CJI ಮೇಲೆ ಶೂ ಎಸೆಯಲು ಯತ್ನ: ಜೈಲು ಶಿಕ್ಷೆ ಎದುರಿಸಲು ಸಿದ್ಧ ಎಂದ ವಕೀಲ ರಾಕೇಶ್ ಕಿಶೋರ್

ನವದೆಹಲಿ:ಸೋಮವಾರ ಸುಪ್ರೀಂ ಕೋರ್ಟ್ ಒಳಗೆ ಭಾರತದ ಮುಖ್ಯ ನ್ಯಾಯಮೂರ್ತಿ (CJI) ಬಿಆರ್ ಗವಾಯಿ ಅವರ ಮೇಲೆ ಶೂ ಎಸೆಯಲು ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾನು ಜೈಲು ಶಿಕ್ಷೆ ಎದುರಿಸಲು ಸಿದ್ಧನಿದ್ದೇನೆ ಎಂದು ಶೂ ಎಸೆಯಲು ಯತ್ನಿಸಿದ ವಕೀಲ ರಾಕೇಶ್ ಕಿಶೋರ್ ಹೇಳಿದ್ದಾರೆ.

ನಾನು ದೈವಿಕ ಶಕ್ತಿಯಿಂದ ವರ್ತಿಸಿದ್ದೇನೆ ಮತ್ತು ತನ್ನ ಕೃತ್ಯದ ಬಗ್ಗೆ ಯಾವುದೇ ಪಶ್ಚಾತ್ತಾಪ ಹೊಂದಿಲ್ಲ ಎಂದು ಹೇಳಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ.

ಇದನ್ನೂ ಓದಿ:ಮಹೇಶ್‌ಶೆಟ್ಟಿ ತಿಮರೋಡಿ ಬಿಜೆಪಿ ಅಸೋಸಿಯೇಟ್: ಶಾಸಕ ರವಿಕುಮಾರ್ ಗಣಿಗ ವಾಗ್ದಾಳಿ

"ನನಗೆ ನೋವಾಯಿತು... ಸಿಜೆಐ ಮೇಲೆ ದಾಳಿ ಮಾಡಿದಾಗ ನಾನು ಮದ್ಯ ಸೇವಿಸಿರಲಿಲ್ಲ, ಅವರ ಕ್ರಮಕ್ಕೆ ನನ್ನ ಪ್ರತಿಕ್ರಿಯೆ ಇದು... ನನಗೆ ಭಯವಿಲ್ಲ. ಏನಾಯಿತು ಎಂದು ನನಗೆ ವಿಷಾದವಿಲ್ಲ" ಎಂದು ವಕೀಲ ಕಿಶೋರ್​ ಹೇಳಿದರು.

ಕಳೆದ ತಿಂಗಳು ಅರ್ಜಿಯ ವಿಚಾರಣೆ ನಡೆಸುವಾಗ ಕಿಶೋರ್ ತಮ್ಮ "ಭಗವಾನ್ ವಿಷ್ಣು" ಹೇಳಿಕೆಗಳ ಬಗ್ಗೆ ಸಿಜೆಐ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ ಎಂದು ವರದಿಯಾಗಿದೆ. ಸಿಜೆಐ ಗವಾಯಿ ಅವರ ಹೇಳಿಕೆಗಳ ನಂತರ, ಅವರು ಸರಿಯಾಗಿ ನಿದ್ರೆ ಮಾಡಲು ಸಾಧ್ಯವಾಗಲಿಲ್ಲ ಎಂದು ಕಿಶೋರ್ ಹೇಳಿದ್ದಾರೆ.(ಏಜೆನ್ಸೀಸ್​)

https://www.vijayavani.net/my-wife-turns-into-a-nagini-at-night-man-complains