ವಿಜಯ್​ ಪದಗ್ರಹಣ ಸಂಭ್ರಮದಲ್ಲಿ ತ್ರಿಶಾ ಭಾಗಿ; ಮಲ್ಲಿಗೆ ಮುಡಿದು, ಸೀರೆ ಉಟ್ಟು 'ಸೆಂಟರ್​ ಆಫ್​ ಅಟ್ರಾಕ್ಷನ್'​ ಆದ ಲಿಯೋ ನಟಿ..Trisha

ತ್ರಿಶಾ ಕೃಷ್ಣನ್ ಅವರು ತಿಳಿ ನೀಲಿ ಬಣ್ಣದ ರೇಷ್ಮೆ ಸೀರೆಯನ್ನು ಉಟ್ಟು, ಜಡೆಗೆ ಮಲ್ಲಿಗೆ ಹೂ ಮುಡಿದು ಬಂದಿರುವುದು ಎಲ್ಲರ ಗಮನ ಸೆಳೆಯುವಂತೆ ಮಾಡಿತು. ಆಕರ್ಷಕವಾದ ಸಮುದ್ರ ಹಸಿರು ಬಣ್ಣದ ರೇಷ್ಮೆ ಸೀರೆಗೆ ಚಿನ್ನದ ಬಣ್ಣದ ಜರಿ ಇದ್ದು, ಅದಕ್ಕೊಪ್ಪುವಂತೆ ಕ್ರೀಮ್ ಬಣ್ಣದ ಬ್ಲೌಸ್ ಧರಿಸಿದ್ದರಯ. ಬಿಳಿ ಬಣ್ಣದ ಸ್ಟೋನ್​ವುಳ್ಳ ನೆಕ್ಲೇಸ್, ಕಿವಿಯೋಲೆ ಮತ್ತು ಕೂದಲಿಗೆ ಮಲ್ಲಿಗೆ ಹೂವನ್ನು ಮುಡಿದು ಸಾಂಪ್ರದಾಯಿಕವಾಗಿ ಕಾಣುತ್ತಿದ್ದರು.

ಸರಳ ಹಾಗೂ ಸುಂದರವಾದ ಸೀರೆಯಲ್ಲಿ ಮಿಂಚಿದ ತ್ರಿಶಾ ಅವರ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಕ್ಷಣಾರ್ಧದಲ್ಲಿ ವೈರಲ್ ಆಗಿವೆ. ವಿಜಯ್ ಅವರ ಕುಟುಂಬದ ಸದಸ್ಯರು ಮತ್ತು ಆಪ್ತ ಗೆಳೆಯರ ಜೊತೆಗೆ ತ್ರಿಶಾ ಕಾಣಿಸಿಕೊಂಡಿದ್ದು, ಅಭಿಮಾನಿಗಳಲ್ಲಿ ಸಂಭ್ರಮ ಮೂಡಿಸಿದೆ. 'ಗಿಲ್ಲಿ' ಚಿತ್ರದಿಂದ ಆರಂಭವಾದ ಇವರ ಸ್ನೇಹ ಮತ್ತು ವೃತ್ತಿ ಬಾಂಧವ್ಯ ಈಗ ರಾಜಕೀಯ ವೇದಿಕೆಯಲ್ಲೂ ಮುಂದುವರೆದಿರುವುದು ವಿಶೇಷ.

ನಟಿ ತ್ರಿಶಾ ಮಾತ್ರವಲ್ಲದೆ ತಮಿಳು ಚಿತ್ರರಂಗದ ಖ್ಯಾತ ನಿರ್ದೇಶಕರು, ನಿರ್ಮಾಪಕರು ಮತ್ತು ಹಿರಿಯ ನಟರು ಸಮಾರಂಭಕ್ಕೆ ಆಗಮಿಸಿದ್ದಾರೆ. ರಾಜಕೀಯವಾಗಿ ವಿಜಯ್ ಅವರಿಗೆ ಬೆಂಬಲ ಸೂಚಿಸಲು ಚಿತ್ರರಂಗದ ಗಣ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದರು. ವಿಜಯ್ ಅವರ ತಂದೆ ಎಸ್‌ಎ ಚಂದ್ರಶೇಖರ್ ಮತ್ತು ತಾಯಿ ಶೋಭಾ ಅವರ ಪಕ್ಕದಲ್ಲೇ ತ್ರಿಶಾ ಅವರು ಕುಳಿತು ಸಂಭ್ರಮಿಸುತ್ತಿದ್ದ ದೃಶ್ಯಗಳು ಕಂಡುಬಂದವು, (ಏಜೆನ್ಸೀಸ್).