ಡ್ರಗ್ಸ್​ ಕೇಸ್​: ಸಿನಿಮಾ ನಿರ್ಮಾಪಕನ ಪತ್ನಿ ಅರೆಸ್ಟ್​​

ಡ್ರಗ್ಸ್​ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮಾಜಿ ನಿರ್ಮಾಪಕನ ಪತ್ನಿಯನ್ನು ಇಂದು ಎನ್​ಸಿಬಿ (ನ್ಯಾಕ್ರೋಟಿಕ್ಸ್​​ ಕಂಟ್ರೋಲ್​ ಬ್ಯೂರೋ) ಬಂಧಿಸಿದೆ.

ಬಾಲಿವುಡ್​ನ ನಿರ್ಮಾಪಕ ಫಿರೋಜ್​ ನಾದಿಯಾದ್​ವಾಲಾ ಅವರ ಮನೆಯನ್ನು ರೇಡ್​ ಮಾಡಿದ ಎನ್​ಸಿಬಿ ಅವರ ಪತ್ನಿ ಶಬಾನಾ ಸಯೀದ್​​ರನ್ನು ಅರೆಸ್ಟ್ ಮಾಡಿದೆ. ಎನ್​ಸಿಬಿ ದಾಳಿ ವೇಳೆ ಶಬಾನಾ ಬಳಿ ಸುಮಾರು 10 ಗ್ರಾಂನಷ್ಟು ಗಾಂಜಾ ಪತ್ತೆಯಾಗಿದೆ.

ಡ್ರಗ್ಸ್​ಗೆ ಸಂಬಂಧಪಟ್ಟಂತೆ ಈಗಾಗಲೇ ಎನ್​ಸಿಬಿ ಹಲವು ಕಡೆಗಳಲ್ಲಿ ದಾಳಿ ನಡೆಸಿದೆ. 717.1ಗ್ರಾಂ ಗಾಂಜಾ ವಶಪಡಿಸಿಕೊಂಡಿದ್ದು, 74.1 ಗ್ರಾಂ ಚರಸ್​, 95.1 ಗ್ರಾಂ ಎಂಡಿಗಳನ್ನು ವಶಪಡಿಸಿಕೊಂಡಿದೆ. ಹಾಗೇ ನಾಲ್ವರನ್ನು ಬಂಧಿಸಿದೆ. ಈ ಕಾರ್ಯಾಚರಣೆಯ ಮುಂದುವರಿದ ಭಾಗವಾಗಿ ನಿರ್ಮಾಪಕ ಫಿರೋಜ್​ ನಾದಿಯಾದ್​ವಾಲಾ ಮನೆ ಮೇಲೆ ಕೂಡ ದಾಳಿ ಮಾಡಿತ್ತು. (ಏಜೆನ್ಸೀಸ್​)

https://www.vijayavani.net/former-minister-vinay-kulkarni-jailed/