ಮೆಗಾಸ್ಟಾರ್​ ಚಿರಂಜೀವಿ ಅಭಿನಯದ 'ವಿಶ್ವಂಭರ 'ದಲ್ಲಿ ಅತೀತ ಶಕ್ತಿಗಳ ಹೋರಾಟ: ಚಿತ್ರ ಬಿಡುಗಡೆ ಯಾವಾಗ? ಇಲ್ಲಿದೆ ಮಾಹಿತಿ..

ಹೈದರಾಬಾದ್​: ಹಿರಿಯ ನಟ ಚಿರಂಜೀವಿ ಅಭಿನಯದ 156ನೇ ಅದ್ಧೂರಿ ಚಿತ್ರ 'ವಿಶ್ವಂಭರ'. 'ಬಿಂಬಿಸಾರ' ನಿರ್ದೇಶಕ ವಸಿಷ್ಠ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಇದರ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಇತ್ತೀಚೆಗೆ ಪ್ರಕಟಿಸಿದೆ. ಅದರಂತೆ ಮುಂದಿನ ವರ್ಷ ಸಂಕ್ರಾಂತಿ ಉಡುಗೊರೆಯಾಗಿ ಜನವರಿ 10ಕ್ಕೆ ಪ್ರೇಕ್ಷಕರ ಮುಂದೆ ಬರಲಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಮಂಡ್ಯ ಲೋಕಸಭಾ ಕ್ಷೇತ್ರದ ವಿಶ್ಲೇಷಣೆ

'ಅತೀತ ಶಕ್ತಿಗಳ ಹೋರಾಟದಿಂದ ದಂತಕಥೆಗಳು ಹೊರಹೊಮ್ಮುತ್ತವೆ' ಎಂಬ ಪ್ರಬಲ ಪೋಸ್ಟರ್ ಅನ್ನು ಚಿತ್ರತಂಡ ಹಂಚಿಕೊಂಡಿದ್ದಾರೆ. ಈ ಹ್ಯಾಶ್‌ಟ್ಯಾಗ್ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ಶುರುವಾಗಿದೆ. ಸದ್ಯ ಇದರ ಚಿತ್ರೀಕರಣ ಶರವೇಗದಲ್ಲಿ ಸಾಗುತ್ತಿದೆ.

ಈ ಸಿನಿಮಾದಲ್ಲಿ ಹೆಚ್ಚು ಫಿಟ್ ಆಗಿ ಕಾಣಲು ಚಿರಂಜೀವಿ ಜಿಮ್ ನಲ್ಲಿ ಕಸರತ್ತು ಮಾಡಿ ಬೆವರಿಳಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋವನ್ನು ಅವರು ಶೇರ್ ಮಾಡಿದಾಗ ಅದು ವೈರಲ್ ಆಗಿದೆ.

ಮೆಗಾಸ್ಟಾರ್ ಶುದ್ಧ ಫ್ಯಾಂಟಸಿ ಪ್ರಕಾರದ ಚಿತ್ರದಲ್ಲಿ ನಟಿಸಿ ಮೂರು ದಶಕಗಳು ಕಳೆದಿವೆ. ಈ ಸಿನಿಮಾಗಾಗಿ ಸೃಷ್ಟಿಯಲ್ಲಿ ಪ್ರಮುಖ ಅಂಶಗಳಾದ ಪಂಚಭೂತಗಳು, ತ್ರಿಶೂಲ ಶಕ್ತಿಗಳು ಮತ್ತು ಇವುಗಳಿಗೆ ಅಧ್ಯಾತ್ಮಿಕತೆಯನ್ನು ಸೇರಿಸಿ ಹೊಸ ಲೋಕವನ್ನೇ ಸೃಷ್ಟಿಸುತ್ತಿದ್ದೇವೆ. ಅದನ್ನು ನೋಡಿ ಎಲ್ಲರೂ ಆಶ್ಚರ್ಯ ಪಡುತ್ತಾರೆ' ಎಂದು ನಿರ್ದೇಶಕರು ಹೇಳಿದ್ದು, ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿಸುವಂತೆ ಮಾಡಿದ್ದಾರೆ. ಚಿರುಗೆ ಜೋಡಿಯಾಗಿ ಅನುಷ್ಕಾ ಶೆಟ್ಟಿ ಮತ್ತು ಮೃಣಾಲ್ ಠಾಕೂರ್ ನಟಿಸಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಕೀರವಾಣಿ ಸ್ವರ ಬ್ಯಾನರ್ ಅಡಿಯಲ್ಲಿ ಯುವಿ ಕ್ರಿಯೇಷನ್ಸ್ ಈ ಚಿತ್ರವನ್ನು ನಿರ್ಮಿಸುತ್ತಿದೆ.

https://www.vijayavani.net/grand-welcome-to-retired-soldier-at-bagalakot