ಬಿಜೆಪಿ ಮೂರು ಬಾಗಿಲಾದರೆ, ಕಾಂಗ್ರೆಸ್​ನವರದ್ದು ಊರೆಲ್ಲ ಬಾಗಿಲು

ರಾಣೆಬೆನ್ನೂರ: ಬಿಜೆಪಿ ಒಡೆದ ಮನೆ, ಮೂರು ಬಾಗಿಲು ಎಂದು ಹೇಳುತ್ತಿರುವ ಕಾಂಗ್ರೆಸ್​ನವರಿಗೆ ತಿರುಗೇಟು ನೀಡಿದ ಆರ್​. ಅಶೋಕ, ನಮ್ಮದು ಮನೆಯೊಂದು, ಮೂರು ಬಾಗಿಲು ಆಗಿದ್ದರೆ ಕಾಂಗ್ರೆಸ್​ನವರದ್ದು ಊರೇಲ್ಲ ಬಾಗಿಲು ಆಗಿ ಬಿಟ್ಟಿದೆ ಎಂದು ಲೇವಡಿ ಮಾಡಿದರು.

ತಾಲೂಕಿನ ಚಳಗೇರಿ ಗ್ರಾಮದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಡಿ.ಕೆ. ಶಿವಕುಮಾರ ನನಗೆ ಅಗ್ರಿಮೆಂಟ್​ ಪ್ರಕಾರ ಕೊಡಬೇಕು ಅಂತಾ ಹೇಳಿದ್ದಾರೆ. ಪರಮೇಶ್ವರ ನಾವೇನೂ ಕಡಲೆಕಾಯಿ ತಿನ್ನೋಕೆ ಪಾಟಿರ್ಯಲ್ಲಿ ಇದ್ದೇವಾ ಅಂತಾ ಕೇಳಿದ್ದಾರೆ. ಕೆ.ಎಚ್​. ಮುನಿಯಪ್ಪ ಅಗ್ರಿಮೆಂಟ್​ ಪ್ರಕಾರ ನಡೆದುಕೊಳ್ಳಬೇಕು ಅಂತಾ ಹೇಳಿದ್ದಾರೆ. ಕೃಷ್ಣ ಭೈರೇಗೌಡ ಯಾರ್ಯಾರ ಹಣೆಬರಹ ಏನೇನು ಇರುತ್ತೋ ಅದು ಆಕೈತಿ ಅಂದಾರೆ. ಸಿದ್ದರಾಮಯ್ಯ ಇದು ನಮ್ಮದು ಕೊನೆಯ ಅಂತ್ಯ ಅಂತಾ ಹೇಳುತ್ತಿದ್ದಾರೆ. ಹೀಗಾಗಿ ಅವರ ಬಾಗಿಲು ಊರೇಲ್ಲ ತೆಗೆದುಕೊಂಡಂತೆ ಕಾಯ್ತು ಅಲ್ವಾ ಎಂದರು.