ಕೂಲಿ v/s ವಾರ್​: 2 ನೇ ದಿನಕ್ಕೆ ವಾರ್​2 ಹಿಂದಿಕ್ಕಿ ಕೋಟಿ ಕೋಟಿ ರೂ. ದೋಚಿದ ಕೂಲಿ| Box Office

Box Office: ರಜನಿಕಾಂತ್ ಅವರ ಕೂಲಿ ಮತ್ತು ಹೃತಿಕ್ ರೋಷನ್ ಹಾಗೂ ಜೂನಿಯರ್ ಎನ್‌ಟಿಆರ್ ಅವರ ವಾರ್ 2 ಚಿತ್ರಗಳು ಆಗಸ್ಟ್ 14, 2025 ರಂದು ಒಟ್ಟಿಗೆ ಬಿಡುಗಡೆಯಾಗಿ, ಬಾಕ್ಸ್ ಆಫೀಸ್‌ನಲ್ಲಿ ತೀವ್ರ ಪೈಪೋಟಿಯನ್ನು ಸೃಷ್ಟಿಸಿದ್ದವು. ಅಂದಹಾಗೆ ಈ ಎರಡೂ ಚಿತ್ರಗಳು ದೊಡ್ಡ ಬಜೆಟ್‌ನ ಪ್ಯಾನ್-ಇಂಡಿಯಾ ಯೋಜನೆಗಳಾಗಿದ್ದು, ಭಾರೀ ನಿರೀಕ್ಷೆಯನ್ನು ಹುಟ್ಟಿಸಿವೆ. ಮೂರನೇ ದಿನಕ್ಕೆ ಚಿತಯ್ರಗಳು ತೆರೆಕಂಡಿದ್ದು, ರಜಿನಿಕಾಂತ್​ ಅಭಿನಯದ ಕೂಲಿ ಚಿತ್ರ ತನ್ನ ಗೆಲುವನ್ನು ಸಾಧಿಸುವ ಪ್ರಯತ್ನದಲ್ಲಿ ಹೆಜ್ಜೆ ಇಟ್ಟಿದೆ.

ಅಂದಹಾಗೇ, ಸೂಪರ್​ ಸ್ಟಾರ್​ ರಜನಿಕಾಂತ್​ ಮತ್ತೊಮ್ಮೆ ಬಾಕ್ಸ್​ ಆಫೀಸ್​ ಸಾಮರ್ಥ್ಯವನ್ನು ಸಾಬೀತು ಪಡಿಸಿದ್ದು, ಬಿಡುಗಡೆಯಾದ ಎರಡನೇ ದಿನ (ಆಗಸ್ಟ್ 15) ಭಾರತದಲ್ಲಿ (ಎಲ್ಲಾ ಭಾಷೆಗಳಲ್ಲಿ) ಅಂದಾಜು 53.50 ಕೋಟಿ ರೂ. ಗಳಿಸಿದೆ. ಇದು ಕೇವಲ ಎರಡು ದಿನಗಳಲ್ಲಿ ಒಟ್ಟು 118.50 ಕೋಟಿ ರೂ.ಗಳನ್ನು ಗಳಿಸಿದೆ.

ಇದನ್ನೂ ಓದಿ: ಪೊಲೀಸರಿಂದ ಹಲ್ಲೆ ಆರೋಪ, ಯುವಕ ಆತ್ಮಹತ್ಯೆ

2ನೇ ದಿನದ ಕೂಲಿ v/s ವಾರ್​ 2 ಬಾಕ್ಸ್ ಆಫೀಸ್ ವರದಿ

ಸುದ್ದಿ ಮೂಲಗಳ ಪ್ರಕಾರ ಕೂಲಿ ಚಿತ್ರವು ತನ್ನ ಮೊದಲ ದಿನದಂದು 65 ಕೋಟಿ ರೂ. ಕಲೆಕ್ಷನ್‌ನೊಂದಿಗೆ ಭರ್ಜರಿ ಆರಂಭವನ್ನು ನೀಡಿತ್ತು, ಇದು 2025 ರ ಅತಿದೊಡ್ಡ ಭಾರತೀಯ ಓಪನರ್​ಗಳಲ್ಲಿ ಒಂದಾಗಿದೆ. ಇನ್ನು ಎರಡನೇ ದಿನ ಸಿನಿಮಾದ ವೀಕ್ಷಣೆಯಲ್ಲಿ ಸ್ವಲ್ಪ ಕುಸಿತಕಂಡಿದ್ದರೂ, ಸ್ವಾತಂತ್ರ್ಯ ದಿನದ ರಜಾ ದಿನಗಳ ಹೆಚ್ಚಳದಿಂದಾಗಿ ನೋಡುಗರ ಸಂಖ್ಯೆ ಹೆಚ್ಚಾಗಿದೆ.

ಈ ಚಿತ್ರದ ತಮಿಳು ಆವೃತ್ತಿಯು ಶುಕ್ರವಾರ ಶೇ. 80.70 ರಷ್ಟು ಮತದಾನ ಮಾಡಿದ್ದು, ಮೊದಲ ಸ್ಥಾನದಲ್ಲಿದೆ. ತೆಲಗು ರಾಜ್ಯಗಳಲ್ಲಿ ಚಿತ್ರವು ಶೇ. 85.42 ಪ್ರೇಕ್ಷಕರು ವೀಕ್ಷಿಸಿದ್ದು, ಹಿಂದಿಯಲ್ಲಿ ಶೇ. 54.60 ರಷ್ಟು ಪ್ರೇಕ್ಷಕರನ್ನು ಸಿನಿಮಾ ಕಾಯ್ದುಕೊಂಡಿದೆ. ಇನ್ನು ರಜನಿಕಂತ್​ ಚಿತ್ರವು ಅಖಿಲ ಭಾರತದಾದ್ಯಂತ ಗಮನ ಸೆಳೆಯುತ್ತಿದೆ.

ಇದನ್ನೂ ಓದಿ: ಹೋಟೆಲ್ ರೂಮ್​ಗಳಲ್ಲಿ ಹೆಚ್ಚಾಗಿ ಬಿಳಿ ಬಣ್ಣದ ಹಾಸಿಗೆಗಳನ್ನು ಏಕೆ ಬಳಸಲಾಗುತ್ತದೆ? ಇಲ್ಲಿದೆ ಅಚ್ಚರಿ ಉತ್ತರ…Hotel Rooms

ಬಾಕ್ಸ್​​ ಆಫೀಸ್​ನಲ್ಲಿ ಭಾರೀ ಪ್ರಚಾರ ಪಡೆದಿದ್ದ ಕೂಲಿ ಹೃತಿಕ್​ ರೋಷನ್​ ಹಾಗೂ ಜೂನಿಯರ್​ ಎನ್​ಟಿಆರ್​ ಅಭಿನಯದ ವಾರ್​ 2 ಚಿತ್ರವನ್ನುಹಿಂದಿಕ್ಕುವಲ್ಲಿ ಯಶಸ್ವಿಯಾಗಿದೆ. ವಾರ್ 2 ಎರಡನೇ ದಿನ 56.5 ಕೋಟಿ ರೂ. ಗಳಿಸಿದರೆ, ಒಟ್ಟು 108 ಕೋಟಿ ರೂ. ಗಳಿಸಿದ್ದು, ಕೂಲಿ ಚಿತ್ರಕ್ಕಿಂತ ಸುಮಾರು 10 ಕೋಟಿ ರೂ. ಹಿಂದಿದೆ.

ಈ ಎರಡು ಮೆಗಾ ಚಿತ್ರಗಳ ಘರ್ಷಣೆ ಚಿತ್ರಮಂದಿರಗಳಲ್ಲಿ ಹಬ್ಬದ ವಾತಾವರಣ ಸೃಷ್ಟಿಸಿದ್ದು, ಅಭಿಮಾನಿಗಳು ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ನೆರೆದಿದ್ದು, ಸಿನಿಮಾ ನೋಡುವಲ್ಲಿ ಬ್ಯುಸಿಯಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/enjoy-masala-pav-with-evening-tea