19 ಸಾವಿರಕ್ಕಿಳಿದ ಸಕ್ರಿಯ ಕೇಸ್: ಗುರುವಾರ ಭಾರತದಲ್ಲಿ ಕರೊನಾ ಸೋಂಕಿನ 2,827 ಹೊಸ ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ದೇಶದಲ್ಲಿ ಸೋಂಕಿತರ ಸಂಖ್ಯೆ 4,31,13,413ಕ್ಕೆ ಏರಿದೆ. 24 ಜನರ ಮರಣದೊಂದಿಗೆ ಸಾವಿನ ಸಂಖ್ಯೆ 5,24,181ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 19,067ಕ್ಕೆ (0.04%) ಇಳಿದಿದೆ. ದೈನಿಕ ಪಾಸಿಟಿವಿಟಿ ದರ ಶೇ. 0.60 ಹಾಗೂ ಸಾಪ್ತಾಹಿಕ ದರ ಶೇ. 0.72 ಆಗಿದೆ. ರಾಷ್ಟ್ರೀಯ ಚೇತರಿಕೆ ದರ ಶೇ. 98.74 ಆಗಿದೆ. ರಾಷ್ಟ್ರವ್ಯಾಪಿ ಲಸಿಕೆ ಅಭಿಯಾನದಲ್ಲಿ ಇದುವರೆಗೆ ನೀಡಿದ ಲಸಿಕೆ ಪ್ರಮಾಣ 190.83 ಕೋಟಿ ಡೋಸ್ ದಾಟಿದೆ ಎಂದು ಸರ್ಕಾರ ವಿವರಿಸಿದೆ.
