‘ಜೈಲರ್ 2’ಗೆ ಸೆಡ್ಡು ಹೊಡಲಿಯದ್ದಾರೆ ಚಿರು, ಧನುಷ್ : ಅಕ್ಟೋಬರ್ ನಲ್ಲಿ ಸಿನಿಮಾ ಕ್ರಾಂತಿ

ಈ ಬಾರಿಯ ದಸರಾಕ್ಕೆ ದಕ್ಷಿಣ ಭಾರತದ ಸ್ಟಾರ್ ನಟರ ಸಿನಿಮಾಗಳು ತೆರೆಗೆ ಬರಲಿವೆ. ಈಗಾಗಲೇ, ‘ಜೈಲರ್ 2’ ಘೋಷಣೆಯಾಗಿದೆ. ಹಾಗೆಯೇ ಚಿರಂಜೀವಿ ನಟನೆಯ ತೆಲುಗಿನ ಬಹುನಿರೀಕ್ಷಿತ ‘ವಿಶ್ವಂಭರ’ ಕೂಡ ದಸರಾಕ್ಕೆ ಬರಲು ಸಜ್ಜಾಗುತ್ತಿದೆ. ಈ ಚಿತ್ರ ಪೂರ್ಣಗೊಂಡು ಒಂದು ವರ್ಷವೇ ಕಳೆದಿದೆ. ಆದರೆ ಕಾರಣಾಂತರಗಳಿಂದ ಪದೇ ಪದೆ ರಿಲೀಸ್ ಡೇಟ್ ಮುಂದೂಡಲಾಗುತ್ತಿದೆ. ಇದೀಗ ದಸರಾಕ್ಕೆ ಬರಲು ಪ್ಲ್ಯಾನ್ ಮಾಡಿದೆ ಎಂದು ತಿಳಿದುಬಂದಿದೆ. ಹಾಗೆಯೇ, ರಜಿನಿಕಾಂತ್ ಮಾಜಿ ಅಳಿಯ, ನಟ ಧನುಷ್ ಅಭಿನಯದ ‘ಓಂ’ ಕೂಡ ದಸರಾ ಮೇಲೆ ಕಣ್ಣಿಟ್ಟಿದೆ. ಇನ್ನು ಕನ್ನಡದಲ್ಲಿ ನಟ ಗಣೇಶ್ ಅಭಿನಯದ ‘ಬೃಂದಾವಿಹಾರಿ’ ಅ. 16ಕ್ಕೆ ಬಿಡುಗಡೆಯಾಗುತ್ತಿದೆ. ಈ ಮೂಲಕ ‘ಜೈಲರ್’ಗೆ ಸೆಡ್ಡುಹೊಡೆಯಲು ಚಿರು, ಗಣೇಶ್, ಧನುಷ್ ಸಿದ್ಧರಾಗುತ್ತಿದ್ದಾರೆ. ಇದಕ್ಕೂ ಮುನ್ನ ಅ. 2ಕ್ಕೆ ಕನ್ನಡದಲ್ಲಿ ‘ಪಿನಾಕ’, ತೆಲುಗಿನಲ್ಲಿ ವಿಕ್ಟರಿ ವೆಂಕಟೇಶ್ ಅಭಿನಯದ ‘ಆದರ್ಶ ಕುಟುಂಬಂ’ ರಿಲೀಸ್ ಆಗಲಿವೆ.