ಲಘು ಲಕ್ಷಣಗಳಿಂದ ಹಿಡಿದು ತೀವ್ರ ಅನಾರೋಗ್ಯದವರೆಗಿನ ಲಕ್ಷಣಗಳನ್ನು ಕೋವಿಡ್-19 ಒಳಗೊಂಡಿದೆ. ವೈರಸ್ಗೆ ಒಳಗಾದ ಎರಡರಿಂದ 14 ದಿನಗಳೊಳಗೆ ಈ ಲಕ್ಷಣಗಳು ಕಾಣಿಸಿಕೊಳ್ಳಬಹುದು ಎಂದು ಸಿಡಿಸಿ ತನ್ನ ವೆಬ್ಸೈಟ್ನಲ್ಲಿ ಅಭಿಪ್ರಾಯಪಟ್ಟಿದೆ. ಜ್ವರ, ಕೆಮ್ಮು ಮತ್ತು ಉಸಿರಾಟದ ತೊಂದರೆ ಕೋವಿಡ್-19 ವ್ಯಾಧಿ ಲಕ್ಷಣಗಳೆಂದು ಇದುವರೆಗೆ ಸಿಡಿಸಿ ತಿಳಿಸಿತ್ತು. ಉಸಿರಾಡುವಲ್ಲಿ ತೊಂದರೆ, ಎದೆಯಲ್ಲಿ ನಿರಂತರ ನೋವು ಅಥವಾ ಒತ್ತಡ, ಮಾನಸಿಕ ಗೊಂದಲ ಅಥವಾ ನಿದ್ದೆಯಿಂದ ಎದ್ದ ನಂತರ ಹೆಚ್ಚಿನ ಮಂಪರು, ತುಟಿಗಳು ಅಥವಾ ಮುಖ ನೀಲಿಗಟ್ಟುವಿಕೆ ಇವೇ ಮುಂತಾದ ಲಕ್ಷಣಗಳು ಕಂಡು ಬಂದರೂ ತಕ್ಷಣವೇ ವೈದ್ಯಕೀಯ ಆರೈಕೆ ಪಡೆಯಬೇಕು ಎಂದು ಸಿಡಿಸಿ ಸಲಹೆ ಮಾಡಿದೆ.
