ಕೋಲಾರದಲ್ಲಿ ಸಿಎಂಆರ್ ಶ್ರೀನಾಥ್, ಮಾಲೂರಿನಲ್ಲಿ ಜಿ.ಇ.ರಾಮೇಗೌಡ, ಬಂಗಾರಪೇಟೆಯಲ್ಲಿ ಎಂ.ಮಲ್ಲೇಶ್ ಬಾಬು, ಮುಳಬಾಗಿಲಿನಲ್ಲಿ ಸಮೃದ್ಧಿ ಮಂಜುನಾಥ್ ಮತ್ತು ಕೆಜಿಎಫ್ನಲ್ಲಿ ರಮೇಶ್ ಬಾಬು ಮತ್ತು ಶ್ರೀನಿವಾಸಪುರದಲ್ಲಿ ಜಿ.ಕೆ.ವೆಂಕಟಶಿವಾರೆಡ್ಡಿಗೆ ಟಿಕೆಟ್ ಘೋಷಿಸಲಾಗಿದೆ. ಮುಳಬಾಗಿಲಿನಲ್ಲಿ ಪಕ್ಷದಲ್ಲಿ ಸ್ವಲ್ಪ ಮಟ್ಟಿಗೆ ಭಿನ್ನಾಭಿಪ್ರಾಯವಿದ್ದು, ಕೋಲಾರದಲ್ಲಿ ಟಿಕೆಟ್ಗಾಗಿ ಸ್ಪರ್ಧೆ ಏರ್ಪಟ್ಟಿತ್ತಾದರೂ ಅದನ್ನೆಲ್ಲ ಸರಿಪಡಿಸಿಯೇ ಟಿಕೆಟ್ ಘೋಷಿಸಲಾಗಿದೆ. ಪಂಚರತ್ನ ಯಾತ್ರೆಯ ಹುರುಪಿನಲ್ಲಿ ಅಭ್ಯರ್ಥಿಗಳು ಪಕ್ಷ ಸೇರ್ಪಡೆ, ಪ್ರಚಾರ ಸಭೆಗಳನ್ನು ಆಯೋಜಿಸುತ್ತಿದ್ದಾರೆ. ಕಾಂಗ್ರೆಸ್ ಮತ್ತು ಬಿಜೆಪಿಗೆ ಹೋಲಿಸಿದರೆ ಜೆಡಿಎಸ್ ಸದ್ಯಕ್ಕೆ ಎಲ್ಲ ಕ್ಷೇತ್ರಗಳಲ್ಲಿ ಪ್ರಚಾರ, ಸಂಘಟನೆಯಲ್ಲಿ ಮುಂದಿದೆ.
