ತೀರಾ ಒಳಭಾಗದವರಗೆ ಅತಿಕ್ರಮಿಸಲು ಸಂಚು ರೂಪಿಸಿದ್ದ ಚೀನಿಯರು

ನವದೆಹಲಿ: ಲಡಾಖ್​ ಪ್ರದೇಶದ ವಾಸ್ತವ ಗಡಿರೇಖೆಯ ಭಾರತದ ಭಾಗದೊಳಗೆ ತುಮಬಾ ಒಳಗಿನವರೆಗೂ ಅತಿಕ್ರಮಿಸಲು ಚೀನಿ ಯೋಧರು ಸಂಚು ರೂಪಿಸಿದ್ದರು. ಆದರೆ, ಭಾರತೀಯ ಸೇನಾಪಡೆ ಸಕಾಲದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಯೋಧರನ್ನು ನಿಯೋಜಿಸಿದ್ದರಿಂದ ಚೀನಿಯರ ಪ್ರಯತ್ನ ವಿಫಲವಾಯಿತು ಎಂದು ಹೇಳಲಾಗಿದೆ.

ಲಡಾಖ್​ ಗಲ್ವಾನ್​ ಕಣಿವೆಯ ಮೂರು ಕಡೆ ಮತ್ತು ಪ್ಯಾಂಗಾಂಗ್​ ಸರೋವರದ ಒಂದು ಕಡೆ ಸೇರಿ ನಾಲ್ಕು ಕಡೆಗಳಲ್ಲಿ ಭಾರತೀಯ ಯೋಧರ ಜತೆ ಹೊಡೆದಾಟ ನಡೆಸಿದ ಬಳಿಕ ಚೀನಿಯರು ಭಾರತದ ಭಾಗದ ತೀರಾ ಒಳಗಿನವರೆಗೂ ಅತಿಕ್ರಮಿಸಲು ಉದ್ದೇಶಿಸಿದ್ದರು. ಈ ಉದ್ದೇಶದಿಂದಲೇ ಅವರು ತುಂಬಾ ತ್ವರಿತವಾಗಿ ಅವರು 5 ಸಾವಿರಕ್ಕೂ ಹೆಚ್ಚು ಯೋಧರು, ಯುದ್ಧೋಪಕರಣಗಳನ್ನು ಸಾಗಿಸಿದರು ಎಂದು ಭದ್ರತಾ ಸಂಸ್ಥೆಗಳು ಸರ್ಕಾರಕ್ಕೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಲಾಗಿದೆ.

ದೌಲತಾ ಬೇಗ್​ ಓಲ್ಡೀಯಿಂದ ಹಿಡಿದು ಪ್ಯಾಂಗಾಂಗ್​ ತ್ಸೊ ಸರೋವರದವರೆಗೆ ಚೀನಿಯರು ಎಲ್ಲೆಲ್ಲಿ, ಹೇಗೆಲ್ಲ ಅತಿಕ್ರಮಣ ಮಾಡಿದ್ದರು ಎಂಬ ಮಾಹಿತಿಯನ್ನೂ ವರದಿ ಒಳಗೊಂಡಿದೆ.

https://www.vijayavani.net/a-photographer-transmits-covid-to-116-people-in-east-godavari-hamlet/