ದೆಹಲಿಗೆ 'ಇಂದ್ರಪ್ರಸ್ಥ' ಎಂದು ಹೆಸರು ಬದಲಾಯಿಸಿ: ಅಮಿತ್​ ಶಾಗೆ ಬಿಜೆಪಿ ಸಂಸದ ಪತ್ರ! | Indraprastha

ನವದೆಹಲಿ: ದೆಹಲಿ ನಗರಕ್ಕೆ ಇಂದ್ರಪ್ರಸ್ಥ(Indraprastha)ಎಂದು ಹೆಸರು ಬದಲಾಯಿಸಬೇಕು ಎಂದು ದೆಹಲಿಯ ಬಿಜೆಪಿ ಸಂಸದ ಪ್ರವೀಣ್ ಖಂಡೇಲ್ವಾಲ್​ ಒತ್ತಾಯಿಸಿದ್ದಾರೆ.

ಈ ಕುರಿತು ಕೇಂದ್ರಗೃಹ ಸಚಿವ ಅಮಿತ್​ ಶಾಗೆ ಶನಿವಾರ ಪತ್ರದ ಮೂಲಕ "ದೆಹಲಿಯ ಇತಿಹಾಸ ಸಾವಿರಾರು ವರ್ಷಗಳ ಹಿಂದಿನದು ಮಾತ್ರವಲ್ಲದೆ, ಭಾರತೀಯ ನಾಗರಿಕತೆಯ ಆತ್ಮ ಮತ್ತು ಪಾಂಡವರು ಸ್ಥಾಪಿಸಿದ 'ಇಂದ್ರಪ್ರಸ್ಥ' ನಗರದ ರೋಮಾಂಚಕ ಸಂಪ್ರದಾಯವನ್ನು ಸಹ ಸಾಕಾರಗೊಳಿಸುತ್ತದೆ" ಎಂದು ತಿಳಿಸಿದ್ದಾರೆ.

ರಾಷ್ಟ್ರ ರಾಜಧಾನಿಯಲ್ಲಿ ಪಾಂಡವರ ಭವ್ಯ ಪ್ರತಿಮೆಗಳನ್ನು ಸ್ಥಾಪಿಸಬೇಕು. ಹಳೆಯ ದೆಹಲಿ ರೈಲು ನಿಲ್ದಾಣವನ್ನು 'ಇಂದ್ರಪ್ರಸ್ಥ ಜಂಕ್ಷನ್' ಎಂದು ಮತ್ತು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು 'ಇಂದ್ರಪ್ರಸ್ಥ ವಿಮಾನ ನಿಲ್ದಾಣ' ಎಂದು ಮರುನಾಮಕರಣ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ.

ಇದನ್ನೂ ಓದಿ:ಮಕ್ಕಳ ನಿಶ್ಚಿತಾರ್ಥಕ್ಕೂ ಮುನ್ನವೇ ವರನ ತಂದೆಯ ಜತೆ ವಧುವಿನ ತಾಯಿ ಎಸ್ಕೇಪ್​: 8 ದಿನಗಳ ರಹಸ್ಯ ಬಯಲು! Elope

ಖಂಡೇಲ್ವಾಲ್ ಅವರ ಪ್ರಕಾರ, ಪ್ರಯಾಗ್‌ರಾಜ್, ಅಯೋಧ್ಯೆ, ಉಜ್ಜಯಿನಿ, ವಾರಣಾಸಿ ಮುಂತಾದ ದೇಶದ ಇತರ ಐತಿಹಾಸಿಕ ನಗರಗಳು ತಮ್ಮ "ಪ್ರಾಚೀನ ಗುರುತುಗಳೊಂದಿಗೆ" ಮತ್ತೆ ಸಂಪರ್ಕ ಸಾಧಿಸುತ್ತಿದ್ದರೆ, ದೆಹಲಿಯನ್ನು "ಅದರ ಮೂಲ ರೂಪದಲ್ಲಿ ಗೌರವಿಸಬೇಕು". ಈ ಬದಲಾವಣೆಯು ಐತಿಹಾಸಿಕ ನ್ಯಾಯ ಮಾತ್ರವಲ್ಲದೆ ಸಾಂಸ್ಕೃತಿಕ ಪುನರುಜ್ಜೀವನದತ್ತ ಒಂದು ಪ್ರಮುಖ ಹೆಜ್ಜೆಯಾಗಿದೆ. ಇದು ಇತಿಹಾಸವನ್ನು ಪುನಃಸ್ಥಾಪಿಸುತ್ತದೆ ಮತ್ತು ಐತಿಹಾಸಿಕ ನ್ಯಾಯ ಮತ್ತು ಸಾಂಸ್ಕೃತಿಕ ಗೌರವವನ್ನು ಪ್ರತಿನಿಧಿಸುತ್ತದೆ ಎಂದು ಅವರು ಹೇಳಿದರು.

ದೆಹಲಿಯನ್ನು 'ಇಂದ್ರಪ್ರಸ್ಥ' ಎಂದು ಮರುನಾಮಕರಣ ಮಾಡುವುದರಿಂದ ಭವಿಷ್ಯದ ಪೀಳಿಗೆಗೆ ಭಾರತದ ರಾಜಧಾನಿ ಅಧಿಕಾರದ ಕೇಂದ್ರ ಮಾತ್ರವಲ್ಲ, ಧರ್ಮ, ನೈತಿಕತೆ ಮತ್ತು ರಾಷ್ಟ್ರೀಯತೆಯ ಸಂಕೇತವಾಗಿದೆ ಎಂಬ ಸಂದೇಶವನ್ನು ರವಾನಿಸುತ್ತದೆ ಎಂದು ಅವರು ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/pm-modi-wishes-on-the-occasion-of-kannada-rajyotsava-prays-for-happiness-and-health-for-everyone