ಷೇರು ಪೇಟೆಯಲ್ಲಿ ಗೂಳಿಯ ಆರ್ಭಟ: ಒಂದೇ ದಿನದಲ್ಲಿ 848 ಷೇರುಗಳು ಲೋವರ್ ಸರ್ಕ್ಯೂಟ್‌ ಹಿಟ್​

ಮುಂಬೈ: ಲೋಕಸಭೆ ಚುನಾವಣೆ ಫಲಿತಾಂಶವು ಷೇರುಪೇಟೆಯಲ್ಲಿ ನಿರಾಸೆ ಮೂಡಿಸಿದೆ. ಈ ಕಾರಣಕ್ಕಾಗಿ, ಮಂಗಳವಾರ, ಜೂನ್ 4 ರಂದು, ಭಾರತೀಯ ಮಾರುಕಟ್ಟೆ ಸೂಚ್ಯಂಕಗಳು ದಾಖಲೆ ಪ್ರಮಾಣದಲ್ಲಿ ಕುಸಿತ ಕಂಡವು.

30-ಷೇರುಗಳ ಬಿಎಸ್‌ಇ ಸೂಚ್ಯಂಕವು ಮಧ್ಯಾಹ್ನದ ವಹಿವಾಟಿನಲ್ಲಿ 6,234.35 ಅಂಕಗಳು ಅಥವಾ ಶೇಕಡಾ 8.15 ರಷ್ಟು ಕುಸಿದು 70,234.43 ಕ್ಕೆ ತಲುಪಿದೆ. ಎನ್ಎಸ್ಇ ನಿಫ್ಟಿ 1,982.45 ಅಂಕಗಳು ಅಥವಾ 8.52 ರಷ್ಟು ಕುಸಿದು 21,281.45 ಕ್ಕೆ ತಲುಪಿದೆ. ಈ ಭಾರಿ ಕುಸಿತದ ಸಮಯದಲ್ಲಿ, ಕನಿಷ್ಠ 848 ಷೇರುಗಳು ಲೋವರ್ ಸರ್ಕ್ಯೂಟ್​ ಹಿಟ್​ ಆದವು.

ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ ಲಿಮಿಟೆಡ್​ (ಬಿಎಚ್‌ಇಎಲ್), ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್​ (ಬಿಇಎಲ್), ಅದಾನಿ ಪೋರ್ಟ್ಸ್ ಆ್ಯಂಡ್​ ಸ್ಪೇಷಲ್​ ಎಕನಾಮಿಕ್​ ಜೋನ್​, ಆರ್‌ಇಸಿ, ಪವರ್ ಫೈನಾನ್ಸ್ ಕಾರ್ಪೊರೇಷನ್ (ಪಿಎಫ್‌ಸಿ) ಷೇರುಗಳು ಲೋವರ್​ ಸರ್ಕ್ಯೂಟ್ ಹಿಟ್​ ಆದವು.

ಇಂಡಿಯನ್ ಬ್ಯಾಂಕ್, ಕೇನ್ಸ್ ಟೆಕ್ನಾಲಜಿ ಇಂಡಿಯಾ, ಕೆಪಾಸಿಟ್ ಇನ್ಫ್ರಾಪ್ರಾಜೆಕ್ಟ್ಸ್, ಡಿಬಿ ರಿಯಾಲ್ಟಿ ಮತ್ತು ವೈಭವ್ ಗ್ಲೋಬಲ್ ಸೇರಿದಂತೆ ಒಟ್ಟು ಒಂಬತ್ತು ಷೇರುಗಳ ಬೆಲೆ ಬಿಎಸ್‌ಇಯಲ್ಲಿ ಶೇ. 20ರಷ್ಟು ಕುಸಿದು ಲೋವರ್​ ಸರ್ಕ್ಯೂಟ್​ ಹಿಟ್​ ಆದವು.

78 ಷೇರುಗಳ ಬೆಲೆಯಲ್ಲಿ 10 ಪ್ರತಿಶತ ಕುಸಿತವಾಗಿ, ಲೋವರ್ ಸರ್ಕ್ಯೂಟ್ ಹಿಟ್ ಆದವು. ಇವುಗಳಲ್ಲಿ ಹಿಂದೂಸ್ತಾನ್ ಜಿಂಕ್, ಭಾರತ್ ಬಿಜ್ಲಿ, ಭಾರತ್ ಡೈನಾಮಿಕ್ಸ್, ಕೊಚ್ಚಿನ್ ಶಿಪ್‌ಯಾರ್ಡ್, ದೀದೇವ್ ಪ್ಲಾಸ್ಟಿಕ್ ಇಂಡಸ್ಟ್ರೀಸ್, ಐನಾಕ್ಸ್ ವಿಂಡ್, ಗಾರ್ಡನ್ ರೀಚ್ ಶಿಪ್ ಬಿಲ್ಡರ್ಸ್ & ಇಂಜಿನಿಯರ್ಸ್, ಪ್ರವೇಗ್, ಎಲೆಕಾನ್ ಇಂಜಿನಿಯರಿಂಗ್ ಕಂಪನಿ, SML ISUZU, NBCC (ಭಾರತ), ಕೀಸ್ಟೋನ್ ರಿಯಾಲ್ಟರ್ಸ್, IFCI ಮತ್ತು ಪ್ರಾಪರ್ಟೀಸ್ ಸೇರಿವೆ.

ಲೋವರ್​ ಸರ್ಕ್ಯೂಟ್ ಎಂದರೇನು?:

ಲೋವರ್​ ಸರ್ಕ್ಯೂಟ್ ಎನ್ನುವುದು ಒಂದು ಸ್ಟಾಕ್ ಬೆಲೆಯಲ್ಲಿ ತೀಕ್ಷ್ಣವಾದ ಕುಸಿತ ಅಥವಾ ತೀವ್ರ ಏರಿಕೆಯನ್ನು ತಡೆಯುವ ಒಂದು ಅಳತೆಯಾಗಿದೆ. ಇದು ಒಂದು ದಿನದಲ್ಲಿ ಯಾವುದಾದರೊಂದು ಷೇರಿನ ಬೆಲೆಯಲ್ಲಿ ನಿಗದಿಪಡಿಸಿದ ಗರಿಷ್ಠ ಕುಸಿತವಾಗಿರುತ್ತದೆ. ಈ ನಿಗದಿತ ಬೆಲೆಗಿಂತಲೂ ಕಡಿಮೆ ಬೆಲೆಯಲ್ಲಿ ಷೇರಿನ ಮಾರಾಟ ನಡೆಯುವುದಿಲ್ಲ.

https://www.vijayavani.net/lower-circuit-hit-railway-share-prices-derailed

https://www.vijayavani.net/10-fall-in-ntpc-coal-india-shares-a-good-buying-opportunity-for-investors-experts-say

https://www.vijayavani.net/impact-of-election-results-adani-groups-share-price-plummets