ಎಂಬಿಎ ಪದವೀಧರ ರಂಜಿತ್, ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾನೆ. ಇಸ್ಲಾಂ ಅಲಿ ಜೆರಾಕ್ಸ್ ಅಂಗಡಿ, ಶಬ್ಬಿರ್ ಸೈಬರ್ ಸೆಂಟರ್ ಇಟ್ಟುಕೊಂಡಿದ್ದ. ಕಂಪನಿ ತರಬೇತಿ ಮೇಲೆ ಕೆಲ ವರ್ಷಗಳ ಹಿಂದೆ ನಗರಕ್ಕೆ ಬಂದಿದ್ದ ರಂಜಿತ್, ಬೆಂಗಳೂರು ಸಂಚಾರ ಪೊಲೀಸರು ದಂಡ ವಿಧಿಸುವುದು ಮತ್ತು ವಸೂಲಿ ಬಗ್ಗೆ ಮಾಹಿತಿ ಕಲೆ ಹಾಕಿದ್ದ. ತರಬೇತಿ ಮುಗಿದ ಮೇಲೆ ಕೊಲ್ಕತ್ತಾಗೆ ತೆರಳಿ, ತನ್ನ ಸಹಚರರಾದ ಇಸ್ಲಾಂ ಅಲಿ ಮತ್ತು ಶಬ್ಬಿರ್ ಹೆಸರಿನಲ್ಲಿ ಬ್ಯಾಂಕ್ ಖಾತೆ ತೆರೆದು ಕ್ಯೂಆರ್ ಕೋಡ್ ಪಡೆದುಕೊಂಡಿದ್ದ. ಅಲ್ಲದೆ, 2020ರಲ್ಲಿ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದ ಭಕ್ತರಾಮ್ ಎಂಬ ಹೆಡ್ ಕಾನ್ಸ್ಟೆಬಲ್ ಪೊಲೀಸ್ ಐಡಿ ಕಾರ್ಡ್ ಅನ್ನು ಗೂಗಲ್ನಲ್ಲಿ ಪಡೆದುಕೊಂಡಿದ್ದ. ಭಕ್ತ ರಾಮ್ ಎಂಬ ಹೆಸರಿನ ಬದಲಿಗೆ ಕುಮಾರಸ್ವಾಮಿ ಎಂದು ಎಡಿಟ್ ಮಾಡಿಕೊಂಡು ನಕಲಿ ಐಡಿ ಕಾರ್ಡ್ ಸೃಷ್ಟಿಸಿಕೊಂಡಿದ್ದ.
