ಬಾಕ್ಸಿಂಗ್ನಲ್ಲಿ ಭಾರತ ಒಟ್ಟು 10 ಪದಕ ಜಯಿಸಿತು. ಈ ಪೈಕಿ ತಲಾ 2 ಚಿನ್ನ, 2 ಬೆಳ್ಳಿ ಸಹಿತ 4 ಪದಕಗಳು ಪುರುಷ ಬಾಕ್ಸರ್ಗಳ ಕೊಡುಗೆಯಾಗಿದೆ. ಭಾರತ ಪುರುಷ ಬಾಕ್ಸಿಂಗ್ ತಂಡದ ಮುಖ್ಯ ಕೋಚ್ ಆಗಿರುವ ಕನ್ನಡಿಗ ಕೆ.ಸಿ. ಕುಟ್ಟಪ್ಪ ಅವರ ಪಾತ್ರ ಇದರಲ್ಲಿ ಪ್ರಮುಖವಾದುದು.
ಕೊಡಗು ಮೂಲದ ಕುಟ್ಟಪ್ಪ ಸೈನಿಕರಾಗಿದ್ದು, ಹಾಲಿ ವರ್ಷಾರಂಭದಲ್ಲಿ ಪುರುಷರ ತಂಡದ ಕೋಚ್ ಆಗಿ 3ನೇ ಅವಧಿಗೆ ಮರುನೇಮಕವಾಗಿದ್ದರು. ಇದಕ್ಕೆ ಮುನ್ನ 2018-2021 ಮತ್ತು 2023-2024ರಲ್ಲಿ ಮೊದಲ 2 ಅವಧಿ ಕಾರ್ಯನಿರ್ವಹಿಸಿದ್ದರು. ಆಗಲೂ ಹಲವು ಬಾಕ್ಸರ್ಗಳ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದ ಅವರು, 2008ರ ಬೀಜಿಂಗ್ ಒಲಿಂಪಿಕ್ಸ್ನಲ್ಲಿ ವಿಜೇಂದರ್ ಸಿಂಗ್ ಕಂಚಿನ ಪದಕ ಗೆದ್ದಾಗಲೂ ಭಾರತ ತಂಡದ ಸಹಾಯಕ ತರಬೇತುದಾರರಾಗಿದ್ದರು. ಕುಟ್ಟಪ್ಪ ದ್ರೋಣಾಚಾರ್ಯ ಪ್ರಶಸ್ತಿ ಪುರಸತರೂ ಆಗಿದ್ದಾರೆ.
