ವಿಡಿಯೋಗಾಗಿ ಒಳ ಉಡುಪು ಕಳಚಿ ಎಸೆದ‌‌ ಮಹಿಳೆ: ವೈರಲ್​ ಆಗುತ್ತಿದ್ದಂತೆ ತರಾಟೆ ತೆಗೆದುಕೊಂಡ ನೆಟ್ಟಿಗರು

ಮ್ಯಾಡ್ರಿಡ್: ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಹೆಚ್ಚು ಚಂದದಾರರನ್ನು ಪಡೆಯಲು ಹಾಗೂ ಶೇರ್ ಮಾಡುವ ವಿಡಿಯೋ ಅತಿ ಹೆಚ್ಚು ವೈರಲ್​ ಆಗಲೆಂದು ಜನರ ಏನೆಲ್ಲಾ ಮಾಡುತ್ತಾರೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ. ಪ್ರಸ್ತುತ ಸಾಮಾಜಿಕ ಜಾಲತಾಣಲ್ಲಿ ವೈರಲ್​ ಆಗಿರುವ ಈ ಒಂದು ವಿಡಿಯೋ ನೆಟ್ಟಿಗರನ್ನು ಕೆರಳುವಂತೆ ಮಾಡಿದೆ.

ಇದನ್ನು ಓದಿ: ರೈಲಿನಲ್ಲಿ ನೀಡಿದ ದಾಲ್​ನಲ್ಲಿ ಜೀವಂತ ಜಿರಳೆ ಪತ್ತೆ; ಪ್ರಯಾಣಿಕರ ಗಲಾಟೆ.. ಅಧಿಕಾರಿಗಳ ರಿಯಾಕ್ಷನ್​ ಹೀಗಿತ್ತು..

ವಿಡಿಯೋ ಆರಂಭದಲ್ಲಿ ಬ್ರಿಟಿಷ್​ ಮಹಿಳೆ ಕ್ಲೋಯ್​ ಲೋಪೆಜ್​​ ಸೂಪರ್​ಮಾರ್ಕೆಟ್​ನಲ್ಲಿ ಬ್ರೆಡ್​​ಗಳು ಇರುವ ಜಾಗದಲ್ಲಿ ನಿಂತಿದ್ದಾಳೆ. ಬಳಿಕ ಆಕೆ ತನ್ನ ಒಳಉಡುಪನ್ನು ತೆಗೆದು ಬ್ರೆಡ್​​ ಇಟ್ಟಿರುವ ಟ್ರೇನಲ್ಲಿ ಹಾಕುತ್ತಾಳೆ. ಬಳಿಕ ಕ್ಯಾಮೆರಾ ನೋಡಿ ನಗುತ್ತಾ ಟ್ರಾಲಿಯನ್ನು ಹಿಡಿದು ಮುಂದಕ್ಕೆ ಸಾಗುವುದನ್ನು ಕಾಣಬಹುದಾಗಿದೆ. ಈ ಘಟನೆಯು ಮರ್ಕಡೋನಾ ಸೂಪರ್​​ ಮಾರ್ಕೆಟ್​ನಲ್ಲಿ ನಡೆದಿದೆ ಎಂದು ಸ್ಪ್ಯಾನಿಷ್ ಸುದ್ದಿವಾಹಿನಿಯಾದ ಲಾ ರಝೋನ್​​ನಲ್ಲಿ ವರದಿಯಾಗಿದೆ.

ಕ್ಲೋಯರ್ ಲೋಪೆಚ್​ ಪೋಸ್ಟ್​ ಮಾಡಿರುವ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆ ಸಾಮಾಜಿಕ ಜಾಲತಾಣ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಬೇರೆಯವರ ಆರೋಗ್ಯವನ್ನು ಅಪಾಯಕ್ಕೆ ತಳ್ಳುವ ಈ ಅಸಹ್ಯಕರ ಕೆಲಸ ಮಾಡುವುದನ್ನು ನಿಲ್ಲಿಸಬೇಕು, ನಿಮಗೆ ಸ್ವಾಭಿಮಾನ ಇಲ್ಲವೆ, ನೀವು ಶೀಘ್ರ ಜೈಲಿಗೆ ಹೋಗುತ್ತೀರಿ, ಇದು ಅಸಹ್ಯಕರ ಹಾಗೂ ಅಪಾಯಕಾರಿಯಾಗಿದೆ. ಗಂಭೀರ ಕಾಯಿಲೆಗೆ ಕಾರಣವಾಗಬಹುದು, ಈ ಬೇಜವಾಬ್ದಾರಿ ನಡವಳಿಕೆಯ ಮತ್ತೊಬ್ಬರ ಆರೋಗ್ಯ ಮತ್ತು ಸುರಕ್ಷರೆಯ ನಿರ್ಲಕ್ಷ್ಯವನ್ನು ತೋರಿಸುತ್ತದೆ ಎಂದು ನೆಟ್ಟಿಗರು ಕಾಮೆಂಟ್​​ ಮಾಡುತ್ತಿದ್ದಾರೆ.

ಅಂದ್ಹಾಗೆ ಲೋಪೆಚ್​​ ಈ ರೀತಿಯ ವಿಡಿಯೋ ಮಾಡುತ್ತಿರುವುದು ಇದೆ ಮೊದಲೆನಲ್ಲ. ಆಕೆಯ ಇನ್‌ಸ್ಟಾಗ್ರಾಮ್‌ ನೋಡಿದರೆ ಇನ್ನೊಂದು ವಿಡಿಯೋದಲ್ಲಿ ತನ್ನ ಒಳಉಡುಪನ್ನು ತೆಗೆದು ಹಾಲಿನ ಪೆಟ್ಟಿಗೆ ಮೇಲೆ ಇಡುವುದನ್ನು ತೋರಿಸುತ್ತದೆ. ಈ ವಿಡಿಯೋ 2 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಯನ್ನು ಪಡೆದುಕೊಂಡಿದೆ. ಜನರು ತಮ್ಮ ಪ್ರತಿಕ್ರಿಯೆಯನ್ನು ಕಾಮೆಂಟ್​ ಮಾಡಿದ್ದಾರೆ.(ಏಜೆನ್ಸೀಸ್​​)