ನಗರಸಭೆ ಜಮೀನಿಗೆ ಬೇಲಿ ನಿರ್ಮಾಣ

ಕೋಲಾರ: ತಾಲೂಕಿನ ಖಾದ್ರಿಪುರ ಗ್ರಾಮದ ಸಮೀಪ ಕೋಲಾರ ನಗರ ಸಭೆಗೆ ಕ್ರಯ ಆಗಿರುವ ಒಟ್ಟು 6.11 ಎಕರೆ ಜಮೀನಿಗೆ ಸೋಮವಾರ ಬೇಲಿ ನಿರ್ಮಿಸಿ ಭದ್ರಪಡಿಸಲಾಯಿತು.

ನಗರಸಭೆ ಆಶ್ರಯ ಸಮಿತಿಯಿಂದ ನಿವೇಶನ, ವಸತಿ ರಹಿತರಿಗೆ ನಿವೇಶನ ಹಂಚಿಕೆ ಮಾಡಲು ರ್ನಿಣಹಿಸಿ, ಖಾಸಗಿ ವ್ಯಕ್ತಿಗಳಿಂದ 2001-2002ರಲ್ಲೇ ಖಾದ್ರಿಪುರ ಸರ್ವೇ ನಂ.34/1ರ ಪೈಕಿ 2.15 ಎಕರೆ, 34/2 2.06 ಎಕರೆ ಹಾಗೂ 33/2ಎ ಪೈಕಿ 3.30 ಎಕರೆ ಜಮೀನು ಸೇರಿ ಒಟ್ಟು 6.11 ಎಕರೆ ಖರೀದಿಸಿ ನೋಂದಣಿ ಇಲಾಖೆ ಮೂಲಕ ಜಮೀನು ಮಾಲೀಕರಿಂದ ನಗರಸಭೆಯ ಪೌರಾಯುಕ್ತರ ಹೆಸರಿಗೆ ಕ್ರಯ ಮಾಡಿಸಿಕೊಳ್ಳಲಾಗಿತ್ತು. ಆದರೆ, ಆ ಜಾಗವನ್ನು ಖಾಸಗಿಯವರು ಒತ್ತುವರಿ ಮಾಡಿಕೊಳ್ಳಲು ಮುಂದಾಗಿದ್ದರು.

ಇದರ ಬೆನ್ನಲೇ ದಾಖಲೆಗಳನ್ನು ಕಲೆ ಹಾಕಿದ ನಗರಸಭೆ ಸದಸ್ಯರಾದ ಪ್ರವಿಣ್​ಗೌಡ, ರಾಕೇಶ್​ ಅವರು ಕ್ಷೇತ್ರದ ಶಾಸಕ ಕೊತ್ತೂರು ಜಿ.ಮಂಜುನಾಥ್​, ಅಧ್ಯೆ ಲಕ್ಷಿ$್ಮದೇವಮ್ಮ, ಪೌರಾಯುಕ್ತ, ತಹಸೀಲ್ದಾರ್​ ಅವರು ಜಿಲ್ಲಾಧಿಕಾರಿ ಅವರ ಗಮನಕ್ಕೆ ತಂದು ನಗರಸಭೆ ಆಸ್ತಿಗಳ ರಕ್ಷಣೆ ಮಾಡಬೇಕು ಎಂದು ಒತ್ತಾಯಿಸಿದ್ದರು.

ಈ ಪ್ರಹಸನದ ಬಳಿಕ ನಗರಸಭೆಯ ಕಂದಾಯ ವಿಭಾಗದಿಂದ ಸರ್ವೇಯರ್​ ಅವರಿಗೆ ಪತ್ರ ರವಾನಿಸಿ ಸರ್ವೇಗೆ ಮನವಿ ಮಾಡಲಾಗಿತ್ತು. ಎಡಿಎಲ್​ಆರ್​ ಹನುಮಂತರಾಯಪ್ಪ ಸಿಬ್ಬಂದಿಯೊಂದಿಗೆ ನಗರಸಭೆಗೆ ಕ್ರಯ ಆಗಿರುವ ಸರ್ವೇ ನಂಬರ್​ಗಳ ಜಮೀನುಗಳನ್ನು ಸರ್ವೇ ಮಾಡಿ ಗಡಿ ಗುರುತಿಸಿಕೊಟ್ಟಿದ್ದರು. ಅಂದೇ ನಗರಸಭೆ ಅಧಿಕಾರಿಗಳು ಟ್ರಂಚ್​ ನಿರ್ಮಾಣ ಮಾಡಿದ್ದರು.

ಈಗ ಸೋಮವಾರ ಬೆಳಗ್ಗೆಯಿಂದಲೇ ಅಧಿಕಾರಿಗಳು ಕೋಲಾರ ಗ್ರಾಮಾಂತರ ಠಾಣೆ ಪೊಲೀಸರ ರಕ್ಷಣೆಯಲ್ಲಿ ಕಲ್ಲು ಕೂಚು ನೆಟ್ಟು ಬೇಲಿ ನಿರ್ಮಿಸಿದರು. ಇದಾದ ಕೂಡಲೇ ಬೋರ್ಡ್​ ಅಳವಡಿಸಬೇಕು, ಆಗಾಗ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಸ್ಥಿತಿಗತಿ ಪರಿಶೀಲಿಸಬೇಕು ಎಂದು ಅಧ್ಯೆ ಲಕ್ಷಿ$್ಮದೇವಮ್ಮ ನಗರಸಭೆ ಅಧಿಕಾರಿಗಳಿಗೆ ಸೂಚಿಸಿದರು.

ನಗರಸಭೆ ಪೌರಾಯುಕ್ತ ಎಸ್​. ಪ್ರಸಾದ್​ರೆಡ್ಡಿ, ಉಪಾಧ್ಯೆ ಸಂಗೀತಾ, ಸದಸ್ಯರಾದ ಪ್ರವಿಣ್​ಗೌಡ, ಎಸ್​.ಆರ್​.ಮುರಳಿಗೌಡ, ರಾಕೇಶ್​, ಗುಣಶೇಖರ್​, ರಮೇಶ್​, ಪಾವನ, ಇಂಜಿನಿಯರ್​ ಗಂಗಾಧರ್​ ಇತರರಿದ್ದರು.

* ಕೆಲವರಿಂದ ಆಕ್ಷೇಪಣೆ

ನಗರಸಭೆಗೆ ಕ್ರಯ ಆಗಿದ್ದ ಜಮೀನುಗಳನ್ನು ಸ್ಥಳಿಯ ಮುಖಂಡನೋರ್ವ ನಿವೇಶನಗಳನ್ನಾಗಿ ವಿಂಗಡಿಸಿ, ಇನ್ನು ಕೆಲ ಜಮೀನುಗಳನ್ನು ಗುಂಟೆ ಲೆಕ್ಕದಲ್ಲಿ ಬೇರೆಯವರಿಗೆ ಪರಭಾರೆ ಮಾಡಿದ್ದರು. ಒತ್ತುವರಿ ತೆರವು ಸಂದರ್ಭದಲ್ಲಿ ಕೆಲ ಖರೀದಿದಾರರು ಸ್ಥಳಕ್ಕೆ ಬಂದು ಆಕ್ಷೇಪ ವ್ಯಕ್ತಪಡಿಸಿದರು. ಆಗ ಪೌರಾಯುಕ್ತ ಎಸ್​.ಪ್ರಸಾದ್​ರೆಡ್ಡಿ ದಾಖಲೆ ಪರಿಶೀಲಿಸಿದರು. ಖರೀದಿದಾರರು ಹಾಗೂ ನಗರಸಭೆ ದಾಖಲೆಗಳಿಗೆ ತಾಳೆಯಾಗಲಿಲ್ಲ. ಇದು ನಗರಸಭೆಗೆ ಸೇರಿದ ಜಾಗ ಎಂದು ತಿಳಿಸಿ ತೆರವು ಮುಂದುವರಿಸಿದರು.

* ಎಲ್ಲ ಆಸ್ತಿಯು ಭದ್ರವಾಗಲಿ

ಹಿಂದಿನ ಅಧಿಕಾರಿಗಳು ಬದ್ಧತೆ ತೋರಿ ನಗರಭೆ ಆಸ್ತಿಗಳನ್ನು ರಕ್ಷಣೆ ಮಾಡಿದ್ದರೆ ಈ ಅವ್ಯವಸ್ಥೆಗೆ ಕಾರಣವಾಗುತ್ತಿರಲಿಲ್ಲ. ಸಿಬ್ಬಂದಿ ದಾಖಲೆ ನಿರ್ವಹಣೆ ಮಾಡದೆ ಇರುವುದು ನಕಲಿ ದಾಖಲೆ ಸೃಷ್ಟಿಗೆ ಎಡೆ ಮಾಡಿದೆ. ಒಟ್ಟಾರೆ ಆಸ್ತಿಗಳನ್ನು ಇದೇ ರೀತಿ ಭದ್ರಪಡಿಸಲು ಮುಂದಾಗಬೇಕು ಎಂದು ಸದಸ್ಯ ಪ್ರವಿಣ್​ಗೌಡ ಒತ್ತಾಯಿಸಿದರು.

* ಆಸ್ತಿಗಳ ರಕ್ಷಣೆಗೆ ಒತ್ತು

ಖಾದ್ರಿಪುರ ಸಮೀಪದ ಕೆಲ ಸರ್ವೇ ನಂಬರ್​ ಪೈಕಿ ಜಮೀನು ನಗರಸಭೆಗೆ ಕ್ರಯ ಆಗಿದ್ದು, ಇದನ್ನು ಸರ್ವೇ ಮಾಡಿಸಿ ಬೇಲಿ ನಿರ್ಮಿಸಿಕೊಳ್ಳಲಾಗಿದೆ. ಇದೇ ರೀತಿ ಬಸವನತ್ತ, ಸಂಗೋಡಹಳ್ಳಿ ಸಮೀಪದ ಜಾಗವನ್ನೂ ನಗರಸಭೆ ಸುಪರ್ದಿಗೆ ಪಡೆದುಕೊಳ್ಳಲಾಗುವುದು. ಇನ್ನು ಕೆಲ ಜಾಗಗಳ ಸಂಬಂಧ ಕೋರ್ಟ್​ನಲ್ಲಿ ದಾವೆ ಇದ್ದು, ಸಭೆಯಲ್ಲಿ ವಕೀಲರ ಬದಾವಣೆ ಮಾಡಿಸಿ, ನಗರಸಭೆಗೆ ಆಸ್ತಿಗಳನ್ನು ಬರುವ ಹಾಗೆ ಒತ್ತಡ ಹೇರಲಾಗುವುದು ಎಂದು ಪೌರಾಯುಕ್ತ ಎಸ್​.ಪ್ರಸಾದ್​ರೆಡ್ಡಿ ತಿಳಿಸಿದರು.