ಕುರಿಗೆ 5 ಸಾವಿರ ರೂ. ಸಿಕ್ಕಿದ ಖುಷಿಯಿಂದ ನೋಟುಗಳನ್ನು ಜೇಬಲ್ಲಿಟ್ಟುಕೊಂಡು ಸಂಜೆ ಮನೆಗೆ ಬಂದಾಗ ನೋಟುಗಳ ಅಸಲಿಯತ್ತು ಬಯಲಾಗಿದೆ. ಝೆರಾಕ್ಸ್ ನೋಟುಗಳ ವಿಷಯವನ್ನು ಸಂಬಂಧಿಕರಿಗೆ ತಿಳಿಸಿದಾಗ ಕೆಲದಿನ ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ವಂಚಕರನ್ನು ಹುಡುಕಿದ್ದರು. ಸೋಮವಾರ ಬೆಳಗ್ಗೆ ಮಂಚಯ್ಯ ಅವರ ಅಳಿಯ ರವಿ ಮನೆಗೆ ಬಂದಾಗ ಗ್ರಾಮಸ್ಥರು ವಂಚನೆ ವಿಷಯವನ್ನು ಮುಟ್ಟಿಸಿದ್ದರು. ಮಾವನಿಗಾದ ಮೋಸದ ಕುರಿತು ವಿಡಿಯೋ ಚಿತ್ರೀಕರಿಸಿದ ರವಿ, ರೈತರು-ವೃದ್ಧರು ಎಚ್ಚರದಿಂದ ಇರಬೇಕೆಂದು ವಿಡಿಯೋ ಸಂದೇಶ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದರು. ಈ ವಿಡಿಯೋ ಈಗ ವೈರಲ್ ಆಗಿದೆ. ಮಂಚಯ್ಯ ಸೋಮವಾರ ತಮ್ಮ ಸಂಬಂಧಿ ದಿಲೀಪ್ ಜತೆಗೂಡಿ ಕೆಸ್ತೂರಿನ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ.
