ನಕಲಿ ನೋಟು ದಂಧೆ: ವ್ಯಕ್ತಿಗೆ 5 ವರ್ಷ ಕಠಿಣ ಕಾರಾಗೃಹ ಶಿಕ್ಷೆ ವಿಧಿಸಿದ ಎನ್​ಐಎ ನ್ಯಾಯಾಲಯ! | Fake currency

Fake currency: 82,000 ಮೌಲ್ಯದ ನಕಲಿ ಭಾರತೀಯ ಕರೆನ್ಸಿ ನೋಟುಗಳ ಕಳ್ಳಸಾಗಣೆಯಲ್ಲಿ ಭಾಗಿಯಾಗಿದ್ದಕ್ಕಾಗಿ ಮುಂಬೈನ ವಿಶೇಷ ಎನ್​ಐಎ ನ್ಯಾಯಾಲಯವು ವ್ಯಕ್ತಿಯೊಬ್ಬನನ್ನು ಐದು ವರ್ಷಗಳ ಕಠಿಣ ಜೈಲು ಶಿಕ್ಷೆಯನ್ನು ವಿಧಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜಾಸಿಮ್ ಅಲಿಯಾಸ್ ವಾಸಿಮ್ ಸಲೀಂ ಶೇಖ್ ಆರೋಪಿ ಎಂದು ತಿಳಿದುಬಂದಿದೆ. ಇನ್ನು ಈತ ಸುಮಾರು 5 ವರ್ಷಗಳ ಜೈಲು ಶಿಕ್ಷೆ ಅನುಭವಿಸಿದ ನಂತರ​ ತಪ್ಪೊಪ್ಪಿಕೊಂಡಿದ್ದು, ನ್ಯಾಯಾಲಯ ಈತನಿಗೆ 10,000 ರೂ. ದಂಡದೊಂದಿಗೆ ಶಿಕ್ಷೆ ವಿಧಿಸಿದೆ.

ಇದನ್ನೂ ಓದಿ: https://www.vijayavani.net/cricket-coach-arrested-for-sexually-assaulting-13-year-old-girl-trainee

ಮೊದಲು ಶೇಖ್ ಪ್ರಕರಣವನ್ನು ಮುಂಬ್ರಾ ಪೊಲೀಸರು ನಿರ್ವಹಿಸುತ್ತಿದ್ದರು ನಂತರ ಆತನನ್ನು ಎನ್​ಐಎ ಗೆ ವರ್ಗಾಯಿಸಲಾಯಿತು. ಕೋಲ್ಕತ್ತಾದಲ್ಲಿ ಮೊಬೈಲ್ ಕಳ್ಳತ ಮಾಡಿ, ಜೈಲಿನಲ್ಲಿದ್ದಾಗ ಸಹ ಖೈದಿ ಇಸಾಖ್​ ಖಾನ್​, ಶೇಖ್ ಅವರಿಗೆ ನಕಲಿ ಕರೆನ್ಸಿ ವ್ಯಾಪಾರದಲ್ಲಿ ತೊಡಗಿಸಿಕೊಳ್ಳುವಂತೆ ಮನವೊಲಿಸಿದ್ದರು ಎಂದು ತನಿಖೆಯಲ್ಲಿ ತಿಳಿಸಿದ್ದಾರೆ.

ಏಪ್ರಿಲ್​ 2019 ರಲ್ಲಿ ಜಾಮೀನಿನ ಮೇಲೆ ಬಿಡುಗಡೆಯಾದ ನಂತರ, ಶೇಖ್​ ಅವರನ್ನು ಸಂಪರ್ಕಿಸಿ ಕರ್ನಾಟಕದ ಸಹಚರರಿಂದ ನಕಲಿ ನೋಟುಗಳ ಸರಕನ್ನು ಸಂಗ್ರಹಿಸಲು ಕೇಳಿಕೊಂಡರು. ನಂತರ ಅವರು ಅಲ್ಲಿಗೆ ಪ್ರಯಾಣಿಸಿ, 82,000 ರೂ.ಮೌಲ್ಯದ 500 ರೂಗಳ ನಕಲಿ ನೋಟುಗಳನ್ನು ತೆಗೆದುಕೊಂಡು, ಮುಂಬ್ರಾದ ಮನೆಗೆ ಮರಳಿದ್ದು, ಮಾಹಿತಿ ತಿಳಿದ ಪೊಲೀಸರು ಶೇಕ್​ನನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ: ಸರ್ವೇ ಸೆಟ್ಲ್‌ಮೆಂಟ್‌ಗೆ ಜಂಟಿ ಸರ್ವೇ ನಡೆಸಲಿ

ಶೇಖ್​ ಈ ರೀತಿಯ ಅಪರಾಧ ಎಸಗಿದ್ದು, ಇದೇ ಮೊದಲು ಮತ್ತು ಖಾನ್ ಆತನನ್ನು ಅಪರಾಧಕ್ಕೆ ಮನವೊಲಿಸಿದ್ದರು ಎಂದು ನ್ಯಾಯಾಲಯ ಗಮನಿಸಿದ್ದು, ಆತನ ಶಿಕ್ಷೆಯನ್ನು ಈ ಹಿಂದೆ ಜೈಲಿನಲ್ಲಿ ಕಳೆದ ಸಮಯಕ್ಕೆ ಸೀಮಿತಗೊಳಿಸುವ ನಿರ್ಧಾರ ತೆಗೆದುಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/if-you-grow-these-5-plants-at-home-youre-guaranteed-to-have-good-luck