ಸೇತುವೆಗೆ ಬಿದ್ದ ಬಸ್; 8 ಪ್ರಯಾಣಿಕರು ಬಲಿ; 16 ಜನರಿಗೆ ಗಂಭೀರ ಗಾಯ

ಪಂಜಾಬ್​​: ಇಲ್ಲಿನ ಬಟಿಂಡಾದಲ್ಲಿ ಬಸ್​ವೊಂದು ಸೇತುವೆಗೆ ಬಿದ್ದ ಪರಿಣಾಮ​ ಬಸ್​ನಲ್ಲಿದ್ದ ಪ್ರಯಾಣಿಕರಲ್ಲಿ 8 ಜನರು ಶುಕ್ರವಾರ ಬಲಿಯಾಗಿದ್ದಾರೆ.

ಐವರು ಸ್ಥಳದಲ್ಲಿಯೇ ಅಸುನಿಗಿದ್ದು, ಮೂವರು ಗಂಭೀರ ಗಾಯದಿಂದ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಘಟನೆಯಲ್ಲಿ 18 ಜನರು ಗಾಯಗೊಂಡಿದ್ದಾರೆ. ಎಲ್ಲರನ್ನೂ ಹತ್ತಿರದ ಶಹಿದ್​ ಬಾಯಿ ಮಣಿಸಿಂಗ್​ ಅಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು ಸ್ಥಳೀಯ ಶಾಸಕ ಜಗ್ರೂಪ್​ ಸಿಂಗ್​ ಗಿಲ್​​ ಅವರು ಆಸ್ಪತ್ರೆಗೆ ಭೇಟಿ ನೀಡಿ ಘಟನೆಯ ಮತ್ತು ಗಾಯಳುಗಳ ಮಾಹಿತಿ ಪಡೆದುಕೊಂಡಿದ್ದಾರೆ ಎಂದು ಸಿವಿಲ್​ ಸರ್ಜನ್​ ಡಾ.ರಮಣದೀಪ್​ ಸಿಂಗ್ಲಾ ಹೇಳಿದರು.

ಇದನ್ನೂ ಓದಿ: ದೌರ್ಜನ್ಯ ನಡೆಸಿದರೂ ಆರೋಪಿಗಳ ಬಂಧನವಿಲ್ಲ: ರಾಜ್ಯಾಧ್ಯಕ್ಷ ಎಂ.ಸಿ.ಶಿವರಾಜು ಅರೋಪ

ಬಟಿಂಡಾದ ಜಿವಾನ್​ ಸಿಂಗ್​ ಗ್ರಾಮದ ಬಳಿ ಇರುವ ಸೇತುವೆಯ ತಡೆಗೋಡೆಗೆ ಡಿಕ್ಕಿ ಹೊಡೆದ ಪರಿಣಾಮ ಸೇತುವೆಗೆ ಬಿದ್ದಿರುವ ಘಟನೆ ನಡೆದಿದೆ. ಅಲ್ಲದೆ, ಈ ಘಟನೆ ವೇಳೆ ಭಾರಿ ಪ್ರಮಾಣದಲ್ಲಿ ಮಳೆಯಾಗುತ್ತಿತ್ತು ಎಂದು ಸ್ಥಳೀಯರು ಹೇಳಿದ್ದಾರೆ. ಘಟನೆ ಸ್ಥಳದಲ್ಲಿ ಎನ್​ಡಿಆರ್​ಎಫ್​ ತಂಡ ಮತ್ತು ಪೊಲೀಸರು ಸ್ಥಳೀಯರ ನೆರವಿನೊಂದಿಗೆ ಕಾರ್ಯಚರಣೆ ನಡೆಯುತ್ತಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ: ಜಾಗ ತೆರವುಗೊಳಿಸಲು ನೋಟಿಸ್ : ಬೆಂಕಿ ಅವಘಡದಿಂದ ತೊಂದರೆಗೀಡಾಗಿರುವ ವ್ಯಾಪಾರಿಗಳಿಗೆ ಸರ್ಕಾರ ಆಘಾತ

ಇನ್ನು ಮೃತ ದೇಹಗಳು ಪತ್ತೆಯಾದರೂ ಜಿಲ್ಲಾಧಿಕಾರಿಗಳು ಅವರ ಹೆಸರು ಮತ್ತು ವಿಳಾಸ ಧೃಢಪಡಿಸಬೇಕಾಗಿದೆ. ಅಪಘಾತದ ಕಾರಣವನ್ನು ತಿಳಿಯಲು ಹೆಚ್ಚಿನ ತನಿಖೆ ನಡೆಸಲಾಗುತ್ತದೆ ಎಂದು ಪೊಲೀಸ್​ ಅಧಿಕಾರಿಗಳು ತಿಳಿಸಿದ್ದಾರೆ,(ಏಜೆನ್ಸೀಸ್​).

https://www.vijayavani.net/fact-check-does-eating-fish-during-pregnancy-make-the-baby-smart