ಮಳವಳ್ಳಿ ಮಠದ ಪೀಠಾಧ್ಯಕ್ಷ ವರ್ಚಸ್ವಿ ಶ್ರೀಕಂಠಸಿದ್ದಲಿಂಗ ರಾಜೇ ಅರಸ್ ಮಾತನಾಡಿ, ಕೆಲ ವರ್ಷಗಳಿಂದ ಶ್ರೀ ಸಿದ್ದಪ್ಪಾಜಿ ಜಾತ್ರೆಗೆ ಮಸಿ ತುಂಬಿದ್ದಾರೆ. ವಿಶ್ವ ಪ್ರಾಣಿ ದಯಾ ಸಂಘದ ಸ್ವಾಮೀಜಿ ಅವರು 2005-06 ರಲ್ಲಿ ಜಾತ್ರೆಯಲ್ಲಿ ಪ್ರಾಣಿ ಬಲಿ ನಡೆಯುತ್ತದೆ ಎಂದು ಕೋರ್ಟ್ನಲ್ಲಿ ದಾವೆ ಹೂಡಿದ್ದರು. 2017 ರಲ್ಲಿ ಹೈಕೋರ್ಟ್ನಲ್ಲಿ ಭಕ್ತರ ಆಹಾರ ಸಂಸ್ಕೃತಿಗೆ ಅಡಚಣೆ ಆಗಬಾರದು. ಪ್ರಾಣಿ ಬಲಿ ನಿಷೇಧ ಕಾಯ್ದೆಯೂ ಉಲಂಘನೆ ಆಗಬಾರದೆಂಬ ಆದೇಶ ನೀಡಿದೆ. ಜಾತ್ರೆಯಲ್ಲಿ ಬಲಿ ಕೊಡುವ ಪದ್ಧತಿಯಿಲ್ಲ. ಇಲ್ಲಿ ಯಾವುದೇ ಬಲಿ ಪೀಠವೂ ಇಲ್ಲ. ಜಿಲ್ಲಾಡಳಿತ ಭಕ್ತರ ಧಾರ್ಮಿಕ ಆಚರಣೆ ಹಾಗೂ ಅವರ ಸೇವಾ ಕಾರ್ಯಗಳಿಗೆ ಅನುಕೂಲ ಮಾಡಿ ಕೊಡಬೇಕು. ಒಂದು ಜಾಗ ನಿಗದಿ ಮಾಡಿ ಅಡುಗೆ ಮಾಡಲು ಅವಕಾಶ ನೀಡಬೇಕು ಎಂದು ಮನವಿ ಮಾಡಿದರು.
ಉಪವಿಭಾಗಾಧಿಕಾರಿ ಬಿ.ಆರ್.ಮಹೇಶ್, ತಹಸೀಲ್ದಾರ್ ಮಂಜುಳಾ, ಇಒ ಶ್ರೀನಿವಾಸ್, ವೃತ್ತ ನಿರೀಕ್ಷಕ ಕೃಷ್ಣಪ್ಪ, ಪಿಡಿಒ ಶೋಭಾರಾಣಿ, ತಾಲೂಕು ಮಟ್ಟದ ವಿವಿಧ ಇಲಾಖೆ ಅಧಿಕಾರಿಗಳು ಹಾಗೂ ವಿವಿಧ ಸಂಘ, ಸಂಸ್ಥೆ ಗಳ ಮುಖಂಡರು ಇದ್ದರು.
