ದೀಪಾವಳಿ ಮುಗಿಯುತ್ತಿದ್ದಂತೆ ಕುಸಿದ ಚಿನ್ನ! ಖರೀದಿದಾರರಿಗೆ ಇದು ಸೂಕ್ತ ಸಮಯವೇ? ಹೀಗಿದೆ ನೋಡಿ ಇಂದಿನ ದರ | Gold Rates

ನವದೆಹಲಿ: ದೀಪಾವಳಿ ಹಬ್ಬಕ್ಕೂ ಮೊದಲು ಸತತವಾಗಿ ಏರಿಕೆ ಕಾಣುತ್ತಿದ್ದ ಚಿನ್ನದ ಬೆಲೆ ಇದೀಗ ಹಬ್ಬ ಕಳೆಯುತ್ತಿದ್ದಂತೆ ದಿಢೀರ್ ಕುಸಿತ ಕಂಡಿದೆ (Gold Rates). ದೇಶದಲ್ಲಿ ಇತ್ತೀಚೆಗೆ ಚಿನ್ನದ ಬೆಲೆಯಲ್ಲಿನ ಹೆಚ್ಚಳ ಕೆಲವು ದಿನಗಳಿಂದ ಇಳಿಕೆಯಾಗುತ್ತಿದೆ. ಇಂದು (ಅ.23) ಬೆಳಗ್ಗೆ, 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 810 ರೂ. ಇಳಿದಿದೆ.

ಅದೇ ರೀತಿ, 10 ಗ್ರಾಂ 22 ಕ್ಯಾರೆಟ್ ಚಿನ್ನದ ಬೆಲೆ 750 ರೂ. ಕಡಿಮೆಯಾಗಿ 1,14,650 ರೂ.ಗೆ ತಲುಪಿದೆ. ಇನ್ನು 18 ಕ್ಯಾರೆಟ್ ಬೆಲೆ 610 ರೂ. ಇಳಿಕೆಯಾಗಿ 93,810 ರೂ. ಆಗಿದೆ. ಚಿನ್ನದ ಬೆಲೆಗಳೊಂದಿಗೆ ಸಖತ್ ಪೈಪೋಟಿಗಿಳಿದಿರುವ ಬೆಳ್ಳಿ ದರ ಸಹ ಇಂದು ಕುಸಿದಿದೆ. ಇಂದಿನ ವಿವರಗಳ ಪ್ರಕಾರ, 1 ಕೆಜಿ ಬೆಳ್ಳಿಯ ಬೆಲೆಯಲ್ಲಿ 4,900 ರೂ. ಕಡಿಮೆಯಾಗಿದೆ.

ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ ಚಿನ್ನದ ಬೆಲೆ

• ಇಂದು ದೆಹಲಿಯಲ್ಲಿ, 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 10 ರೂ. ಕುಸಿದಿದ್ದು, 1,26,030 ರೂ.ಗೆ ತಲುಪಿದೆ. ಅದೇ ರೀತಿ, 10 ಗ್ರಾಂ 22 ಕ್ಯಾರೆಟ್ ಚಿನ್ನದ ಬೆಲೆ 1,20,100 ರೂ. ಆಗಿದೆ.
• ಮುಂಬೈ, ಬೆಂಗಳೂರಿನಲ್ಲಿ 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 810 ರೂ. ಕುಸಿದಿದ್ದು, 1,25,080 ರೂ.ಗೆ ತಲುಪಿದೆ. ಅದೇ ರೀತಿ, 10 ಗ್ರಾಂ 22 ಕ್ಯಾರೆಟ್ ಚಿನ್ನದ ಬೆಲೆ 1,14,800 ರೂ.ಗೆ ಬಂದು ನಿಂತಿದೆ.
• ಇನ್ನು ಹೈದರಾಬಾದ್​ ಸೇರಿದಂತೆ ತೆಲುಗು ರಾಜ್ಯಗಳಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1,25,080 ರೂ.ಗೆ ತಲುಪಿದೆ. ಅದೇ ರೀತಿ, 22 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1,14,800 ರೂ. ಆಗಿದೆ.

ಬೆಳ್ಳಿ ಬೆಲೆಯೂ ಕುಸಿತ

• ದೆಹಲಿಯಲ್ಲಿ ಬೆಳ್ಳಿಯ ಬೆಲೆ 1000 ರೂ. ಇಳಿದಿದ್ದು, ಒಂದು ಕೆಜಿ ಬೆಳ್ಳಿ ಇಂದು 1,59,000 ರೂ.ಗೆ ತಲುಪಿದೆ.
• ಬೆಂಗಳೂರಿನಲ್ಲಿ 4,900 ರೂ. ಇಳಿಕೆಯಾಗಿದ್ದು, ಪ್ರಸ್ತುತ ಒಂದು ಕೆಜಿ ಬೆಳ್ಳಿಯ ಬೆಲೆ 1,59,000 ರೂ. ಇದೆ.
• ಇನ್ನು ಹೈದರಾಬಾದ್‌, ತೆಲಂಗಾಣದಲ್ಲಿ 1000 ರೂ. ಕುಸಿದಿದ್ದು, ಪ್ರತಿ ಕೆಜಿ ಬೆಲೆ 1,74,000 ರೂ. ಆಗಿದೆ.

ಗಮನಿಸಿ: ಮೇಲೆ ತಿಳಿಸಲಾದ ಬೆಲೆಗಳು ಬೆಳಗಿನ ಮಾರುಕಟ್ಟೆಯ ಆರಂಭದಲ್ಲಿ ಮಾತ್ರ. ಈ ಚಿನ್ನ ಮತ್ತು ಬೆಳ್ಳಿ ದರಗಳು ಬದಲಾವಣೆಗೆ ಒಳಪಟ್ಟಿರುತ್ತವೆ.

https://www.vijayavani.net/who-is-pradeep-ranganathan-who-grabs-the-audience-eye