ಭಯೋತ್ಪಾದನೆ ಗುಂಪುಗಳಿಗೆ ಹಣಕಾಸು ನೆರವು ಒದಗಿಸುವ ಜತೆಯಲ್ಲೇ ಅಕ್ರಮವಾಗಿ ಮಾದಕವಸ್ತು ಕಳ್ಳಸಾಗಣೆ ಮಾಡುವುದು, ಅಕ್ರಮ ಹಣ ವರ್ಗಾವಣೆ, ವ್ಯಾಪಾರ ವಂಚನೆ ಮತ್ತು ತೆರಿಗೆ ಅಪರಾಧಗಳು ಕೆನಡಾಗೆ ಬೆದರಿಕೆಯಾಗಿವೆ. ಇವುಗಳಿಂದ ಹಲವು ಶತಕೋಟಿ ಡಾಲರ್ ಹಣ ಅಕ್ರಮ ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವವರಿಗೆ ದೊರೆಯುತ್ತೆ ಎಂದು ವರದಿ ತಿಳಿಸಿದೆ. ಈ ವರದಿಗೆ ಪುಷ್ಠಿ ಕೊಡುವಂತೆ ಕೆಲವು ತಿಂಗಳ ಹಿಂದೆ ಪೀಲ್ನ ಪ್ರಾದೇಶಿಕ ಪೊಲೀಸರು ಡ್ರಗ್ಸ್ ಕಳ್ಳಸಾಗಣೆ ಮಾಡುತ್ತಿದ್ದ 7 ಭಾರತೀಯರು ಸೇರಿ 9 ಜನರನ್ನು ಬಂಧಿಸಿ ಅವರಿಂದ 479 ಕೆ.ಜಿ. ತೂಕದ ಕೊಕೇನ್ ವಶಪಡಿಸಿಕೊಂಡಿದ್ದರು. ತನಿಖೆ ವೇಳೆ ಮೆಕ್ಸಿಕೋದ ಡ್ರಗ್ಸ್ ಡೀಲರ್ಗಳಿಂದ ಅಮೆರಿಕ ಮಾರ್ಗವಾಗಿ ಕೆನಡಾಗೆ ಟ್ರಕ್ ಮೂಲಕ ಡ್ರಗ್ಸ್ ತರಲಾಗುತ್ತಿತ್ತು. ಈ ಜಾಲದಲ್ಲಿ ಖಲಿಸ್ತಾನಿ ಬೆಂಬಲಿಗರ ಕೈವಾಡ ಇರುವ ಕುರಿತು ಶಂಕೆ ವ್ಯಕ್ತವಾಗಿದೆ ಎಂದು ಪೊಲೀಸರು ತಿಳಿಸಿದ್ದರು.
