ಇದೇ ಜಾನರ್ಗೆ ಸೇರಿದ ಮತ್ತೊಂದು ಚಿತ್ರ 'ಬಾರ್ಡರ್ 2'. 1971ರ ಇಂಡೋ-ಪಾಕ್ ಯುದ್ಧ ಈ ಚಿತ್ರದ ಕಥಾಹಂದರ. ನಟ ಬಾಬಿ ಡಿಯೋಲ್, ವರುಣ್ ಧವನ್ ಮತ್ತು ಅಹಾನ್ ಶೆಟ್ಟಿ ಸೇರಿ ಕೆಲವರು ಪ್ರಮುಖ ಪಾತ್ರಗಳಲ್ಲಿ ನಟಸುತ್ತಿದ್ದಾರೆ. ಟಿ-ಸಿರೀಸ್ ನಿರ್ಮಾಣದಲ್ಲಿ ಚಿತ್ರವು, ಮುಂದಿನ ವರ್ಷ ಜನವರಿ 23ರಂದು ತೆರೆಗೆ ಬರಲು ತಾತ್ಕಾಲಿಕವಾಗಿ ಸಿದ್ಧವಾಗಿದೆ. ಅದೇ ರೀತಿ, ಅಮೀರ್ ಖಾನ್ ಅಭಿನಯದ 'ಲಾಹೋರ್ 1947' ಕೂಡ ಯುದ್ಧಭೂಮಿ ಹಿನ್ನೆಲೆಯನ್ನು ಆಧರಿಸಿದೆ. ಯುದ್ಧಕ್ಕೆ ಸಂಬಂಧಿತ ಕಥೆಗಳಲ್ಲಿ ಒಂದಷ್ಟು ನೈಜ ಕಥೆಗಳನ್ನು ಆಧರಿಸಿದ್ದರೆ, ಇನ್ನೂ ಕೆಲವು ಕಾಲ್ಪನಿಕ ಸ್ಟೋರಿಗೆ ಸೇರಿವೆ. ಇಷ್ಟು ವರ್ಷಗಳ ಕಾಲ ಹೆಚ್ಚಾಗಿ ಲವ್ ಜಾನರ್ಗಳ ಹಿಂದೆ ಬಿದ್ದಿದ್ದ ಹಿಂದಿ ಚಿತ್ರೋದ್ಯಮ, ಇದೀಗ ಆ್ಯಕ್ಷನ್ಗೆ ಹೆಚ್ಚು ಒತ್ತು ನೀಡಿರುವುದು ಗಳಿಕೆಯ ಲೆಕ್ಕಾಚಾರವನ್ನು ಬದಲಿಸಲಿದೆಯಾ? ಏನಾಗಲಿದೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ನೋಡಬೇಕು,(ಏಜೆನ್ಸೀಸ್).
