ಅಹಂಕಾರ ತುಂಬಿದಾಗ ಅಂತಃಕರಣದ ಅಭಿನಂದನೆಗಳು ಕಾಣಲು ಸಾಧ್ಯವೇ ಇಲ್ಲ: ಕಾಂಗ್ರೆಸ್​ ಆರೋಪಕ್ಕೆ ಬಿಜೆಪಿ ತಿರುಗೇಟು

ಬೆಂಗಳೂರು: ಚಂದ್ರಯಾನ-3 ಯೋಜನೆ ಯಶಸ್ವಿಯಾದ ಬೆನ್ನಲ್ಲೇ ಶನಿವಾರ ಬೆಂಗಳೂರಿಗೆ ಆಗಮಿಸಿದ ಪ್ರಧಾನಿ ಮೋದಿ ಇಸ್ರೋ ವಿಜ್ಞಾನಿಗಳನ್ನು ಭೇಟಿಯಾಗಿ ಅಭಿನಂದಿಸಿರುವ ವಿಚಾರ ಬಿಜೆಪಿ ಹಾಗೂ ಕಾಂಗ್ರೆಸ್​ ನಡುವಿನ ಕೆಸರೆರಚಾಟಕ್ಕೆ ಕಾರಣವಾಗಿದ್ದು, ಎರಡು ಪಕ್ಷಗಳು ಆರೋಪ-ಪತ್ಯಾರೋಪಗಳಲ್ಲಿ ತೊಡಗಿವೆ.

ಕಾಂಗ್ರೆಸ್​​ ಆರೋಪಕ್ಕೆ ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ಪ್ರತಿಕ್ರಿಯಿಸಿರುವ ಬಿಜೆಪಿ ಮೊಸರಲ್ಲಿ ಕಲ್ಲು ಹುಡುಕುವ ಕೆಲಸ ಬಿಟ್ಟು ಮೂರು ತಿಂಗಳಿಂದ ದಾರಿ ತಪ್ಪಿರುವ ರಾಜ್ಯದ ಆಡಳಿತ ವ್ಯವಸ್ಥೆ ಸರಿದೂಗಿಸುವ ಕಡೆ ನಿಗಾವಹಿಸಲಿ ಎಂದು ತಿರುಗೇಟು ನೀಡಿದೆ.

ಇದನ್ನೂ ಓದಿ: VIDEO| ಭಾರತ ದೇಶ ಹಿಟ್ಲರ್​ ಆಡಳಿತದಲ್ಲಿದೆ, ಜನರು ಎಚ್ಚೆತ್ತುಕೊಳ್ಳಬೇಕು: ಕೈ ಶಾಸಕ ವಿನಯ್​ ಕುಲಕರ್ಣಿ

ದೇಶವೇ ಹೆಮ್ಮೆ ಪಡುವ ಸಾಧನೆ ಮಾಡಿದ ಇಸ್ರೋ ವಿಜ್ಞಾನಿಗಳಿಗೆ ಅಭಿನಂದಿಸುವ ವಿಚಾರದಲ್ಲೂ ಅನ್ಯೋನ್ಯತೆಯಿಲ್ಲದೆ ಮುಖ್ಯಮಂತ್ರಿ ಹಾಗೂ ಡಿಸಿಎಂ ಒಂದೇ ಸರ್ಕಾರದ ಪ್ರತಿನಿಧಿಗಳಾಗಿಯೂ, ಜತೆಗೆ ತೆರಳದೆ, ಪ್ರತಿಸ್ಪರ್ಧಿಗಳಂತೆ ಸ್ಪರ್ಧೆಗಿಳಿದು ವೈಯಕ್ತಿಕ ಮೇಲಾಟಕ್ಕೆ ಬಿದ್ದಿದ್ದನ್ನು ರಾಜ್ಯ ಕಂಡಿದೆ.

ಅಭಿನಂದಿಸುವ ವಿಚಾರದಲ್ಲೂ ತಾಳಮೇಳವಿಲ್ಲದ ಕಾಂಗ್ರೆಸ್​ಗೆ ಅಹಂ ಮಾತ್ರವೇ ಕಾಣುತ್ತದೆ. ಅಹಂಕಾರ ತುಂಬಿದಾಗ ಅಂತಃಕರಣದ ಅಭಿನಂದನೆಗಳು ಕಾಣಲು ಸಾಧ್ಯವೇ ಇಲ್ಲ. ಮೊಸರಲ್ಲಿ ಕಲ್ಲು ಹುಡುಕುವ ಕೆಲಸ ಬಿಟ್ಟು ಮೂರು ತಿಂಗಳಿಂದ ದಾರಿ ತಪ್ಪಿರುವ ರಾಜ್ಯದ ಆಡಳಿತ ವ್ಯವಸ್ಥೆ ಸರಿದೂಗಿಸುವ ಕಡೆ ನಿಗಾವಹಿಸಲಿ ಎಂದು ತಿರುಗೇಟು ನೀಡಿದೆ.

https://www.vijayavani.net/governor-threatened-peace-loving-people-of-punjab

https://www.vijayavani.net/jk-teacher-thrashes-student-for-writing-jai-shri-ram