ಕಂಗನಾ ರಣಾವತ್​ ನಟನೆಯ 'ಚಂದ್ರಮುಖಿ 2' ರಿಲೀಸ್​ ಡೇಟ್​ ಮುಂದೂಡಿಕೆ!

ತಮಿಳುನಾಡು: ಬಾಲಿವುಡ್​ ಬೆಡಗಿ, ನಟಿ ಕಂಗನಾ ರಣಾವತ್​ ಮತ್ತು ಕಾಲಿವುಡ್​ ನಟ ರಾಘವ್​ ಲಾರೆನ್ಸ್​ ಅಭಿನಯದ ಬಹುನಿರೀಕ್ಷಿತ 'ಚಂದ್ರಮುಖಿ 2' ಚಿತ್ರದ ಬಿಡುಗಡೆ ದಿನಾಂಕದಲ್ಲಿ ಇದೀಗ ಗೊಂದಲ ಸೃಷ್ಟಿಯಾಗಿದ್ದು, ಈ ಹಿಂದೆ ನಿಗದಿಪಡಿಸಲಾಗಿದ್ದ ದಿನದಂದು ಸಿನಿಮಾ ರಿಲೀಸ್​ ಆಗುವುದು ಅನುಮಾನ​ ಎಂದು ಇತ್ತೀಚಿನ ವರದಿ ತಿಳಿಸಿದೆ.

ಇದನ್ನೂ ಓದಿ: ‘ಪುಷ್ಪ ದಿ ರೂಲ್’ನಲ್ಲಿ ತಿರುಗಲಿದೆ ಶ್ರೀವಲ್ಲಿ ಅದೃಷ್ಟ, ಹೊಸ ಅಪ್‌ಡೇಟ್ ಹಂಚಿಕೊಂಡ ರಶ್ಮಿಕಾ

ಸೂಪರ್​ಸ್ಟಾರ್​ ರಜನಿಕಾಂತ್​ ಮತ್ತು ಜೋತಿಕಾ ಅಭಿನಯಿಸಿದ್ದ ಬ್ಲಾಕ್​ಬಸ್ಟರ್​ 'ಚಂದ್ರಮುಖಿ' ಚಿತ್ರದ ಮುಂದುವರಿದ ಭಾಗವಾದ 'ಚಂದ್ರಮುಖಿ 2' ಸಿನಿಮಾವನ್ನು ಹಾರರ್​ ಜಾನರ್​ಗೆ ಸೈ ಎನ್ನಿಸಿಕೊಂಡಿರುವ ನಿರ್ದೇಶಕ ಪಿ. ವಾಸು ನಿರ್ದೇಶಿಸಿದ್ದಾರೆ. ಸದ್ಯ ನಿಗದಿಪಡಿಸಿದಂತೆ ಚಿತ್ರವು ಸೆ.15 ರಂದು ಬಿಡುಗಡೆಯಾಗಬೇಕು. ಆದ್ರೆ, ಇದೀಗ ಎರಡು ವಾರಗಳು ಮುಂದಕ್ಕೆ ಹೋಗಲಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: DK Shivakumar Fumes Against BJP Leaders | ಕಾಂಗ್ರೆಸ್ ವಿರುದ್ಧ ಬಿಜೆಪಿ ಪ್ರತಿಭಟನೆ ಬಗ್ಗೆ ಡಿಕೆಶಿ ರಿಯಾಕ್ಷನ್ | BENGALURU

ಸೆಪ್ಟೆಂಬರ್ 15, 2023 ರಂದು ಚಿತ್ರ ಬಿಡುಗಡೆಯಾಗುವುದಿಲ್ಲ, ಬದಲಿಗೆ ಅದೇ ತಿಂಗಳ 28 ರಂದು ರಿಲೀಸ್ ಮಾಡಲಾಗುವುದು ಎಂದು ವರದಿ ತಿಳಿಸಿದೆ. ಸದ್ಯ ಈ ಬಗ್ಗೆ ಚಿತ್ರತಂಡ ಅಧಿಕೃತ ಮಾಹಿತಿ ಘೋಷಿಸುವವರೆಗೂ ಕಾಯಬೇಕಿದೆ. ವರದಿ ತಿಳಿಸಿದಂತೆ 'ಚಂದ್ರಮುಖಿ 2' ಬಿಡುಗಡೆ ದಿನಾಂಕ ಮುಂದೂಡಿಕೆಯಾದರೆ, ಆ ವಾರದಲ್ಲಿ ರಿಲೀಸ್​ ಆಗಲಿರುವ ಹಲವು ಚಿತ್ರಗಳೊಂದಿಗೆ ಭಾರೀ ಪೈಪೋಟಿ ಎದುರಿಸುವುದು ನಿಶ್ಚಿತ,(ಏಜೆನ್ಸೀಸ್).

https://www.vijayavani.net/prakrit-neglected-by-sanskrit-in-classical-language-says-hampa-nagarajaiah