ಕ್ಯಾಮರಾ ನೋಡಿ ಓಡೋಡಿ ಹೋದ ಸಿಬ್ಬಂದಿ

ರಾಣೆಬೆನ್ನೂರ: ಸಾಲ ಕಂತು ತುಂಬಬೇಕು ಎಂದು ಸಾಲಗಾರರಿಗೆ ಕಿರುಕುಳ ನೀಡುತ್ತಿದ್ದ ಮೈಕ್ರೋ ೈನಾನ್ಸ್​ ಸಿಬ್ಬಂದಿ ಮಾಧ್ಯಮದವರು ಸ್ಥಳಕ್ಕೆ ಬರುತ್ತಿದ್ದಂತೆ ಮುಖ ಮುಚ್ಚಿಕೊಂಡು ಕಳ್ಳರಂತೆ ಓಡೋಡಿ ಹೋದ ಟನೆ ಇಲ್ಲಿಯ ಸಿದ್ದೇಶ್ವರ ನಗರದ ಗುರುವಾರ ನಡೆಯಿತು.

ಸಿದ್ದೇಶ್ವರ ನಗರದಲ್ಲಿ ನ್ಯೂ ಅಂಬಿಕಾ ಸಾವಜಿ ಹೋಟೆಲ್​ ಮಾಲೀಕ ಸೂರಜ್​ ಎಂಬುವರು ಮೈಕ್ರೋ ೈನಾನ್ಸ್​ನಿಂದ 2.50 ಲಕ್ಷ ರೂ. ಸಾಲ ಪಡೆದುಕೊಂಡಿದ್ದರು. ಪ್ರತಿ ತಿಂಗಳು ಸಾಲದ ಕಂತು ಕಟ್ಟಿದ್ದಾರೆ. ಈ ತಿಂಗಳು ನಮ್ಮ ಅಜ್ಜಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಮುಂದಿನ ಸಲ ಸಾಲದ ಕಂತು ತುಂಬುತ್ತೇವೆ ಎಂದು ಹೇಳಿದ್ದಾರೆ.

ಇದಕ್ಕೆ ಒಪ್ಪದ ಮೈಕ್ರೋ ೈನಾನ್ಸ್​ ಸಿಬ್ಬಂದಿ ಬೆಳಗ್ಗೆಯಿಂದಲೇ ಮನೆ ಬಾಗಿಲಿಗೆ ಹಾಗೂ ಹೋಟೆಲ್​ನಲ್ಲಿ ನಿಂತು ಸಾಲದ ಕಂತು ತುಂಬುವಂತೆ ಪೀಡಿಸುತ್ತಿದ್ದರು. ಈ ಕುರಿತು ಸೂರಜ್​ ಮಾಧ್ಯಮದವರಿಗೆ ಮಾಹಿತಿ ನೀಡಿದಾಗ ಮಾಧ್ಯಮದವರು ಸ್ಥಳಕ್ಕೆ ಬಂದು ಕ್ಯಾಮರಾ ಹಿಡಿಯುತ್ತಿದ್ದಂತೆ ಮೈಕ್ರೋ ೈನಾನ್ಸ್​ ಸಿಬ್ಬಂದಿ ಮುಖ ಮುಚ್ಚಿಕೊಂಡು ಕಳ್ಳರಂತೆ ಓಡೋಡಿ ಹೋದವರು.

ನಿಜವಾಗಿಯೂ ಇವರು ಸಾಲ ವಸೂಲಿ ಮಾಡುವ ೈನಾನ್ಸ್​ನವರು ಆಗಿದ್ದರೆ, ಕ್ಯಾಮರಾ ನೋಡಿದ ಕೂಡಲೇ ಏಕೆ ಓಡಿದರು. ನಿಂತು ಕೊಂಡು ಸಮಸ್ಯೆ ಹೇಳಬೇಕಿತ್ತು ಎಂದು ಸಾಲ ಪಡೆದ ಸೂರಜ್​ ಕುಟುಂಬದವರು ಮೈಕ್ರೋ ೈನಾನ್ಸ್​ನವರ ಬೆನ್ನು ಹತ್ತಿದರು. ಅಷ್ಟರಲ್ಲಿ ಮೈಕ್ರೋ ೈನಾನ್ಸ್​ ಸಿಬ್ಬಂದಿ ಸಿದ್ದೇಶ್ವರ ನಗರದಿಂದ ಕಾಲ್ಕಿತ್ತು ಹೋಗಿದ್ದರು.

ಕಣ್ಣೀರು ಹಾಕಿದ ಕುಟುಂಬ...

ಮೈಕ್ರೋ ೈನಾನ್ಸ್​ನವರ ಕಿರುಕುಳ ತಾಳಲಾರದೆ ಹಾಗೂ ಅವರು ಆಡುವ ಮಾತುಗಳನ್ನು ಕೇಳಿದ ಸೂರಜ್​ ಕುಟುಂಬದವರು ಮಾಧ್ಯಮದವರ ಎದುರು ಕಣ್ಣೀರು ಹಾಕಿದರು. ಸಾಲದ ಕಂತು ತುಂಬುವುದು ಒಂದು ದಿನ ತಡವಾದರೂ ಇದೇ ರೀತಿ ತೊಂದರೆ ಕೊಡುತ್ತಾರೆ. ಇವರಿಂದ ಹಿಂಸೆಯಿಂದ ಅಕ್ಕಪಕ್ಕದವರಿಗೆ ಮುಖ ತೋರಿಸಲು ಆಗದ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಅಳಲು ತೋಡಿಕೊಂಡರು.