು.

ಮುಂಬೈನ ಎಸ್ಪ್ಲೆನೇಡ್ ನ್ಯಾಯಾಲಯದ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ಕೆ.ಎಸ್.ಜಾವರ್ ಈ ಪ್ರಕರಣದಲ್ಲಿ ಸಾಕ್ಷಿಗಳ ಹೇಳಿಕೆಗಳನ್ನು ದಾಖಲಿಸುತ್ತಿದ್ದಾರೆ. ಘಟನೆ ನಡೆದ ಸಮಯದಲ್ಲಿ ಹೋಟೆಲ್‌ನಲ್ಲಿದ್ದ ಗುಂಪಿನಲ್ಲಿ ಮಲೈಕಾ ಕೂಡ ಇದ್ದರು. ನ್ಯಾಯಾಲಯವು ಅವರನ್ನು ಸಾಕ್ಷಿಯಾಗಿ ಹಾಜರಾಗಲು ಕೇಳಿತ್ತು. ಫೆಬ್ರವರಿ 15ರಂದು ಮೊದಲ ಬಾರಿಗೆ ಅವರ ವಿರುದ್ಧ ಜಾಮೀನು ನೀಡಬಹುದಾದ ವಾರಂಟ್ ಹೊರಡಿಸಲಾಯಿತು. ಆದರೆ ಅವರು ಹಾಜರಾಗಲಿಲ್ಲ. ಇದಾದ ನಂತರ ನ್ಯಾಯಾಲಯವು ಸೋಮವಾರ ಮತ್ತೆ ವಾರಂಟ್ ಹೊರಡಿಸಿತು. ಈಗ ಈ ಪ್ರಕರಣದ ಮುಂದಿನ ವಿಚಾರಣೆ ಏಪ್ರಿಲ್ 29 ರಂದು ನಡೆಯಲಿದೆ.(ಏಜೆನ್ಸೀಸ್​​)

https://www.vijayavani.net/deepika-padukone-ranveer-singh-reunite-on-screen-for-first-time-since-daughter-duas-birth