ನಟ ಧ್ರುವ ಸರ್ಜಾ ವಿರುದ್ಧ ದೂರು ದಾಖಲು! ಕಾರಣವೇನು? | Dhruva Sarja

ಬೆಂಗಳೂರು: ನಟ ಧ್ರುವ ಸರ್ಜಾ(Dhruva Sarja) ವಿರುದ್ಧ ಇಲ್ಲಿನ ಬನಶಂಕರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಧ್ರುವ ಮಾತ್ರವಲ್ಲದೆ ಅವರ ಮ್ಯಾನೆಜರ್ ಮತ್ತು ಕಾರು ಚಾಲಕನ ವಿರುದ್ಧ ಕೂಡ ಗುರುವಾರ ದೂರು ದಾಖಲಾಗಿದೆ.

ಇದನ್ನೂ ಓದಿ:15ರಂದು ಮೇಳದ ದೇವರು, ಪರಿಕರಗಳ ಭವ್ಯ ಮೆರವಣಿಗೆ : ಕಟೀಲು 7ನೇ ಮೇಳ ಪ್ರಾರಂಭದ ಸಿದ್ಧತಾ ಸಭೆಯಲ್ಲಿ ತೀರ್ಮಾನ

ಮನೆಯ ನರೆಹೊರೆಯವರಾದ ಮನೋಜ್​ ಎಂಬುವರು ನಟನ ವಿರುದ್ಧ ದೂರು ನೀಡಿದ್ದು, ಈ ಮೂವರ ವಿರುದ್ಧ ಎಫ್​ಐಆರ್​ ದಾಖಲು ಮಾಡುವಂತೆ ಒತ್ತಾಯಿಸಿದ್ದಾರೆ ಎನ್ನಲಾಗಿದೆ.

ದೂರಿಗೆ ಕಾರಣವೇನು?

ದೂರು ನೀಡುರುವ ಮನೋಜ್​, ನಟರ ಮನೆಯ ನೆರೆಯವರಾಗಿದ್ದು, ಧ್ರುವ ಮನೆಗೆ ದಿನನಿತ್ಯ ಭೇಟಿ ನೀಡುವ ಅಭಿಮಾನಿಗಳಿಂದ ಸಮಸ್ಯೆ ಉಂಟಾಗುತ್ತಿದೆ. ಧ್ರುವ ಫ್ಯಾನ್ಸ್​ಗೆ ಬೇಸತ್ತ ಮನೋಜ್​ ಇದೀಗ ಬನಶಂಕರಿ ಠಾಣೆಗೆ ದೂರು ನೀಡಿದ್ದಾರೆ.

ಸಮಸ್ಯೆ ಏನು?

ಧ್ರುವ ಸರ್ಜಾ ಅವರ ಮನೆಗೆ ಬರುವ ಫ್ಯಾನ್ಸ್​ ರಸ್ತೆಯಲ್ಲಿ, ಮನೆಯ ಮುಂದೆ ಅಡ್ಡಾದಿಡ್ಡಿಯಾಗಿ ಗಾಡಿಗಳನ್ನು ಪಾರ್ಕಿಂಗ್ ಮಾಡ್ತಾರೆ. ಕೂಗಾಡುತ್ತಾರೆ, ಕಿರುಚಾಡುತ್ತಾರೆ ಇದರಿಂದ ಸ್ಥಳೀಯರಿಗೆ ಸಮಸ್ಯೆ ಆಗಿದೆ ಎಂದು ಮನೋಜ್ ದೂರಿನಲ್ಲಿ ಆರೋಪಿಸಿದ್ದಾರೆ. ಹೀಗಾಗಿ, ನಟ ಧೃವ, ಮ್ಯಾನೇಜರ್​ ಮತ್ತು ಚಾಲಕನ ವಿರುದ್ಧ ಕೂಡಲೇ ಎಫ್​ಐಆರ್​ ದಾಖಲಿಸಬೇಕು ಎಂದು ಅಧಿಕಾರಿಗಳ ಬಳಿ ಮನೋಜ್​ ಮನವಿ ಮಾಡಿದ್ದಾರೆ. ಆದರೆ, ಎಫ್​ಐಆರ್​ ದಾಖಲು ಮಾಡಿಲ್ಲ. ಎನ್​ಸಿಆರ್ ಮಾತ್ರ ದಾಖಲಾಗಿದೆ.

https://www.vijayavani.net/congress-mlas-sons-lavish-wedding-5-acre-pavilion-villages