ನಯನತಾರ, ತ್ರಿಷಾ, ವಿಜಯ್​​ ಬೆನ್ನಲ್ಲೇ ಇಳಯರಾಜ! ಕಾಲಿವುಡ್​ಗೆ ಏನಿದು 'ಬಾಂಬ್​' ಕಂಟಕ? | Bomb Threat

ತಮಿಳುನಾಡು: ಇತ್ತೀಚೆಗಷ್ಟೇ ತಮಿಳು ಚಿತ್ರರಂಗದ ಸ್ಟಾರ್​ಗಳಾದ ವಿಜಯ್, ತ್ರಿಶಾ, ನಯನತಾರ ಸೇರಿದಂತೆ ಕೆಲವರಿಗೆ ಬಾಂಬ್​ ಬೆದರಿಕೆಗಳು ( Bomb Threat ) ಕೇಳಿಬಂದಿತ್ತು. ಈ ವಿಚಾರ ಸೆಲೆಬ್ರಿಟಿಗಳಲ್ಲಿ ಆತಂಕ ಸೃಷ್ಟಿ ಮಾಡಿದ್ದು, ಶಾಲೆ ಮತ್ತು ದೊಡ್ಡ ಸಂಸ್ಥೆಗಳಿಗೂ ಬೆದರಿಕೆ ಕರೆಗಳು ಕೇಳಿಬಂದಿರುವುದಾಗಿ ವರದಿಗಳು ಉಲ್ಲೇಖಿಸಿವೆ. ಈ ಮಧ್ಯೆ, ಖ್ಯಾತ ಹಿರಿಯ ಮ್ಯೂಸಿಕ್ ಕಂಪೋಸರ್​ ಇಳಯರಾಜ ಅವರಿಗೂ ಬಾಂಬ್ ಬೆದರಿಕೆ ಹಾಕಲಾಗಿದೆ.

ವರದಿಗಳ ಪ್ರಕಾರ, ಇಳಯರಾಜ ಅವರ ಸ್ಟುಡಿಯೋಗೆ ಬಾಂಬ್ ಬೆದರಿಕೆ ಬಂದಿದ್ದು, ಕಿಡಿಗೇಡಿಗಳು ಇ-ಮೇಲ್​ ಮುಖಾಂತರ ಕಳುಹಿಸಿದ್ದಾರೆ ಎನ್ನಲಾಗಿದೆ. ಡಿಜಿಪಿ ಕಚೇರಿ ಮತ್ತು ಇಳಯರಾಜ ಅವರ ಸ್ಟುಡಿಯೋ ಆವರಣದಲ್ಲಿ ಸ್ಫೋಟಕವನ್ನು ಇರಿಸಲಾಗಿದೆ ಎಂದು ಇಮೇಲ್​ನಲ್ಲಿ ತಿಳಿಸಲಾಗಿದೆ. ತಕ್ಷಣವೇ ಬಾಂಬ್ ಪತ್ತೆ ಮತ್ತು ನಿಷ್ಕ್ರೀಯ ದಳ ಸ್ಥಳಕ್ಕೆ ಧಾವಿಸಿ, ಸಂಪೂರ್ಣ ಶೋಧ ನಡೆಸಿತು.

ಇದನ್ನೂ ಓದಿ: ಸ್ಮಶಾನಕ್ಕೆ ಜಾಗ ಮೀಸಲಿಡಲು ಒತ್ತಾಯ: ಕನ್ನಡಸೇನೆ ಕಾರ್ಯಕರ್ತರು ಮತ್ತು ಹೊಸಬೂದನೂರು ಗ್ರಾಮಸ್ಥರ ಪ್ರತಿಭಟನೆ

ಇದೇ ರೀತಿ ಅ.2ರಂದು, ನಟರಾದ ತ್ರಿಶಾ ಮತ್ತು ಎಸ್‌ವಿ ಶೇಖರ್ ಸೇರಿದಂತೆ ಸಿನಿಮಾ, ರಾಜಕೀಯ ವ್ಯಕ್ತಿಗಳನ್ನು ಗುರಿಯಾಗಿಸಿಕೊಂಡು ಬಾಂಬ್ ಬೆದರಿಕೆ ಇಮೇಲ್‌ಗಳನ್ನು ಕಳುಹಿಸಲಾಗಿತ್ತು. ಈ ಬೆನ್ನಲ್ಲೇ ತನಿಖೆ ಚುರುಕುಗೊಳಿಸಿರುವ ಖಾಕಿ ತಂಡ, ನಿಷ್ಕ್ರೀಯ ದಳದೊಂದಿಗೆ ಪರಿಶೀಲನೆ ನಡೆಸಿದೆ. ಆದರೆ, ಅನುಮಾನಾಸ್ಪದ ವಸ್ತುಗಳಾಗಲಿ ಅಥವಾ ಬಾಂಬ್​ ಆಗಲಿ ಯಾವುದೂ ಪತ್ತೆಯಾಗಿಲ್ಲ. ಅದಾದ ಬಳಿಕ ಅ.9ರಂದು, ನಟ ವಿಜಯ್ ಅವರ ನಿವಾಸದ ಮೇಲೆ ಬಾಂಬ್ ದಾಳಿ ಮಾಡುವುದಾಗಿ ಬೆದರಿಕೆ ಕೇಳಿಬಂದ ಬೆನ್ನಲ್ಲೇ ಎಚ್ಚೆತ್ತುಕೊಂಡ ಖಾಕಿ, ಇದೊಂದು ಹುಸಿ ಕರೆ ಎಂಬುದನ್ನು ತಿಳಿದು, ಶಬಿಕ್ (37) ಎಂಬಾತನನ್ನು ಬಂಧಿಸಿದರು,(ಏಜೆನ್ಸೀಸ್).

https://www.vijayavani.net/gautam-gambhir-slams-former-cricketer-over-trolling