ರಾಹುಲ್ ಗಾಂಧಿಯಿಂದ ಎಡವಟ್ಟು; ಕಾನೂನು ಕ್ರಮಕ್ಕೆ ಒತ್ತಾಯಿಸಿ ಚುನಾವಣಾ ಆಯೋಗಕ್ಕೆ ಬಿಜೆಪಿ ಪತ್ರ

ನವದೆಹಲಿ: ಕಾಂಗ್ರೆಸ್​ ನಾಯಕ, ಸಂಸದ ರಾಹುಲ್ ಗಾಂಧಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಬಿಜೆಪಿ ಚುನಾವಣಾ ಆಯೋಗಕ್ಕೆ ಪತ್ರ ಬರೆದಿದೆ.

ಬಿಹಾರದಲ್ಲಿ ಮೊದಲ ಹಂತದ ಮತದಾನ ಶುರುವಾದ ನಂತರವೂ ರಾಹುಲ್ ಗಾಂಧಿ ಪ್ರಚಾರ ನಡೆಸಿದ್ದಾರೆ. ಮಹಾಘಟ್​ಬಂಧನಕ್ಕೆ ಮತ ಹಾಕಿ ಎಂದು ಯಾಚಿಸಿದ್ದಾರೆ. ಇದು ಚುನಾವಣಾ ನೀತಿ ಸಂಹಿತೆಯ ಉಲ್ಲಂಘನೆಯಾಗಿದ್ದು, ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಬೇಕು ಎಂದು ಪತ್ರದಲ್ಲಿ ಬಿಜೆಪಿ ಒತ್ತಾಯಿಸಿದೆ.

ಇಂದು ಬಿಹಾರ ಚುನಾವಣೆ. ಮೊದಲ ಹಂತದ ಮತದಾನ ಶುರುವಾದ ನಂತರ ರಾಹುಲ್​ ಗಾಂಧಿಯವರು ಟ್ವೀಟ್ ಮಾಡಿ, ನ್ಯಾಯ, ಉದ್ಯೋಗ, ರೈತರು, ಕಾರ್ಮಿಕರಿಗಾಗಿಯೇ ಇರುವ ಮಹಾಘಟ್​ ಬಂಧನ್​​ (ಮಹಾಮೈತ್ರಿ)ಗೆ ಮತ ಹಾಕಿ ಗೆಲ್ಲಿಸಿ ಎಂದು ಟ್ವೀಟ್​ ಮಾಡಿದ್ದರು.ಇದನ್ನೂ

ಚುನಾವಣೆ ದಿನ ಮತ ಯಾಚನೆ ಮಾಡುವುದು, ಪ್ರಚಾರ ಮಾಡುವುದು ಚುನಾವಣಾ ನೀತಿ ಸಂಹಿತೆಯ ಉಲ್ಲಂಘನೆ. ಇಂದು ಮುಂಜಾನೆಯೇ ಮತದಾನ ಶುರುವಾಗಿದ್ದು, ಅದಾದ ಕೆಲವೇ ಹೊತ್ತಲ್ಲಿ ರಾಹುಲ್​ ಗಾಂಧಿ ಹೀಗೆ ಟ್ವೀಟ್​ ಮಾಡಿದ್ದರು.

ಇದೀಗ ರಾಹುಲ್​ ಗಾಂಧಿಯ ವಿರುದ್ಧ ಕ್ರಮಕ್ಕೆ ಬಿಜೆಪಿ ಆಗ್ರಹಿಸಿದೆ. (ಏಜೆನ್ಸೀಸ್​)