ಜನವರಿ 1 ರಂದು ದೆಹಲಿ ಮುಖ್ಯಮಂತ್ರಿ ಅತಿಶಿ, ರಾಷ್ಟ್ರ ರಾಜಧಾನಿಯಲ್ಲಿ ಹಲವಾರು ದೇವಾಲಯಗಳನ್ನು ಕೆಡವಲು ಬಿಜೆಪಿ ಆದೇಶ ನೀಡಿದೆ ಎಂದು ಆರೋಪಿಸಿದರು. ನವೆಂಬರ್ 22 ರಂದು ನಡೆದ ಧಾರ್ಮಿಕ ಸಮಿತಿಯ ಸಭೆಯಲ್ಲಿ ಪಶ್ಚಿಮ ಪಟೇಲ್ ನಗರ, ದಿಲ್ಶಾದ್ ಗಾರ್ಡನ್, ಸೀಮಾಪುರಿ, ಗೋಕಲ್ಪುರಿ, ನ್ಯೂ ಉಸ್ಮಾನ್ಪುರ ಮತ್ತು ಸುಲ್ತಾನ್ಪುರಿಯಲ್ಲಿರುವ ಹಲವಾರು ದೇವಾಲಯಗಳು ಮತ್ತು ಸುಂದರ್ ನಗರಿಯಲ್ಲಿರುವ ಬೌದ್ಧ ದೇವಾಲಯವನ್ನು ಕೆಡವಲು ನಿರ್ಧರಿಸಲಾಯಿತು ಎಂದು ಅವರು ಹೇಳಿದ್ದಾರೆ. ಇಂತಹ ಆದೇಶಗಳ ಮೂಲಕ ಬಿಜೆಪಿಯ ದ್ವಂದ್ವ ಮುಖ ಬಯಲಾಗಿದೆ. ಒಂದೆಡೆ ಹಿಂದೂ ಧರ್ಮದ ರಕ್ಷಣೆಯ ನೆಪ ಹೇಳಿದರೆ, ಮತ್ತೊಂದೆಡೆ ದೇವಸ್ಥಾನಗಳನ್ನು ಕೆಡವಲು ತಮಗೆ ನೇಮಿಸಿದ ಅಧಿಕಾರಿಗಳು ಹಾಗೂ ಎಲ್ಜಿಗೆ ರಹಸ್ಯವಾಗಿ ಸೂಚನೆ ನೀಡುತ್ತಿದ್ದಾರೆ ಎಂದು ತಿಳಿಸಿದ್ದರು.(ಏಜೆನ್ಸೀಸ್)
