ಚಾಮರಾಜನಗರಕ್ಕೆ ಆತಂಕ ತಂದಿಟ್ಟ ಬೆಂಗಳೂರಿನ ಕರೊನಾ ಸೋಂಕಿತ ಪೇದೆ...!

ಹನೂರು: ನಿನ್ನೆ ಬೆಂಗಳೂರು ನಗರದ ಪೊಲೀಸ್ ಪೇದೆಯೋರ್ವರಿಗೆ ಕರೊನಾ ಸೋಂಕು ಇರುವುದು ದೃಢಪಟ್ಟಿತ್ತು. ಆದರೆ ಈ ಪೇದೆಯಿಂದಾಗಿ ಈಗ ಚಾಮರಾಜನಗರದಲ್ಲಿ ಆತಂಕ ಶುರುವಾಗಿದೆ.

ಇದನ್ನೂ ಓದಿ: ಚಿತ್ರದುರ್ಗ :ಮಾಸ್ಕ್ ಧರಿಸದೇ ಇರುವವರಿಗೆ ಬಿತ್ತು ದಂಡ

ಪೇದೆಯನ್ನು ತಪಾಸಣೆಗೆ ಒಳಪಡಿಸಿದಾಗ ಮೊದಲ ವರದಿಯಲ್ಲಿ ನೆಗೆಟಿವ್​ ಬಂದಿತ್ತು. ಎರಡನೇ ವರದಿಯಲ್ಲಿ ಕರೊನಾ ಪಾಸಿಟಿವ್​ ಬಂದಿದೆ. ಆದರೆ ಈ ಮೊದಲ ವರದಿಯ ನಂತರ ಎರಡನೇ ರಿಪೋರ್ಟ್ ಬರುವ ಮಧ್ಯದ ಅವಧಿಯಲ್ಲಿ ಪೇದೆ ಚಾಮರಾಜನಗರದ ಬೆಳ್ತೂರು ಗ್ರಾಮದಲ್ಲಿರುವ ಸಂಬಂಧಿಯೋರ್ವರ ಮನೆಗೆ ಭೇಟಿ ಕೊಟ್ಟಿದ್ದರು.

ಪೇದೆಯಲ್ಲಿ ಸೋಂಕು ಕಾಣಿಸುತ್ತಿದ್ದಂತೆ ಅವರ ಟ್ರಾವೆಲ್​ ಹಿಸ್ಟರಿಯನ್ನು ಕೇಳಲಾಗಿತ್ತು. ಸದ್ಯ ಬೆಳ್ತೂರು ಗ್ರಾಮದಲ್ಲಿ ಪೇದೆಯ ಸಂಪರ್ಕಕ್ಕೆ ಬಂದಿದ್ದಾರೆ ಎನ್ನಲಾದ 15-20ಜನರನ್ನು ಗುರುತಿಸಿ, ಕ್ವಾರಂಟೈನ್​ಗೆ ಒಳಪಡಿಸಲಾಗಿದೆ ಎನ್ನಲಾಗಿದೆ.

ಇದನ್ನೂ ಓದಿ: ಸ್ವತಃ ಬೀದಿಗಿಳಿದ ಬೆಂಗಳೂರು ಪೊಲೀಸ್ ಕಮಿಷನರ್: ಖುದ್ದು ವಾಹನ ತಪಾಸಣೆ, ಕಾರ್ಮಿಕರ ಯೋಗಕ್ಷೇಮ ವಿಚಾರಣೆ

ಈ ಬಗ್ಗೆ ಡಿಸಿ, ಎಸ್​ಪಿ ಸ್ಪಷ್ಟ ಉತ್ತರ ನೀಡಿಲ್ಲ. ಪರಿಶೀಲನೆ ನಡೆಸುತ್ತಿದ್ದೇವೆ ಎಂದು ಡಿಎಚ್​ಒ ಡಾ. ರವಿ ತಿಳಿಸಿದ್ದಾರೆ.