ದೆಹಲಿಯಲ್ಲಿ ಡೆಲಿವರಿ ಹುಡುಗನಿಗೆ ಕರೊನಾ ಸೋಂಕು: ಡೆಲಿವರಿ ಬಾಯ್ಸ್ ಆರೋಗ್ಯದ ಮೇಲೆ ರಾಜ್ಯದಲ್ಲೂ ಕಟ್ಟುನಿಟ್ಟಿನ ನಿಗಾ

ಬೆಂಗಳೂರು: ದೆಹಲಿಯಲ್ಲಿ ಪಿಜ್ಜಾ ಡೆಲಿವರಿ ಬಾಯ್‌ಗೆ ಕರೊನಾ ಸೋಂಕಿರುವುದು ದೃಢಪಟ್ಟ ಕಾರಣ ಆತ ಭೇಟಿ ನೀಡಿದ 72 ಮನೆಗಳ ಎಲ್ಲ ಸದಸ್ಯರನ್ನೂ ಕ್ವಾರಂಟೈನ್‌ಗೆ ಒಳಪಡಿಸಿದ ಘಟನೆಯಿಂದ ಕರ್ನಾಟಕ ಸರ್ಕಾರವೂ ಎಚ್ಚೆತ್ತುಕೊಂಡಂತಿದೆ.

ಲಾಕ್ ಡೌನ್ ವಿಸ್ತರಣೆ ಹಿನ್ನೆಲೆಯಲ್ಲಿ ಹೋಂ ಡೆಲಿವರಿ ವ್ಯವಸ್ಥೆ ಚುರುಕುಗೊಂಡ ಬೆನ್ನಲ್ಲೆ ಡೆಲಿವರಿ ಹುಡುಗರ ಮೂಲಕ ಕರೊನಾ ಸೋಂಕು ತಗಲುವ ಆತಂಕ ಈಗ ಎಲ್ಲೆಡೆ ಕಾಣಿಸಿಕೊಂಡಿದೆ. ಬೆಂಗಳೂರಿನಲ್ಲಿ ಗುರುವಾರ ಸುದ್ದಿಗಾರರು ಈ ಕುರಿತು ಉಪಮುಖ್ಯಮಂತ್ರಿ ಡಾ. ಅಶ್ವತ್ಥನಾರಾಯಣ ಅವರನ್ನು ಪ್ರಶ್ನಿಸಿದರು.

‘‘ರಾಜ್ಯದಲ್ಲಿ ಇದುವರೆಗೆ ಅಂತಹ ಪ್ರಕರಣ ವರದಿಯಾಗಿಲ್ಲ. ಬೇರೆಡೆ ಆದ ಪ್ರಕರಣದ ಹಿನ್ನೆಲೆಯಲ್ಲಿ ನಮ್ಮ ರಾಜ್ಯದಲ್ಲಿಯೂ ಮುನ್ನೆಚ್ಚರಿಕೆ ವಹಿಸಲಾಗುವುದು. ಅದಕ್ಕಿಂತ ಮುಖ್ಯವಾಗಿ ಯಾವ ಸಂಸ್ಥೆ ಹೋಂ ಡೆಲಿವರಿ ಹೊಣೆ ಹೊತ್ತುಕೊಂಡಿದೆಯೋ ಆ ಸಂಸ್ಥೆಯೇ ಡೆಲಿವರಿ ಬಾಯ್ ಗಳ ಆರೋಗ್ಯದ ಬಗ್ಗೆ ನಿಗಾ ವಹಿಸುತ್ತಿದೆ. ಈ ಬಗ್ಗೆ ಸಂಸ್ಥೆಗಳಿಗೆ ಸ್ಪಷ್ಟ ನಿರ್ದೇಶನವನ್ನೂ ನೀಡಲಾಗಿದೆ’’ ಎಂದು ಡಾ. ಅಶ್ವತ್ಥನಾರಾಯಣ ಹೇಳಿದರು.

https://www.vijayavani.net/lockdown-rotten-bananas-near-cremation-ground-in-delhi/