ಚಿಕ್ಕಪ್ಪಂದಿರಿಂದ ವಧುವಿಗೆ ಭರ್ಜರಿ ಗಿಫ್ಟ್​: ಟ್ರ್ಯಾಕ್ಟರ್​ ಸೇರಿ 3 ಕೋಟಿ ರೂ.ಗೂ ಅಧಿಕ ಮೌಲ್ಯದ ಉಡುಗೊರೆ

ನವದೆಹಲಿ: ಸಹೋದರಿಯ ಮಗಳ ಮದುವೆಗೆ ಮೂವರು ಚಿಕ್ಕಪ್ಪಂದಿರು 3 ಕೋಟಿ ರೂಪಾಯಿಗೂ ಅಧಿಕ ಮೌಲ್ಯದ ದುಬಾರಿ ಉಡುಗೊರೆ ನೀಡಿದ ಅಪರೂಪದ ಘಟನೆ ರಾಜಸ್ಥಾನದ ನಾಗೌರ್​ ಜಿಲ್ಲೆಯಲ್ಲಿ ನಡೆದಿದೆ.

ತಾಯಿ ಕಡೆಯ ಅಜ್ಜ ಮತ್ತು ಚಿಕ್ಕಪ್ಪಂದಿರು 80 ಲಕ್ಷ ರೂ. ನಗದು, ಆಭರಣ, ಪ್ಲಾಟ್​ ಪೇಪರ್ಸ್​, ಟ್ರ್ಯಾಕ್ಟರ್​ನೊಂದಿಗೆ ಮಮೆರಾ ಅಥವಾ ಮಯರಾ (ವಧು ಅಥವಾ ವರನ ತಾಯಿ ಕಡೆಯ ಚಿಕ್ಕಪ್ಪ ಮದುವೆಯಲ್ಲಿ ತನ್ನ ಮಗಳು ಅಥವಾ ಸೋದರಳಿಯನಿಗೆ ಉಡುಗೊರೆಗಳನ್ನು ಒಯ್ಯುವ ಸಾಂಪ್ರದಾಯಿಕ ಆಚರಣೆ) ಗೆ ತೆರಳಿದರು ಅವರನ್ನು ನೋಡಿ ಎಲ್ಲರಿಗೂ ಅಚ್ಚರಿಯಾಯಿತು.

ಇದನ್ನೂ ಓದಿ: ಬೆಳ್ಳಂಬೆಳಗ್ಗೆ ಜವರಾಯನ ಅಟ್ಟಹಾಸ: 25 ಅಡಿ ಆಳಕ್ಕೆ ಬಿದ್ದ ಕಾರು, ಸ್ಥಳದಲ್ಲೇ ದಂಪತಿ ದುರಂತ ಅಂತ್ಯ

ಘೇವರಿ ದೇವಿ ಮತ್ತು ಭನ್ವರ್‌ಲಾಲ್ ಪೊಟಾಲಿಯಾ ಅವರ ಪುತ್ರಿ ಅನುಷ್ಕಾ ಬುಧವಾರ ವಿವಾಹವಾದರು. ಈ ಸಂದರ್ಭದಲ್ಲಿ ಬುರ್ಡಿ ಗ್ರಾಮದ ನಿವಾಸಿ ವಧುವಿನ ತಾಯಿಯ ಅಜ್ಜ ಭನ್ವರ್‌ಲಾಲ್ ಗರ್ವಾ ಮತ್ತು ಅವರ ಮೂವರು ಮಕ್ಕಳಾದ ಹರೇಂದ್ರ, ರಾಮೇಶ್ವರ ಮತ್ತು ರಾಜೇಂದ್ರ ಅವರು ಉಡುಗೊರೆಗಳನ್ನು ನೀಡಿದರು.

ಘೇವರಿ ದೇವಿ ಮತ್ತು ಅವರ ಕುಟುಂಬ ಸಂತೋಷದಿಂದ ತುಂಬಿತ್ತು. ಘೇವರಿ ಕುಟುಂಬದಲ್ಲಿ ವಧು ಒಬ್ಬಳೇ ಮಗಳಾಗಿದ್ದು, ಆಕೆಯ ಅದೃಷ್ಟದಿಂದಾಗಿ ಅವರ ಮೂವರು ಪುತ್ರರು ಇಷ್ಟೊಂದು ಸಂಪತ್ತನ್ನು ಪಡೆದಿದ್ದಾರೆ ಎಂದು ಭನ್ವರ್‌ಲಾಲ್ ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/madanapalli-based-married-couple-dies-due-to-deadly-car-accident-in-kolar/

https://www.vijayavani.net/driverless-metro-service-soon-in-chennai-metro-which-install-signal-system/

https://www.vijayavani.net/young-woman-lodges-complaint-against-her-husband-who-escapes-after-marriage/