ನಗರದ ಜಿಲ್ಲಾ ಪತ್ರಕರ್ತರ ಭವನದಲ್ಲಿ ಕುತೂಹಲಿ-ಕನ್ನಡ, ಕಲಾ ಸುರುಚಿ ದಿ ಅಕಾಡೆಮಿಕ್ ಟ್ರಸ್ಟ್, ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಸಹಯೋಗದಲ್ಲಿ ಸೋಮವಾರ ಆಯೋಜಿಸಿದ್ದ ಸೈನ್ಸ್ ಸಂತೆ-ಮಂಗಗಳ ನಡವಳಿಕೆ ಹಾಗೂ ಸಂರಕ್ಷಣೆ ಕುರಿತ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಈ ಭಾಗದ ಕಾಡುಗಳು, ಅರೆಕಾಡುಗಳು ಹಾಗೂ ಮಾನವ ಸಂಪರ್ಕದಲ್ಲಿ ಮಂಗಗಳು ವಾಸಿಸುತ್ತವೆ. ಅದರಲ್ಲಿ ಬಾನೆಟ್ ಮಂಗಗಳು ಜನನಿಬಿಡ ಪ್ರದೇಶದಲ್ಲಿ ವಾಸಿಸಿದರೆ, ಸಿಂಗಳೀಕಗಳು ಕಾಡುಗಳಲ್ಲಿ ವಾಸ ಮಾಡುತ್ತವೆ. ಜಗತ್ತಿನಲ್ಲಿ 3,500 ಸಿಂಗಳೀಕಗಳು ಮಾತ್ರ ಇದ್ದು, ಅವುಗಳ ಸಂತತಿಯನ್ನು ಉಳಿಸುವ ನಿಟ್ಟಿನಲ್ಲಿ 1989ರಿಂದ ಇಲ್ಲಿಯವರೆಗೆ ಅನೇಕ ಅಧ್ಯಯನ ನಡೆಸಲಾಗಿದೆ. ಬಹುಮುಖ್ಯವಾಗಿ ನಾವು ಅವುಗಳ ನಡವಳಿಕೆಯನ್ನು ಅರ್ಥ ಮಾಡಿಕೊಂಡರೆ ಸಂರಕ್ಷಣೆ ಸಾಧ್ಯವಾಗುತ್ತದೆ ಎಂದು ತಿಳಿಸಿದರು.
