ಕೇಂದ್ರ ಸರ್ಕಾರಿ ನೌಕರರಿಗೆ ಶುಭ ಸುದ್ದಿ: ಶೇ. 28 ಕ್ಕೆ ಏರಿತು ಡಿಎ, ಡಿಆರ್​!

ನವದೆಹಲಿ : ಮುಂಬರುವ ಹಬ್ಬಗಳ ದಿನಗಳಿಗೆ ಕೇಂದ್ರ ಸರ್ಕಾರದ ಹಾಲಿ ಮತ್ತು ಮಾಜಿ ನೌಕರರಿಗೆ ಶುಭಸುದ್ದಿ ಬಂದಿದೆ. ಕೇಂದ್ರ ಸರ್ಕಾರಿ ನೌಕರರಿಗೆ ಮತ್ತು ಪಿಂಚಣಿದಾರರಿಗೆ ನೀಡುವ ಡಿಯರ್​ನೆಸ್​ ಅಲೋಯೆನ್ಸ್​(ಡಿಎ) ಮತ್ತು ಡಿಯರ್​ನೆಸ್​ ರಿಲೀಫ್​(ಡಿಆರ್​)ಗಳನ್ನು ಮೂಲ ವೇತನದ ಶೇ.17 ರಷ್ಟರಿಂದ ಶೇ.28 ಕ್ಕೆ ಏರಿಸುವ ನಿರ್ಧಾರವನ್ನು ಕೇಂದ್ರ ಸರ್ಕಾರ ಕೈಗೊಂಡಿದೆ.

ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಕೋವಿಡ್ -19 ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ಕಳೆದ ವರ್ಷ ಡಿಎ ಮತ್ತು ಡಿಆರ್​ - ಎರಡನ್ನೂ ತಡೆಹಿಡಿಯಲಾಗಿತ್ತು. ಏರುತ್ತಿರುವ ಜೀವನವೆಚ್ಚವನ್ನು ಸರಿದೂಗಿಸಲು ನೀಡಲಾಗುವ ಈ ಭತ್ಯೆಗಳನ್ನು ಇದೀಗ, ಜುಲೈ 1 ರಿಂದ ಜಾರಿಗೆ ಬರುವಂತೆ, ಸರ್ಕಾರವು ಹೆಚ್ಚಿಸಿ ನೀಡುತ್ತಿದೆ.

ಇದನ್ನೂ ಓದಿ: ಇಂಗ್ಲೆಂಡ್​ ಆಟಗಾರನ ತಂದೆಯ ಬೆನ್ನುಮೂಳೆ ಮುರಿದ ಅಭಿಮಾನಿಗಳ ದಂಡು!

ಇಂದು ನಡೆದ ಕೇಂದ್ರ ಸಂಪುಟ ಸಭೆಯ ಈ ನಿರ್ಧಾರದಿಂದಾಗಿ ಸರ್ಕಾರವು, ಸುಮಾರು 34,400 ಕೋಟಿ ರೂ.ಗಳ ಹೆಚ್ಚುವರಿ ವೆಚ್ಚ ಭರಿಸಬೇಕಾಗುವುದು. ಹಾಗೂ ಈ ಆದೇಶದ ಫಲವನ್ನು ಸುಮಾರು 48,34,000 ಕೇಂದ್ರ ಸರ್ಕಾರಿ ನೌಕರರು ಮತ್ತು 65,26,000 ಪಿಂಚಣಿದಾರರು ಅನುಭವಿಸಲಿದ್ದಾರೆ ಎಂದು ಕ್ರೀಡಾ ಮತ್ತು ಯುವ ವ್ಯವಹಾರಗಳ ಸಚಿವ ಮತ್ತು ಮಾಹಿತಿ ಮತ್ತು ಪ್ರಸಾರ ಸಚಿವರಾಗಿರುವ ಅನುರಾಗ್ ಠಾಕೂರ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ. (ಏಜೆನ್ಸೀಸ್)

http://vijayavani.net/monthly-60-lakh-doses-of-corona-vaccine-administered-in-state/

https://www.vijayavani.net/3rd-wave-imminent-dont-become-complacent-ima-warns/

https://www.vijayavani.net/grand-rath-yatra-for-lord-sri-jagannatha-in-puri/